Ben Levi 23:8 - BIBLIYA NTAGATIFU OMU MASHI

⁸ Mukaz’irherekêra Nyakasane muli ezo nsiku nda enterekêro nsingônola n’omuliro. Olusiku lwa kali nda habè endêko nyimâna, murhahîraga mukajira omukolo mudârhi. Omuhuli murhangiriza

Ben Levi 23:8 ပူးပေါင်းရင်းမြစ်များ

Lubungo 12:16

“Omu lusiku lurhanzi, mukâjira endêko ntagatîfu. Omu lusiku lwa kali nda, kwo na kuguma. Mw’ezo nsiku ntâye wahumaga akabishi, ci mukâkola ebi mwâlya byône”.

Lubungo 13:6

“Nsiku nda zoshi okaz’irya omugati gurhalimwo olwango. Olusiku lwa kali nda lukaz’ibà lusiku lukulu lwa Nyakasane”.

Ezekiyeli 45:23

Na muli ezôla nsiku nda z’olusiku lukulu, bânakaz’ihâna oku nterekêro y’ensirîra emwa Nyamubâho, mpanzi nda, ngandabuzi nda zirhalikwo ishembo oku ngasi lusiku luguma muli ezôla nsiku nda, bânajira n’ecihebe oku nterekêro oku câha ngasi lusiku.

Ben Levi 23:7

Olusiku lurhanzi mwakâjira endêko nyimâna, murhahîraga mukâjira omukolo mudârhi mwo.

Ben Levi 23:9

Nyakasane ashambâza Mûsa amubwîra, erhi:

Mibalè 28:18

Omu lusiku lurhanzi, hanabà embugânano nyimâna: Murhahîra mukajira emikolo midârhi.

Mibalè 28:25

Oku lusiku lwa kali nda, mwanabà n’embugânano nyimâna: murhahîra mukajira omukolo mudârhi. E Enterekêro z’ensiku nkulu z’emigobe

Mibalè 28:26

Oku lusiku lw’emburho mpyâhya, eyêzire burhangiriza, amango mukola mwarherekêra Nyamubâho enkalangè y’ebisârûlwa binyu birhangiriza oku lusiku lukulu lwinyu lw’emigobe, mwanabà n’embugânano nyimâna: murhahîra mukajira omukolo mudârhi.

Lushika 16:8

Washinga nsiku ndarhu walya emigati erhalimwo ngezo, n’oku lusiku lwa kali nda hanabà embugânano nkulu bwenêne y’okukuza Nyamubâho, Nyamuzinda wâwe: ago mango orhahîra okajira mukolo mulebe.