Ben Levi 26:11 - BIBLIYA NTAGATIFU OMU MASHI

¹¹ Natwa icumbi lyâni emwinyu na ntà mango na­nkaderha nti mwamanshologorha.

Ben Levi 26:11 ပူးပေါင်းရင်းမြစ်များ

2 Samweli 7:7

“Agôla mango najaga nagenda na bene Israheli boshi, ka hali mucîranuzi muguma omu bacîranuzi b’Israheli balihîrwe okuyâbula olubaga lwâni Israheli, ka hali oyu nadôsize nti: Cirhuma orhanyûbakira enyumpa y’enshebeye?”

1 Bâm 6:13

“nanayôrha ndi ekarhî ka bene Israheli na ntà mango nankalekerera olubaga lwâni lw’Israheli”».

1 Bâm 8:13

Nahizirage enyumpa yâwe ahantu wakayôrha oli ensiku zoshi.»

1 Bâm 8:27

“Cikwônene ka kwo binali Nyamuzinda ho anabà hanôla igulu? Ci lolà okw’igulu lirhankabona aha lya muhira: kurhigi byankabà lyôhe mw’eno nyumpa namâyûbaka!”

Ennanga 106:40

Lêro Nyakasane anacigwârhwa n’omutula gw’olubaga lwâge, omwîmo gwâge gwamurhenga oku murhima.

Ennanga 76:2

Nyamuzinda amanyîkîne omu ca Yûda, n’omu Israheli, izîno lyâge lyàjîre irenge.

Ennanga 78:59

Lêro Nnâmahanga ayumva omutula gwamugwârha, kwo kukaga Israheli.

Lubungo 25:8

Onjirire endâro lyo nkazibêra ekarhî kinyu.

Lubungo 29:45

Nabêra ekarhî ka Bene-Israheli, na mbè Nyamuzinda wâbo.

Lubungo 29:46

Bamanya oku nie Nyakasane, Nyamuzinda wâbo, oku nie nabarhenzagya omu cihugo c’e Mîsiri, nti lyo mbêra ekarhî kâbo, nie Nyakasane, Nyamuzinda wâbo.

Yeremiya 14:21

Oku bukuze bw’izîno lyâwe orharhulekêreraga, irenge ly’izîno lyâwe lirhumire, orharhulekêreraga. Omanye wakabonêsa entebe y’irenge lyâwe nshonyi. Okengêre mâshi orhatwaga omu ndagâno warhulaganyagya.

Ndûlù 2:7

Nyakasane arhacilonza oluhêrero lwâge, analesire ahantu hâge hatagatîfu, enyumpa nyinjinjà z’e Siyoni analesire zarhibukira omu maboko g’omushombanyi. Olubî lwàli lunji bwenêne omu ka-Nyamuzinda nka kula binayôrha amango g’olusiku lukulu!

Yoweli 2:27

“Lyo mumanya ntyo oku nie ndi ekarhî k’Israheli, nie Nyakasane Nyamuzinda winyu, ci ntà wundi Nyamuzinda. Nanga, ntà mango olubaga lwâni lwâcibone nshonyi.”»

Ben Levi 20:23

Murhashimbaga amarhegeko g’ishanja nahîva embere zinyu; bulya bal’ijizire amabî gali nk’ago; co carhumire bangayîsa.

Ben Levi 26:15

n’erhi omurhima gwinyu gwankashologorhwa n’engeso zâni, kurhume mubula kwashimba amarhegeko gâni, mugal’ivuna endagâno yâni,

Ben Levi 26:43

Ecihugo barhenzibagwamwo, lêro naco cabà n’ezizira za Sabato waco. Bulya cakaz’ihagulwa, banayêmêra obuhane bw’amabî gâbo, bulya bali bagayaguzize amarhegeko gâni, n’omurhima gwâbo gwàli gushologosirwe n’amarhegeko gâni.

Ben Levi 26:44

Cikwône arhali hoshi aho: amango babà bakola bali omu cihugo c’abashombanyi bâbo, ntabakabulire lwoshi, barhananshologose mpu kuhika mbaherêrekeze, mpu kurhume nayîrha eciragâne najiraga nabo, bulya nie Nyakasane, Nyamuzinda wâbo.

Zakariya 11:8

Omu mwêzi muguma nakûlaho balya bangere bâbo basharhu. Nabirya bibuzi byantenga emurhima, byantwa amasikosiko.

Befezi 2:22

Muli ye ninyu mwajîre omu bûbake mpu muhinduke ka-Nyamuzinda muli Mûka Mutagatîfu.

Lushika 32:19

Nyamubâho abona okwo, n’omu burhè bwâge, ajandika bagala na bâli bâwe.

Yozwe 22:19

“Akabà mubwîne oku ciri cigalugalu eci cihugo ciri mwanya gwinyu, muyikire mujè omu cihugo ca Nyakasane, muli endâro ya Nyakasane, eri edêkerîre, kandi mwanahâbwa ogwinyu mwanya ekarhî kîrhu, ci murhahîra mukacîhindula kuli Nyakasane n’okucîhindula kuli rhwe, omu kucîyûbakira o­lwinyu luhêrero, lundi kuleka oluhêrero lwa Nyakasane, Nyamuzinda wîrhu”.

Yozwe 22:31

Pinhasi, mugala w’omudâhwa Eleazari, anacibwîra bene Rubeni na bene Gadi na bene Menashè, erhi: «Rhukolaga rhumanyire ene oku Nyakasane ali haguma nîrhu, bulya murhajizire obugoma embere za Nyakasane, mwayôkola ntyo bene Israheli oku bukunizi bwa Nyakasane».

Mafulûlo 21:3

Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo».

Mafulûlo 7:15

Co cirhumire bali aha mbêre z’e­ntebe ya Nyamuzinda, co cinarhumire bamukolera mûshi na budufu omu luhêro lwâge; n’otamîre oku ntebe akola ayish’iyûbaka ecihando câge ekarhî kâbo.