Ben Levi 19:15 - BIBLIYA NTAGATIFU OMU MASHI

¹⁵ Orhahîra walenganya omu kutwa olubanja, orhanarhonyagya omukenyi, ciru orhanaderhaga mpu waluhà olengerîre; ci okaz’itwîra omulungu wâwe olubanja omu kushimba ebishingânîne.

Ben Levi 19:15 ပူးပေါင်းရင်းမြစ်များ

Ayubu 13:8

Ka mwe mwamuderhera, mubè bafungizi bâge?

Ayubu 32:21

Ntalondôle ciru n’omuntu muguma, ntaderhe nti oyu ye nayinginga.

Ayubu 34:19

Arhishi baluzi, arhanajira kabôlo ekarhî k’omugaraganda n’entagengwa, bulya boshi buli bulenga bw’enfune zâge.

Ennanga 82:2

Mpu: «Mangaci mwâleka okutwîra olubanya obulyâlya n’okuhà abayâzire olubanja?»

Lubungo 18:21

Kandi, omu lubaga lwoshi, ocîshogemwo abalume b’entwâli, abarhînya Nyamuzinda, ab’okucîkubagirwa, bantahemuka; obajire barhambo b’olubaga: barhambo ba bihumbi, barhambo ba magana, barhambo ba makumi arhanu-arhanu na barhambo b’ikumi ikumi.

Migani 18:5

Kurhabà kwinjà okuyumva endyâlya, n’okuyâgîsa omurhimanya omu kutwa olubanja,

Migani 24:23

Ebi nabyo biri binwa bya barhimanya: Okulola ola ye ndi nka watwa olubanja, kurhabâ kwinjà.

Migani 31:9

Okazibumbûla akanwa otwe olubanja bwinjà; omukenyi n’àbarhindibuzîbwe, okazibatwira olubanja.

Ben Levi 19:35

Murhahîra mukalenganya, abè omu kutwa olubanja, nîsi erhi omu kutwa olubibi, kandi erhi omu milengo ya kantu kalebe.

Yowane 7:24

Olubanja murhakâg’iluhà ocîshizire, ci mukagemera omuntu oku anakwânîne».

Ebijiro 23:3

Obwo, Paolo anacimubwîra erhi: «Nyamuzinda acikushûrha, we cisîka cihome ngwa! Kali otamîre mpu ontwîre olubanja nk’oku binadesirwe omu irhegeko, na w’oyo, wavuna irhegeko, ene oderha mpu banshûrhe!»

Lushika 1:17

Murhakazâg’ibà n’akabôlo omu kutwa olubanja: mukaziyumvîrhiza abarho muyumvîrhize n’abakulu; murharhînyaga omuntu, bulyâla okutwa olubanja kuli kwa Nyamuzinda; n’erhi hankajira olubanja lumuyabire, munalumpisekwo nâni nduyumve.

Lushika 10:17

Bulya Nyamubâho, Nyamuzinda wâwe ye Nyamuzinda wa banyamuzinda, ye Nyakasane wa banyakasane, ye Nyamuzinda olushire, Nyamuzinda muhimanyi na wa kurhînywa, arhajira kabôlo kuli ndi arhanalonza luhembo luci.

Lushika 16:19

Orhahîraga okalenganya omuntu, orhahîraga okaderha mpu ola ye lebè, orhazigiraga abagula olubanja, bulyâla engulo y’olubanja enahûse abagula enyagîse n’omuntu olubanja lwâge.

Lushika 27:19

Aherêrekere mâshi, owahaba ecigolo, enfunzi n’omukana. N’olubaga lwoshi lwanaderha, mpu: «Amen».