Ben Levi 25:23 - BIBLIYA NTAGATIFU OMU MASHI

²³ Obudaka burhankaguzibwa lwoshi, bulya ecihugo ciri câni, munayûbasire emwâni nka bigolo, na nka bantu ba kugera kwônene.

Ben Levi 25:23 ပူးပေါင်းရင်းမြစ်များ

Murhondêro 23:4

«Eno mwinyu, ndi yo mubunga nanciri cigolo. Mumpe nâni oluvumbu ntenze oyu muntu wâni mmubishemwo.»

Murhondêro 47:9

Yakôbo ashuza Faraoni mwâmi w’e Mîsiri, erhi: «Emyâka nashinzire ndwîrhe nagendagenda, eri igana na makumi asharhu. Eri myofi eri na buhanya. Erhacihika oku ya balarha amango bakazâg’igendagenda».

1 Bâm 21:3

Naboti anacishuza mwâmi, erhi: «Nanga! Nyakasane ananyîrha erhi nakahâna akashambala k’ababusi bâni.»

1 Nganîro 29:15

Embere zâwe rhunacîbêrîre bigolo byayankirîrwe n’olukogo lwâwe aka ba shakulûza bîrhu boshi; ensiku zîrhu za bano igulu kwo zigera nka cîhôho, ntà bulangâlire bwa kuyôrhaho rhujira.

2 Nganîro 7:20

“nanabarhenza muli eri idaho nabahâga, eyîra nyumpa nagishaga oku izîno lyâni, nanayikûla embere z’obusù bwâni, nyijire masheka na mugani omu mashanja goshi”.

Ennanga 119:19

Ndi cigolo hano igulu, omanye wakanfulika amarhegeko gâwe,

Ennanga 24:1

Lulanga. Lwa Daudi. Igulu n’ebibâmwo byoshi bibà bya Nyakasane, Ye Nnâmahanga goshi n’ebiremwa byâgo byoshi.

Ennanga 39:12

Okuhana ohan’omuntu kunarhume ayinjiha; kunalundugurhe ebi omuntu arhonya kula ennundo ekolera omurhi.

Ennanga 39:13

Yâgirwa, oyumve omusengero gwâni oyumvîrhize omulenge gwâni, orhabâga nka wa bihuli nandwîrhe nabanda olujamu. Bulyâla ndi cigolo aha oli, ndi mubalama aka bashakulûza boshi.

Ennanga 85:1

Gwârhi omukulu w’abimbiza. Lulanga. Lwa bene Korè.

Lubungo 19:5

Lêro, mukâyumva izù lyâni n’okushimba endagâno yâni, mwâbà mwîmo gwâni omu mashanja goshi, bulya igulu lyoshi liri lyâni;

Lubungo 2:22

Nyamuhya anaciburha omwâna-rhabana. Mûsa amuyîrika izîno lya Gershomi, erhi: «Bulya ndi mubunga omu cihugo c’ihanga.»

Izaya 8:8

“Lwacihandalika-handalika, lwajà cingana omu lya Yûda, lwabirira, lwagera omu kâgarhî, kuhika omu igosi, na mw’okwo kujà lwashanjûla emyaro yalwo, lulinde luyunjuza ecihugo câwe coshi, wâni Emanûweli!”

Ezekiyeli 48:14

Barhankaderha mpu bâguza kuli ogwo mwanya nîsi erhi okuhinganula kuli gwo n’ebisârûlwa birhangiriza bya muli ecôla cihugo birhankarhengamwo bulya ciri cihugo cirherekîrwe Nyamubâho.

Hozeya 9:3

Barhacihêre omu cihogo ca Nyamuzinda, Efrayimu ashubira e Mîsiri, n’e Asîriya bâlyayo ebiryo by’okubahumânya.

Yoweli 2:18

Nyakasane âyâgalwa n’ecihugo câge, âcibêra lukogo, âbabalira n’olubaga lwâge.

Yoweli 3:2

“Mw’ezo nsiku, ciru n’abajà n’abajà-kazi, nâbadubulirakwo Mûka gwâni”.

Ben Levi 25:10

Muderhe oku guli mwâka Mutagatîfu, o­mwâka gwa makumi arhanu, munaderhe oku abîkalà b’ecihugo boshi bamârhenga omu bujà, n’oku ngasi mwîkala arhacigwêrhi cihanzo c’okuyûbaka nka oku analonzize, ngasi muguma ashagaluke, ashubirane ehyâge, anashubire omu mulala gwâge.

Ben Levi 25:24

Aha mwayûbake hoshi omu cihugo, mwakaz’iyêmêra omuntu agombôle amashwa gâge.

Lushika 32:43

Mwe malunga, muciyigîrize haguma naye, na bene Nyamuzinda bamuharamye! Mwe mashanja, mucîyigîrize haguma n’olubaga lwâge, n’entumwa za Nyamuzinda ziderhe obuzibu bwâge. Bulyâla ayishihôla omukò gw’abambali, anagalulire abashombanyi bâge amakwânane gâbo. Abamushomba abagalulira ebyâbo, anakangûle ecihugo c’olubaga lwâge.

1 Petro 2:11

Bîra bâni, mmuhûnyire, mwe muli nka bigolo na nka babalama en’igulu, nti mucîlange oku iralà ly’omubiri likâlwîsa omûka.