Ben Levi 17:6 - BIBLIYA NTAGATIFU OMU MASHI

⁶ Omudâhwa anadubulira omwamba oku luhêrero lwa Nyakasane, aha muhango gw’akagombe k’endêko, kandi anasingônola olujimbi lubè nterekêro y’obuhumule bwinjà embere za Nyakasane.

Ben Levi 17:6 ပူးပေါင်းရင်းမြစ်များ

Lubungo 29:13

Orhôle olujimbi lwoshi luzônga amalà, n’agandi mashushi g’oku budiku, ensiko zombi n’amashushi gazizungulusire zombi, byoshi obiyokere aha luhêrero.

Lubungo 29:18

Engandabuzi yoshi oyiyôkere oku luhêrero. Eri mbâgwa ya Nyakasane, nterekêro ya kisûnunu kinjà ka kurhûliriza, yasingônolerwa Nyakasane.

Ezekiyeli 44:15

Abadâhwa b'Abaleviti, balya bene Sadoki balanganga amarhegeko g’omu cirhînyiro câni, galya mango bene Israheli baciyegûlaga kuli nie, abôla bwo bakaz’inyêgêra omu kunkolera, bwo banakazija embere zâni bayishirhererekêra enterekêro y’amashushi n’ey’omukò, kwo adesire Nyakasane Nyamubâho.

Ben Levi 17:5

Ntyo bene Israheli bakaz’ilêrhera omudâhwa enterekêro za Nyakasane aha muhango gw’akagombe k’endêko, ahâli h’okukaz’izijirira emwa bâbwè, banakaz’izirherekêra Nyakasane, zibè nterekêro z’okushenga omurhûla.

Ben Levi 3:11

Omudâhwa anayôkera ebyo byoshi oku luhêrero nka ishêga lisingônolirwe Nyakasane.

Ben Levi 3:13

banalambûlira okuboko oku irhwe lyâyo, bagal’iyibâgira aha kagombe k’endêko. Na bene-Aroni, banashahuliza omukò gwâyo omu marhambi g’oluhêrero.

Ben Levi 3:16

Omudâhwa anayôkera ebyo byoshi oku luhêrero, bibè ishêga ly’obuhumule bwinjà na bwa murhûla n’okusîmîsa Nyakasane. Rhumanye oku olujimbi lwoshi luyôsire luli lwa Nyakasane.

Ben Levi 3:2

Oyo muntu analambûlira okuboko oku irhwe ly’eyôla mbâgwa, agal’iyibâgira aha lusò lw’akagombe k’endêko. N’abadâhwa bene-Aroni, banashahuliza omukò gwâyo omu marhambi goshi g’oluhêrero.

Ben Levi 3:5

Bene-Aroni banasingônolera ebyo byoshi oku luhêrero. Eyo nterekêro banayibambika oku nshâli batwanira oku luhêrero, yanabà nterekêro y’obuhumule bwinjà burhûliriza Nyakasane.

Ben Levi 3:8

n’eyo nterekêro, anayilambûlirakwo okuboko oku irhwe, agal’iyibâgira embere z’akagombe k’endêko. Na bene-Aroni banashahuliza omukò gwâyo omu marhambi g’oluhêrero goshi.

Ben Levi 4:31

Anayamvûla olujimbi lwoshi, nk’oku bayamvûla olujimbi lw’enterekêro y’okushenga omurhûla, n’omudâhwa alusingônolere oku luhêrero, luhebe obuhumule bwinjà bw’okurhûliriza Nyakasane oku luhêrero. Omudâhwa kwo ajirira omuntu wa bene oyo, cibè cijiro c’okumuhûnira obwonjo, na ntyo ababalirwe eco câha.

Mibalè 18:17

“Ebirhagombôlwa by’ebi: olubere lw’e­ nkâfu, olubere lw’ebibuzi, olubere lw’empene ebyôla biri bimâna. Okazibulagira omukò gwâbyo oku luhêrero n’amashushi gâbyo wanagayôca gatumbûke mugî: eri nterekêro yajirwa n’omuliro ya kisununu kinjà embere za Nyamubâho”.