Ben Levi 19:28 - BIBLIYA NTAGATIFU OMU MASHI

²⁸ Murhahîra mukashâkirwa owafîre, nîsi erhi mukamushakirwa enzirogo. Nie Nyakasane okuhamîrize.

Ben Levi 19:28 ပူးပေါင်းရင်းမြစ်များ

1 Bâm 18:28

Bahamagaza, bayâmaga kulusha; bacîshâkashâka n’engôrho n’amatumu gâbo nk’oku banakomereraga okujira amango bakola bahêra, kuhika bakaz’ihulula mukò.

Yeremiya 16:6

Abakulu n’abarho, bâfàmwo eci cihugo banabule câbisha babule na câlakira, ntâye wâshâkwa na ntâye wâmômwa mukungu.

Yeremiya 48:37

Nêci ngasi irhwe lyakûngwîrwe, ngasi bwânwa bwamômirwe, ngasi nfune zirikwo ebikojobikojo na ngasi muguma ayambîrhe sunzu ecibuno.

Ben Levi 19:27

Murhahîra mukaburungusa emviri nka mwamômwa, nîsi erhi mukatwîsa winga omu bwânwa.

Ben Levi 19:29

Orhahîra okaleka mwâli wâwe ajà ashenza, bulya buzinda wanabona ecihugo coshi camashimba eyo njira y’okuhushahusha, na ntyo obone camayunjulirana mabî.

Ben Levi 21:1

Nyakasane anacibwîra Mûsa, erhi: Ogend’idesa abadâhwa bene Aroni, obabwîre oku ntà mudâhwa ciru n’omuguma mulibo wacîhemulaga erhi mufù gw’omu mulala gwâge gurhuma.

Ben Levi 21:11

Oyôla arhankashegera aha murhumba ciru n’omuguma, arhanacîhumânyagya omu kuyegera oli omurhumba gw’îshe n’oli ogwa nnina.

Ben Levi 21:5

Abadâhwa bacîlange bamanye barhakâg’ikungûlwa emviri oku irhwe, barhakâg’imômwa obwânwa bubè mishosho, bacîlange barhakâg’ishâkwa.

Marko 5:5

Ngasi lusiku, buca buyira, nk’arhali omu byûsho, erhi omu mpinga, ayâmayâma, anaj’acîyâgaza n’amabuye.

Yowane 20:25

Abandi baganda bamubwîra, mpu: «Rhwabwîne Nyakasane!» Naye abashuza, erhi: «Nkaba ntabwîni emirhule y’erya migera omu nfune zâge, nkaba ntafundiri omunwe gwâni omu bibande by’emisumari, na nkaba ntahumiri niene omu lubavu lwâge, ntayêmêre».

Lushika 14:1

Mwoyo muli bâna na Nyamubâho, Nyamuzinda winyu. Murhahîra mukashâkwa nîsi erhi okumômwa ebisike nka hali ofîre.

Mafulûlo 14:11

N’omugî gw’amalibuko gâbo gwasôkera enyanya kuhika emyâka n’emyâka, barhanarhamûka omûshi ciru n’obudufu balya bagashâniza olya w’eciryanyi n’enshushano yâge, na ngasi ojakwo ecimanyîso c’izîno lyâge».

Mafulûlo 14:9

Owundi Malahika, ye wa kasharhu, naye ayisha akulikîre abâbo, ayâkûza n’izù linene, erhi: «Hakajira omuntu ogashâniza olya w’eciryanyi n’enshushano yâge, akanahebwa ecimanyîso câge emalanga nîsi erhi omu nfune,

Mafulûlo 15:2

Nabona n’eri nka nyanja yalangashana enali ngushe haguma n’omuliro, nabona na balya bàhimaga waciryanyi n’enshushano yâge n’enumero y’izîno lyâge, erhi bayimanzirekwo eyôla nyanja yalangashana, banafumbasire ennanga za Nyamuzinda.

Mafulûlo 16:2

Omurhanzi akanya, àj’idubulira akabêhè kâge oku igulu, kashuba kafinjo kabî na kadârhi oku bantu bàlikwo ecimanyîso ca cirya ciryanyi n’abakâg’igashâniza enshushano yaco.

Mafulûlo 19:20

Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.

Mafulûlo 20:4

Nabo­na n’entebe, n’abàli bazitamîrekwo bahâbwa obuhashe b’okutwa olubanja. Nabona n’emyûka ya balya batûbagwa amarhwe erhi buhamîrizi bwa Yezu n’akanwa ka Nyamuzinda birhuma, na ngasi boshi babulaga bwagashâniza olya w’eciryanyi n’enshusho yâge banabula bwahebwa ecimanyîso câge emalanga n’omu nfune. Banacishubiramwo omûka, bayîma haguma na Kristu myâka cihumbi.