Ben Levi 25:8 - BIBLIYA NTAGATIFU OMU MASHI

⁸ Wanaganja zizira nda, kwo kuderha Sabato nda za myâka nda kali nda, amango g’ezôla zizira nda z’emyâka, zakubêra mango ga myâka makumi anni na mwenda. Kwo kuderha mango ga migobe ya myâka nda migumaguma.

Ben Levi 25:8 ပူးပေါင်းရင်းမြစ်များ

Murhondêro 2:2

Erhi abà amâyûsa omukolo akazâgikola, Nyamuzinda arhamûka oku lusiku lwa kali nda, ahûmûka omu mukolo akâgijira

Ennanga 89:16

Luli lw’iragi olubaga luyishicîtakira, Yâgirwa nêci, obusù bwâwe bwône bubamolekera oku bashûrh’enjira.

Daniyeli 9:24

Migobe makumi galinda yarhegesirwe oku biyêrekîre olubaga lwâwe n’oku biyêrekîre olugo lwâwe Lutagatîfu, omu kuhwa kw’obugoma omu kubabalirwa ebyâha, omu kukûlwa kwo obubî, n’omu kulêrha obushinganyanya, omu kusêza okwôla kubonekerwa n’obwôla bulêbi n’omu kushîga amavurha Omutagatîfu w’abatagatîfu.

Ben Levi 23:15

Kurhenga olusiku lwakulikira Sabato, kuhika olusiku mwayisha mudwîrhemwo emihuli y’okuhêreza Nyakasane, mwanaganja migobe nda migumagumà.

Ben Levi 25:7

Ebintu bi­shwekwa n’ensimba z’omu cihugo cinyu, nabyo byakaz’ilya ngasi byankayêra muli obwôla budaka agôla mango. B. Omwâka gwa makumi arhanu

Ben Levi 25:9

Omu nsiku ikumi z’omwêzi gwa kali nda, obûhe omushekera, gushekêreze, oku kulâlika olusiku lukulu lw’okuhyûlira ebyâha, mugere omu cihugo coshi mwayisha mwabûha omushekera.

Mibalè 36:4

N’amango gayisha, galya mango g’okucîshinga kwa bene Israheli, ako kashambala kâbo kanagendiyushuka oku kashambala k’ab’erya munda baherusire; ntyo akashambala kâbo cibè cihimbi citwisire oku kashambala ka balarha.»