Ben Levi 14:45 - BIBLIYA NTAGATIFU OMU MASHI

⁴⁵ Banahongole erya nyumpa, bagal’igend’ikabulira kulî kw’eco cishagala: amabuye, emirhi haguma n’ebidaka byàli oku nyumpa byoshi, bikabulirwe ahantu habî.

Ben Levi 14:45 ပူးပေါင်းရင်းမြစ်များ

2 Bâm 10:27

Bahongola omutungo gwa Baali; bakundula n’enyumpa yâge banaciyijira ciguzi ciru na kuhika na bunôla.

2 Bâm 18:4

Ye walahiraga okukazigashâniza oku rhurhondo, ashaba emilunga, anahongola emilunga n’emihôla ya Ashera, ashandâza enjoka y’ecûma c’omulinga erya Mûsa atulaga; kuhika ago mango bene Israheli erhi banaciyirherekêre; erhi bayihire izîno lya Nehushtani.

Yeremiya 52:13

Aka-Nyamuzinda akahà muliro, enyumpa z’oku bwâmi n’e­ nyumpa z’e Yeruzalemu zoshi àzidûlika muliro.

Ezekiyeli 5:4

Kuli orhôla rhuviri wânashubirhôla kwo kandi rhusungunu, orhukwêbe omu karhî k’omuliro ona­rhuyôce. Rhwânagarha muliro.

Ben Levi 14:41

Anarhegeka bahalûle enyumpa yoshi omu ndalâlà, kandi bakabulire kuli kw’ecishagala kalya katulo bahalûlaga.

Ben Levi 14:46

Owankayongoberera muli eyôla nyumpa kurhenga galya mango bayihamikaga mpu ezizire, oyo naye anayahukirwe na gulya muziro kuhika bijingo.

Mateyo 22:7

Erhi mwâmi ayumva okwo, akunira, anacirîka engabo zâge, amalîra balya bîsi, n’olugo lwâbo aludûlika muliro.

Mateyo 24:2

Naye erhi acibashuza, ababwîra, erhi: «Ka mubwîne ebyo byoshi! Mmubwîre okuli, aha, ntà ibuye lyasigale oku lindi lirhanashandâzîbwi».

Mafulûlo 11:2

Engo eri emuhanda gw’aka-Nyamuzinda yôhe oyireke, orhayigeraga; bulya yahîrwe abapagani: bashinga myêzi makumi anni n’ibiri balabarha Olugo lutagatîfu.