Ben Levi 21:13 - BIBLIYA NTAGATIFU OMU MASHI

¹³ Amango akola ajà omu buhya, kukwânîne ayanke omunyere ocigwêrhe ibikira.

Ben Levi 21:13 ပူးပေါင်းရင်းမြစ်များ

Ezekiyeli 44:22

Omukuja omu buhya, barhahîra bakayanka omukazi w’omukana erhi omu­kazi w’eciherula, ci bakaziyanka abânanyere baciri babikira b’omu mulala gwa bene Israheli, banahashiyinjira omukana wali mukà omudâhwa.

Ben Levi 21:12

Arhankahasha okurhenga omu ka-Nyamuzinda, lyo arhag’ilogorhera aka-Nyamuzinda wâge. N’ecarhuma ahanzibwa ntyo, ganali galya mavurha ga Nyamuzinda ashîgagwa mpu libè ishungwè lyâge, nie Nyakasane nkudesire.

Ben Levi 21:14

Arhankayanka omûka­na, arhankanayanka omukazi ohulusîbwe n’ibà, arhankanayanka omukazi w’olugendo lubî, kandi erhi ojà ashenza. Ci akola ayanka omukazi, anayanka omushugi-nyere w’omu bûko bwâge.

Ben Levi 21:7

Barhahîra bakayanka omukazi mûmaguza, erhi orhankakengwa; barhahîra bakayanka omukazi ohulusîbwe n’ibà, bulya omudâhwa ayôsire ali murhererkêre Nyamuzinda wâge.

2 Bakorinti 11:2

Bulyâla okuyâgala munyâgîre kuli kuyâgalwa kwa Nyamuzinda. Kulya kubà nammuhîre mulume muguma yênene, nka mwâna w’obunyere orhashubig’ihumwakwo w’okuyêreka Kristu.

Mafulûlo 14:4

Abôla bo balya barhacîhemulaga n’abakazi: bâli bala­mbà. Bo bakulikira Omwâna-buzi ngasi aha anajîre hoshi. Bo balya bashomôlwîrwe omu karhî k’abandi bantu, bacîshogwa mpu babè mwâka muhyâhya gurhûzirwe Nyamuzinda bo n’Omwâna-buzi.