Befezi 5:3 - BIBLIYA NTAGATIFU OMU MASHI

³ Obugonyi bôhe na ngasi bindi by’enshonyi n’amagene g’eby’en’igulu, ciru amazîno gâbyo garhakag’iderhwa ekarhî kinyu: ntyo kwo kushingânîne abatagatîfu.

Befezi 5:3 ပူးပေါင်းရင်းမြစ်များ

Ennanga 10:3

Omuhera gunacishingire enyifinjo z’omurhima gwâgwo, omuhubu kulogorha alogorha, anagayaguze Nyamuzinda.

Ennanga 119:36

Omurhima gwâni ahâli h’okuhenekera ebirugu, guyêrekere emunda amarhegeko gâwe gali erhi yo.

Lubungo 18:21

Kandi, omu lubaga lwoshi, ocîshogemwo abalume b’entwâli, abarhînya Nyamuzinda, ab’okucîkubagirwa, bantahemuka; obajire barhambo b’olubaga: barhambo ba bihumbi, barhambo ba magana, barhambo ba makumi arhanu-arhanu na barhambo b’ikumi ikumi.

Lubungo 20:17

Orhahîraga okacifìnja mukà mulungu wâwe, nîsi erhi mwambali wâge kandi erhi mwambalikazi wâge, erhi nkâfu yâge, erhi cihêsi câge, ngasi kalugu ka mulungu wâwe koshi orhacîfînjagako.

Lubungo 23:13

Obikirire ngasi byoshi nakubwizire. Orhahîraga okashênga izîno ly’abandi ba-nyamuzinda, irhondo lirhayumvikanaga omu kanwa kâwe.

Migani 28:16

Omuluzi akabula bwâge bwenge ly’anyagana, oshomba eby’obuhagwe ye rihya ensiku.

Yeremiya 22:17

Wêhe amasù n’omurhima gwâwe gahenekîre obunguke bwâwe bwône, n’okubulaga omukò gw’omwêru-kwêru, okulibuza abanyinyi n’okutula entarnbala.

Yeremiya 6:13

Bulyâla omurhò n’omukulu, boshi buhagwe balonza. Omulêbi n’omudâhwa boshi mukanga bayêsha: kurhebana balimo.

Yeremiya 8:10

Bakâbo nkolaga nabahà abandi balume amashwa gâbo ngahereze bandi-bandi. Bulya kurhenga oku murhò kuhika oku mukulu, boshi bya buhagwe balonza abalêbi n’abadâhwa, boshi kurhebana balimwo.

Ezekiyeli 33:31

“Balundûkîre emwâwe; olubaga lwâni lwamâbwârhala embere zâwe; badwîrhe bayumvîrhiza ebinwa byâwe barhanabishimbe; bânajire birya biri binjà omu kanwa kâbo; omurhima gwâbo bunguke bône guharhira”.

Ben Levi 15:18

Erhi ankabà omukazi alazire n’omulume bakanayankana, bombi banacishuka n’amîshi, bagal’iyôrha bazizire kuhika bijingo. Okuzira kw’omukazi

Mikeyo 2:2

Bacîfinje amashwa banaganyâge, banyâge enyumpa zicîbêre zâbo. Banarhambule omuntu n’enyumpa yâge, ciru n’omuntu n’akashambala kâge àyîmagamwo.

Mibalè 25:1

Israheli anacijà e Shitimu. Olubaga lwarhondêra olugendo lubî n’abanyere b’e Mowabu.

Mateyo 15:19

Omu murhima mwo murhenga enkengêro mbî, okuyîrha, okuhusha, okujira eby’enshonyi, okuzimba, okuhamîriza obunywesi, n’ebijâci.

Luka 12:15

Okubundi anacibabwîra, erhi: «Mumanye murhabâga ba kajiji, bulya omuntu obuzîne bwâge burhaba omu bunji bw’ebirugu byâge».

Luka 16:14

Abafarizeyi basîma ebirugu erhi bayumva ntyo, bamugayaguza bwenêne.

Ebijiro 15:20

“Babayandikire okurhalya enyama zarherekîrwe abazimu, n’o­kuleka amahya garhali go, n’okurhalya enyama z’ensimba zifulungînwe omu­ko, n’omwamba”.

Ebijiro 20:33

“Ntabonaga nacifinja olusaranga erhi masholo erhi mwambalo gwa muntu”.

Barom 1:29

Bayunjwîre obubî bwa ngasi lubero: obushombanyi, okuziga eby’en’igulu, okuhusha, okucîfinja ebya bene, okunigana, ennongwè, oburhebanyi, obwengûza bubî, akalimi kabî,

Barom 16:2

Mumuyankirire muli Nyakasane nk’oku binakwânîne abatagatîfu, munamurhabâle oku ngasi kantu ankalagîrirakwo, bulya naye arhabîre bene wîrhu banji, na ciru nâni niene.

Barom 6:13

Murhajiraga ebirumbu binyu byoji by’obulyâlya omu kubikolêsa oku kujira ebyâha; ci mucîhâne mwêne emwa Nyamuzinda nka bantu bazîne bàfulumusire olufù, n’ebirumbu binyu mubikolêse nka byoji bya bushinganyanya omu kurhumikira Nnâmahanga.

1 Bakorinti 10:8

Rhumanye rhwankajira eby’e­nshonyi aka baguma muli bo; bahungumukamwo bihumbi makumi abiri na bisharhu omu lusiku luguma.

1 Bakorinti 5:1

Emyanzi ejîre yarhenga emwinyu, bya nshonyi byône byône, ciru na birya birhajirwa omu bapagani, kuhika muguma muli mwe ayanka muk’îshe!

1 Bakorinti 6:13

Ebiryo biri bya nda, n’enda eri ya kulya; ci Nyamuzinda ayashabûle enda n’ebiryo. Ci omubiri gwôhe gurhali gwa kujira e­by’enshonyi; ci guli gwa Nyakasane, na Nyakasane ali wa mubiri.

1 Bakorinti 6:18

Kaz’imuyâke eby’enshonyi! Ngasi câha omuntu ankahash’ijira, cirharhenga omu mubiri gwâge. Ci ojira eby’enshonyi, yêhe mubiri gwâge ahemukira.

2 Bakorinti 12:21

Nyôbohire nti amango nashubira eyo, Nyamwagirwa Nyamuzinda akanambonêsa enshonyi embere zinyu, nti hakanajira banji nalakira bajizire ebyâha, banabula bwacîyunjuza oku bijiro byâbo by’okubî, by’okuhusha n’e­by’okukala enshonyi.

Befezi 5:12

Bulya ebi abo bantu bajira bufundafunda, ziri nshonyi okubiderha.

Befezi 5:5

Mumanye kwinjà oku ntà mugonyi, ntà mûmaguza, na ntâye ohubira eby’en’igulu, -kwo kuli kufukamîra ebiremwa-, ntâye muli abo boshi wanalabarhe omu Bwâmi bwa Kristu na Nnâmahanga.

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

Bakolosi 3:5

Kuziga mubabaze ebirumbu by’omubiri gwinyu gw’en’igulu: obugonyi, eby’enshonyi, amasîma mabî, enyifinjo mbî, n’amagene g’eby’en’igulu, kwo kuli nka kufukamira ebiremwa;

1 Batesalonika 4:3

Obulonza bwa Nnâmahanga b’obu: muhinduke batagatîfu; muleke eby’enshonyi;

1 Batesalonika 4:7

Birhali bya nshonyi Nyamuzinda arhuhamagaliraga, ci butagatîfu.

1 Timoteyo 2:10

Ci bakaz’ishîbirira ebijiro binjà, nka kulya kunashingânîne abakazi bacîderha bakombêdu.

1 Timoteyo 3:3

arhabaga mulalwè, nîsi erhi mulwî, ci abè mutûdu; arhabaga wa nnongwè, arhanabaga wa magene g’eby’en’igulu.

1 Timoteyo 6:10

Bulya ecisisi c’amabî goshi gabà magene g’ebirugu. Erhi kubishwira kurhuma, baguma bahabusire, baheza obuyêmêre, banacifunda malumwa manji omu murhima.

2 Timoteyo 3:2

bulya abantu bayish’ikacîlongeza bônene, bayish’ihira omurhima gwâbo omu birugu, bayish’ikacikunga bône, bayish’ibà bacîbonyi, bakashobeka abandi busha, bayish’ibà bigamba, bantu barhish’ivuga omunkwa, bayunjulirîne bubî;

Tito 1:11

Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma.

Tito 1:7

Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabâga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî;

Tito 2:3

Abagikulu nabo kwo na kwo, obabwîre bakâyôrha nk’oku bikwânîne abatagatîfu: barhakâg’inywerhera abandi, barhabâga baluganywa, ci babè bahanûzi binjà;

Bahabraniya 12:16

Na buzinda mumanye hankajira owabà mugonyi, erhi orhakenga ebya Nnâmahanga, ak’Ezau waguzagya omwîmo gwâge gw’enfula oku biryo bya liguma.

Yozwe 7:21

“Nabwîne omu minyago, ecishûli cinjà ca Shineari, sikêli magana abiri ga marhale. Na cizingè ciguma ca masholo ca buzirho bwa sikêli makumi arhanu: nanaciyâgalwa n’ebyo bintu, lêro nabirhôla; lolà oku biri bibishe omw’idaho omu nyumpa yâni, n’amarhale go gali idako”».

1 Petro 5:2

Muyâbule obusò bwa Nyamuzinda mwahizirwemwo, arhali nk’abasêzîbwe, ci n’omurhima gwinyu gwoshi, nk’oku Nyamuzinda alonzize, arhali omu kulonza obunguke bubî, ci n’omurhima nkana.

2 Petro 2:10

bwenêne balya bashimba iralà ly’omubiri omu kujira eby’enshonyi banagayaguza obukulu bwa Nyakasane. Ci ebyo bikàkà bicîbonyi birhayôboha okulogorhera ebiremwa b’irenge,

2 Petro 2:14

Amasù gâbo gayunjwîre bugonyi, na ntà mango amîru gâbo g’ecâha gayigurha; banagwârhire abantu barhazibuhiri omu mirhego yâbo, n’emirhima yâbo magene g’eby’en’igulu byône eyishi, bali mihera!

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.

Mafulûlo 2:14

Ci kwônene ngwêrhe bityanguli nkutumuzize: eyo mwâwe ogwêrheyo abashimba enyigîrizo za Balamu, olyâla wayigîrizagya Balaka okuhira omurhego omu njira ya bene-Israheli, mpu balye enyama zarherekîrwe abazimu banahushe.

Mafulûlo 2:21

Namuhîre amango nti abè acîyunjuza, ci arhalonza agokôle okuhusha kwâge.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».

Mafulûlo 22:15

“Embuga orhubwa, abalozi, abahushi, ebishumûsi, abagashâniza ebiremwa, na ngasi basîma okubêsha!”»

Mafulûlo 9:21

Barhagokôlaga obushumûsi bwâbo, n’obukurungu bwâbo, n’okuhusha kwâbo, n’obushambo bwâbo.

1 Samweli 8:3

Ci kwônene abagala barhashimbaga enjira zâge, bulya balibamekîze ebirugu amasù, bakayanka empongano n’okushimba obushinganyanya kwohahè bakubula.