Ben Levi 23:2 - BIBLIYA NTAGATIFU OMU MASHI

² Ogend’ibwîra bene Israheli, erhi: Lolagi amango mwakaz’icîsêza okushimânanamwo omu ndêko nyimâna, za Nyakasane, ago mango gakâbà mango makulu bwenêne. Olwa Sabato

Ben Levi 23:2 ပူးပေါင်းရင်းမြစ်များ

2 Bâm 10:20

«Mucîyôbôle bulya habà ihano likulu ly’okukuza Baali». Boshi banacijà bakulâlika.

1 Nganîro 23:31

Na ngasi mango barhûla Nyakasane enterekêro z’okusingônola oku lusiku lwa Sabato, olusiku lurhanzi lwa ngasi mwêzi, n’ezindi nsiku nkulu nk’oku byànaliyandisirwe omu irhegeko. Gwo mukolo bàkâgijira ensiku zoshi embere za Nyakasane ogwo.

2 Nganîro 2:3

Lolà oku nkola nayûbaka enyumpa oku izîno lya Nyamubâho, Nyamuzinda wâni, nyishimurherekêrayo, nankazitumbûkizamwo embere zâge, omugî gwa enshangi, nkazimurhûliramwo emigati y’enterekêro, enterekêro z’ensirîra za sêzi na bijingo, omu nsiku za Sabato, omu nsiku nkulu z’omu mwêzi n’omu zindi nsiku nkulu za Nyamubâho Nyamuzinda wîrhu, liri irhegeko lya Israheli eryo ensiku zoshi.

2 Nganîro 30:5

Bahiga ntyôla okugeza omulâli omu Israheli moshi, kurhenga e Bersheba e Dani, mpu bajè e Yeruzalemu bayîshikuza olusiku lukulu lwa Basâka oku irenge lya Nyamubâho, Nyamuzinda w’Israheli; bulya bàrhacilukuzagya omu kuyisha kw’abantu boshi, nk’oku binayandisirwe.

Ezra 3:5

Enyuma ly’aho banacirherekêra enterekêro ya ngasi lusiku, bahirako enterekêro za Sabato n’ez’okubaluka kw’omwêzi n’eza ngasi nsiku nkulu zinayêrekîre Nyakasane na abalonzize bakaz’ihêra enterekêro banalonzize.

Ennanga 81:3

Mukomere ennanga murhimbe n’engoma, muvuze enzenze na hirya hirhêra hilongîre.

Lubungo 32:5

Erhi Aroni abona kulya, ayûbaka oluhêrero embere ly’erya nshusho, ayâlîza, erhi: «Irhondo luli lusiku lukulu lwa Nyakasane!»

Izaya 33:20

Sinza Siyoni, lugo lw’ensiku nkulu zîrhu! Amasù gâwe gâbona Yeruzalemu, ndâro erhabâmwo kadugundu, cihando cirhashegûka, cirhakûlwamwo mitungo cirhakatwîkamwo mugozi ciru n’eliguma.

Ndûlù 1:4

Enjira z’e Siyoni ziri omu mishîbo, zalesirwe na balya bakâgiyishija oku lusiku lukulu. Emihango yâge yoshi eri bwâmwa, abadâhwa bâge bali omu mulenge. Ensûli zâge zatwisire omurhima. Alà oku ebyo byoshi byâdarhabalira Siyoni yâga!

Ezekiyeli 44:24

Amango hali akadali bwo bakazitwa olubanja; balutwe omu kushimba amarhegeko gâni najiraga. Bakazishimba amarhegeko n’engeso zâni omu ngasi nsiku nkulu, banakazilanga ensiku zâni za Sabata.

Hozeya 2:11

Co cirhumire, nkola nâshubiyanka engano yâni omu mango gâyo, n’amamvu gâni mahyâhya amango gâgo, nâmunyaga emishangi n’emipira yâni abwîsiremwo obushugunu bwâge.

Yoweli 1:14

Mwe bagula, mubwîre abantu boshi, murhegeke bacîshalise, bajire olusiku lukulu omu ka-Nyamuzinda winyu. Muyakûze Nyamuzinda.

Yoweli 2:15

Mubûhe omu mushekera e Siyoni, muderhe bacîshalise, bajire olusiku lukulu.

Ben Levi 23:1

Nyakasane ashambâza Mûsa ambwîra, erhi:

Ben Levi 23:21

Mw’olwôla lusiku lwonênè mwanalâlikana oku lusiku lukulu, mugal’ijira endêko nyimâna: murhahîra mukajira mukolo guhi, liri irhegeko ly’ensiku zoshi kuli ngasi bûko bwinyu na ngasi hantu mwankanayûbaka.

Ben Levi 23:37

Zo nsiku nkulu za Nyakasane ezo, zo mwakaz’ikombêra n’okujiramwo e­ndêko nyimâna, lyo murhûla Nyakasane enterekêro z’okusingônolwa n’omuliro, okurhûla ensirîra, enkalangè, embâgwa n’ecinyôbwa. Nka kulya birhegesirwe kuli ngasi lusiku.

Ben Levi 23:4

Lolagi ensiku nkulu za Nyakasane, endêko mugwâsirwe mukaz’ihamagala bene Israheli okurhimanana muli ezo nsiku z’endêko nyimâna ngasi luguma omu mango gâlwo.

Ben Levi 23:44

Mûsa anacimanyîsa ebyo byoshi kuli bene Israheli, ezo nsiku nkulu z’okukuza Nyakasane.

Mibalè 10:10

“Omu nsiku z’obusîme, omu nsiku nkulu zinyu, n’amango mukuzamwo omwêzi nka gwamabaluka, mwanakazibûha emishekera, nka mukola mwarherekêra enterekêro y’ensirîra n’e­ nterekêro y’omurhûla, mwanabûha eyôla mishekera ebè kakengêzo embere za Nyamuzinda winyu. Nie Nyamubâho, Nyamuzinda winyu”».

Mibalè 29:39

Zo nterekêro mwakazirherekêra Nyamubâho ezo oku nsiku nkulu zinyu, buzira kuleka enterekêro z’okuyûkiriza emihigo yinyu n’enterekêro zinyu z’obulonza bwinjà: zo nterekêro z’ensirîra zinyu, enterekêro z’enkalangè zinyu, embulagwa zinyu n’enterekêro z’omurhûla.

Yowane 5:1

Enyuma ly’ebyo, lwanacibà lusiku lukulu lw’Abayahudi, naye Yezu ayinamukira e Yeruzalemu.

Bakolosi 2:1

Nnonzize mumanye ntambala ndârhi ncindwîrhe nalwa mwe murhuma, nab’e Laodiceya, na ngasi bandi barhasâg’ibona obusù bwâni menemene.

Bakolosi 2:16

Lêro irhondo harhacijiraga owammuderha oku biribwa n’oku binyôbwa, nîsi erhi oku biyêrekîre ensiku nkulu, erhi okubaluka kw’omwêzi, erhi olwa Sabato.