Ben Levi 19:34 - BIBLIYA NTAGATIFU OMU MASHI

³⁴ Ecigolo ciyûbasire emwinyu, mukâcilola nka mwene winyu mugal’icizigira nka oku mucîzigirana mwene na nene, bulya ninyu mwâli bigolo omu cihugo c’e Mîsiri. Nie Nyakasane Nyamuzinda winyu okudesire.

Ben Levi 19:34 ပူးပေါင်းရင်းမြစ်များ

Ennanga 146:9

Ye yimanza abagogomîrwe, Nnâmahanga azigira abîrhonzi.

Lubungo 22:21

Orhahîra okalibuza omukana nîsi erhi enfûzi.

Ezekiyeli 47:22

Mukola mwagabâna ecihugo mwânaciyêshera ecigole, mucigabâne mweshi n’ebigolo biyûbasire ekarhî kinyu, bwo balya bamâyalukiza ekarhî kinyu. Bâyôrha nka bambali binyu omu karhî ka bene Israheli, nabo ecâbo cihimbi ciyêsherwe ecigole omu karhî ka bene Israheli.

Ben Levi 19:18

Orhahîra okucîhôla nîsi erhi okabîkira abantu b’omu lubaga lwinyu akarhi­nda. Okâzigira omulungu wâwe nka oku ocîzigira wênene. Nie Nyakasane okudesire.

Ben Levi 19:3

Ngasi muguma muli mwe agwâsirwe okukenga îshe na nnina, n’ensiku zâni za Sabato mukaz’izikenga. Nie Nyakasane Nyamuzinda winyu.

Mibalè 10:32

Okayisha haguma nîrhu, rhwanayishigabâna birya binjà Nyamubâho ânarhuhe.

Mateyo 5:43

Mwayumvîrhe oku bàdesire, mpu: Okâzigira omwalungwe wâwe, onashombe omushombanyi wâwe.

Lushika 10:19

Mukazigira ababunga bulya ninyu mwâli babunga omu cihugo c’e Mîsiri.

Lushika 23:7

Ensiku z’akalamo kâwe koshi, ciru ntà mango oderhage mpu wabalongeza omurhûla n’omugisho.

Lushika 23:8

Orhahîraga okashomba Omu-Edomiti bulyâla ali mwene winyu. Orhahîraga okashomba omunyamisiri, bulyâla wali cigolo omu cihugo câbo:

RUTI 2:10

Oku bundi Ruti anacifukamiriza, ak’amalanga kahwêra okw’idaho, aderha, erhi: «Yâgirwa oku namarhona emwâwe kurhankaderhwa, kuli nie, ndi mukazi wa cigolo!»