Befezi 5:6 - BIBLIYA NTAGATIFU OMU MASHI

⁶ Harhajiraga owammurheba n’ebinwa by’obunywesi: ebyo byo bihamagala obukunizi bwa Nyamuzinda oku bamugomera.

Befezi 5:6 ပူးပေါင်းရင်းမြစ်များ

2 Bâm 18:20

“K’ocîkebirwe mpu ebinwa kône, byanagererwa oku ihano n’oburhwâli bw’okujira amatabâro? Indi olangâlîre obu wangomîre?.”

Ennanga 78:31

Anigûza abagula bàbalimwo, n’emisole y’Israheli ayihir’okw’idaho.

Yeremiya 27:9

“Ninyu mw’oyo, murhumvagya abalêbi, abashonga, abashâsi n’abenge bakamubwîra mpu murhashige omwâmi w’e Babiloni!”

Yeremiya 29:31

erhi, «aka kanwa okahisekwo balya bagenzire mpira: Kwo adesire ntya Nyakasane oku biyêrekîre Shemayahu w’e Nahalamu. Obwôla Shemayahu amulêbîre, n’obwo ntàli mmurhumire, n’obwôla arhumire mwacîkubagira eby’obunywesi,

Yeremiya 37:9

“Kwo adesire ntya Nyakasane: Murhacirhebaga mwene, omu kucîkebwa, mpu: Abantu b’e Sîriya lwoshi-lwoshi barhenzire emwîrhu bulya barhagenziri”.

Mikeyo 3:5

Ntya kwo Nyakasane aderhîre abalêbi bahabula olubaga lwâni: nka hali eci bavubasire banakaziyakûza mpu: «murhûla»! Ngasi muntu orhabahiri ebi balya banamubwîre, mpu: «Wâhya, entambala nyimâna eno.»

Mateyo 24:24

Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana.

Mateyo 24:4

Naye Yezu anacibashuza, ababwîra, erhi: «Mumanye ntâye ommurhebage.

Marko 13:22

“Bulya bayish’iyisha ba-Kristu b’obwîhambi n’abalêbi b’obunywesi banji, banayish’ijira ebimanyîso n’ebirhangâzo mpu barhebe ciru n’abîshogwa acibà kwankahashikana”.

Marko 13:5

Okubundi Yezu arhondêra ababwîra, erhi: «Mumanye ntâye oyishig’i­ mmurheba.

Barom 1:18

Bulyâla kurhenga empingu Nyamuzinda ayêrekana obukunizi bwâge oku ngasi bubî na ngasi bulyâlya bw’abantu bahindula obushinganyanya bwa Nnâmahanga bujà bw’obulyâlya bwâbo;

Bakolosi 2:18

Ntâye ommurhebage mpu ammunyaga entanda yinyu omu kucîkungira obwîrhôhye bwâge bw’okugashâniza bamalahika. Ebyo byoshi biri bilôrho bya balya obucîbone bwâbo burhagwêrhi nsimiko n’obukengêre bw’ecinyamubiri burhunza.

Bakolosi 2:4

Ndesire okwo nti lyo harhajira owammurheba n’ebinwa bw’obwengûza.

Bakolosi 2:8

Mumanye hankanajira owammujira bajà n’obwengûza bw’efilozofiya y’obunywesi, erya eyegemêra emigenzo y’abantu n’ebiremwa by’en’igulu, ci arhali Kristu.

Bakolosi 3:6

ebyôla byo birhuma Nyamuzinda akunira.

2 Tesalonika 2:3

Ntâkwo muzigage omuntu arnmurheba. Burhanzi kukwânîne obugomi buyishe n’Omubî acibishûle, gwo Muhera,

Bahabraniya 13:9

Mumanye mwankarhebwa n’enyigîrizo za ngasi lubero n’ezi murhamanyiri olunda zarhenga; bulya nshôkano ya Nnâmahanga ezibuhya omurhima, ci arhali biryo birhalêrhera ababikolêsa bunguke.

Bahabraniya 3:19

Kwo byànabîre: rhuyishi oku bàrhalabarhagamwo, erhi kubula obuyêmêre kwâbo kurhuma.

1 Petro 2:8

lihinduke ibuye ly’okusârhaza n’ery’okuhirimya. Balisârhalakwo, kulya kubà barhayêmêra Oluderho, n’obwo olwo Luderho lwo bàlemeragwa.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.