Ben Levi 2:13 - BIBLIYA NTAGATIFU OMU MASHI

¹³ Okaz’ilunga ngasi ntûlo warherekêra Nyamuzinda orhanalekaga okuhira omunyu gw’eciragâne câwe na Nyamuzinda wâwe kw’ebi wamurhûla. Okaz’ihira omunyu muli ngasi nterekêro yâwe yoshi emwa Nyamuzinda.

Ben Levi 2:13 ပူးပေါင်းရင်းမြစ်များ

2 Nganîro 13:5

“Ka murhagwâsirwi okumanya oku Nyamubâho, Nyamuzinda w’Israheli, ahîre Daudi obwâmi bw’ensiku zoshi omu Israheli, amuhàbo ye n’abagala omu ndagâno erhankavunwa?”

Ezra 7:22

Kuhika oku talenta igana za nsaranga, birundo igana bya ngano, mikondo igana y’idivayi, mikondo igana ya mavurha, n’omunyu buzira kugera.

Lubungo 30:35

“Ojiremwo omugavu gw’enshangi, mukolo gwa muvânzi mulenga, ogwo mugavu gujemwo omunyu, gurhajagamwo bindi bici, gubè Mutagatîfu”.

Ezekiyeli 43:24

Wânazihêka embere za Nyamubâho, kandi abadâhwa banazikwebakwo omunyu, banabulizirhererekêra nka nterekêro ya nsirîrà embere za Nyamubâho.

Mibalè 18:19

“Ebi bene Israheli baberûlira Nyamubâho oku bintu bimâna nkuhirebyo we na bagala bâwe na bâli bâwe. N’eryo liri irhegeko ly’ensiku n’amango, eri ndagâno nnunge y’ensiku zoshi, embere za Nyamubâho kuli we n’okw’iburha lyâwe mweshi.”»

Mateyo 5:13

Mwe, muli munyu gw’igulu. Ci kwône, omunyu gukarhengamwo obununu, cici gwankacilungwamwo? Ntâco gwankacikwânana okurhali kukabulirwa embuga n’okulabarhwa n’abantu.

Bakolosi 4:6

Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.