Ben Levi 16:27 - BIBLIYA NTAGATIFU OMU MASHI

²⁷ Empanzi erhûlirwa kubà nterekêro y’okushukûla ebyâha, banayibarhulire kulî n’olugo, kuguma n’ecihebe c’enterekêro y’okushukûla ebyâha, byo bintu omwamba gwâbyo gwahêkwa ahantu himâna, mpu bibè ntûlo, basingônole: oluhù, enyama n’ecihò câbyo.

Ben Levi 16:27 ပူးပေါင်းရင်းမြစ်များ

Ben Levi 4:21

Kandi anahêka erya mpanzi enyuma z’olugo, bagal’iyisingônola nka kulya kw’entanzi. Eyo yo nterekêro y’okushukûla ebyâha by’olubaga lwoshi. C. Enterekêro y’okushukûla omurhambo

Ben Levi 6:11

Ngasi mulume omu bâna ba Aroni analyakwo. Lirigi irhegeko ly’ensiku zoshi oku iburha linyu na ngasi yêshi wankahumakwo anabà Mutagatîfu.

Ben Levi 6:23

Ci barhankalya enyama y’enterekêro yarhûlagwa oku kushukûla ebyâha, n’omukò gwâyo gwahêsirwe omu kagombe k’endêko bajiramwo olukangûlo, lw’okushukûla omu hantu hatagatîfu. Ci eyo nyama esingônolwe n’omuliro.

Ben Levi 8:17

Ci eyo mpanzi, oluhù lwâyo, eminyafu, n’ecihò câyo aj’ibiyokera eburhambi bw’olugo, nk’oku Nyakasane anal’irhegesire Mûsa.