Befezi 6:17 - BIBLIYA NTAGATIFU OMU MASHI

¹⁷ Muyambale n’ensirha y’obucire n’engôrho ya Mûka gwa Nnâmahanga, lwo Luderho lwa Nnâma­hanga.

Befezi 6:17 ပူးပေါင်းရင်းမြစ်များ

2 Samweli 22:36

Wampîre empenzi y’obucire bwâwe, n’obutûdu bwâwe bunampêke enyanya.

Izaya 49:2

Akanwa kâni akajizire nka ngôrho nyôji, anfulisire omu cihôho c’okuhoko kwâge, anjizire mwampi mugôye ananfulika omu murhana gwâge.

Izaya 59:17

Acîhundikira obushinganyanya nka mpenzi, n’obucire yâbà yo nsirha y’omu irhwe lyâge. Ayambala emyambalo y’olwihôlo nka cirondo, âcîhundikira n’olûji nka cishûli.

Hozeya 6:5

Co carhumire mbatwa bihimbi n’abalêbi, mbayîrha n’enderho z’ekanwa kâni;

Zakariya 4:6

Malahika anacimbwîra mpu mpisekwo Zorobabeli ebi binwa, erhi: Ntya kwo Nyakasane w’Emirhwe adesire: «Arhali oku buhashe erhi misî yâwe wênene wâyukirizamwo omukolo gwâwe, ci n’Omûka gwâni.»

Mateyo 4:4

Naye amushuza, amubwîra, erhi: «Kuyandisirwe, mpu: Arhali mugati gône gujira omuntu, ci ajirwa na ngasi luderho lurhenga ekanwa ka Nyamuzinda».

Mateyo 4:7

Yezu amushuza, erhi: «Kuyandisirwe kandi, mpu: Irhondo orhashumikaga Nyakasane Nyamuzinda wâwe».

Befezi 5:26

mpu ayijire ntagatîfu anayicêse omu kuyishuka n’amîshi haguma n’oluderho.

1 Batesalonika 5:8

Ci rhwêhe, rhwe b’omûshi, rhurhabaga badâdà; rhuyôrhe rhufumbasire empenzi y’obuyêmêre n’obuzigire, rhuyambale n’ensirha y’obulangâlire bw’obucire.

Bahabraniya 4:12

Nêci, oluderho lwa Nyamuzinda bubà buzîne, lurhagaluka, lunayojihire kulusha engôrho ya môji abiri. Lunywengerera kuhika aha ngabiro y’obuzîne n’omûka, y’enjingo n’omwonko, lunayishi entimanya n’enkengêro z’omurhima.

Bahabraniya 6:5

ba­lya bàrhanzir’inunirwa n’oluderho lwinjà lw’ekanwa ka Nyamuzinda n’ebirhangâzo by’igulu lyâyishe,

Mafulûlo 1:16

Omu kuboko kulyo àli afumbasire nyenyêzi nda, n’omu kanwa kâge mwâli mudwîrhe mwanyonyôka engôrho ya môji abiri; n’obusù bwâge erhi budwîrhe bwalangashana nka kulyâla izûba lyabasha bwenêne limoleka.

Mafulûlo 12:11

Abo bene wîrhu bàmuhimire n’omukò gw’Omwâna-buzi n’oluderho lw’obuhamîrize bwâbo, barhanababaliraga amagala gâbo kuhika okufà.

Mafulûlo 19:15

Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi.

Mafulûlo 2:16

Nêci, obâge wacîyunjuza! Akabà nanga, nkolaga nâkuyishira, ahôla mbalwîse n’engôrho y’ekanwa kâni».

1 Samweli 17:5

Omu irhwe lyâge ali ayambîrhe ensirha y’ecûma c’omulinga, ali acîhundikîre empenzi y’ecûma c’amagamba, eyôla mpenzi obuzirho bwâyo bwàli nka sikêli bihumbi birhanu.

1 Samweli 17:58

Saulu amudôsa, erhi: «Sho ye ndi, mwâna?» Daudi anacishuza, erhi: «Ndi mwene mwambali wâwe Yese w’e Betelehemu».