Befezi 6:14 - BIBLIYA NTAGATIFU OMU MASHI

¹⁴ Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu,

Befezi 6:14 ပူးပေါင်းရင်းမြစ်များ

2 Bâm 3:21

Ci kône erhi Mowabu ayumva oku abâmi bayishire okumurhêra, balya boshi banalikola bahashire okulwa amatumu bashûbûzibwa, bagenditwa icumbi oku lubibi.

Ayubu 29:14

Nakazicîhûndikira obushinganyanya nka mwambalo gwâni, nalingwêrhe obugula nka cishûli nacîhundikiraga, na nka cimanè c’oku irhwe.

Izaya 11:5

Obushinganyanya gwo gwâbà mukaba gwâge, n’okuli gubè mwirhero gwâge.

Izaya 59:17

Acîhundikira obushinganyanya nka mpenzi, n’obucire yâbà yo nsirha y’omu irhwe lyâge. Ayambala emyambalo y’olwihôlo nka cirondo, âcîhundikira n’olûji nka cishûli.

Luka 12:35

«Muhwinje bwinjà munafumbarhe orhumole rhwinyu rhutwâne.

Barom 13:12

Obudufu bwaling’igera, n’obuce buyiruka. Kuziga rhulekage ebijiro by’o­mwizimya, rhufumbarhe amatumu g’obulangashane.

2 Bakorinti 6:7

omu luderho lw’okuli, n’omu buhashe bwa Nnâmahanga; omu kukolêsa amatumu gw’okufungira n’okulwîra obushinganyanya;

Befezi 5:9

Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane.

Befezi 6:13

Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire.

1 Batesalonika 5:8

Ci rhwêhe, rhwe b’omûshi, rhurhabaga badâdà; rhuyôrhe rhufumbasire empenzi y’obuyêmêre n’obuzigire, rhuyambale n’ensirha y’obulangâlire bw’obucire.

1 Petro 1:13

Kuziga musêze omukaba omu bibunu by’enkengêro zinyu, mubè masù, munalangâlire bwenêne enshôkano mwayish’ishobôla olusiku Yezu Kristu acîyêrekana.

Mafulûlo 9:17

Ntyâla kwo nabwîne ebiterusi n’ababitamîrekwo bayôsire erhi mbà ndwîrhe nabona: bâli bagwêrhe empezi ziri nka masêsè ga muliro, zinashushire omukara gw’ecibogo n’ecibiriti. Amarhwe g’ebiterusi kwo gali gayôsire nka ga ntale, n’ekanwa kâbyo yakazâg’irhenga omuliro n’omugî n’ecibiriti.

Mafulûlo 9:9

Ebifuba byâzo kwo biri nka mpenzi za cûma, n’omululumo gw’amashala gâzo kwo guyôsire nka kulyâla ebiterusi byajà oku bîrha biyisha byabulula babomboro.