Befezi 5:18 - BIBLIYA NTAGATIFU OMU MASHI

¹⁸ Murhahîra mukalaluka amamvu, bulya ly’iriba ly’eby’enshonyi; ci muyunjule Mûka Mutagatîfu.

Befezi 5:18 ပူးပေါင်းရင်းမြစ်များ

Murhondêro 9:21

Erhi acibà amanywa idivayi, àlaluka, àyôrha bushugunu omu ihêma lyâge.

Ennanga 69:12

Nacîbwîka sunzu nti gubè gwo mwambalo kwashuba kukwâmwa nâkwamwa.

Migani 20:1

Idivayi liyishi oku lishekera omulume, n’amamvu galuza akadugundu; ocîrhegago ntà burhimanya agwêrhe.

Lwimbo 1:4

«Onkeme nkushimbe, rhukanye! Mwâmi ampesire omu mwâge; We wâbà busîme na bushagaluke bwîrhu. Okusîmwa nâwe kwarhulalusa kulusha idivayi; Bayazize abakusîma».

Lwimbo 7:9

Nanaciderha nti narhangishonera oku murhanda, nyankekwo bihadu nka binga. Amabêre gâwe gabè nka nsisi za muzâbîbu, n’obwehe bw’omûka gwâwe buhumule nk’irehe linjà;

Izaya 25:6

Kuli eyîra ntondo, Nyakasane Nyamuzinda w’Emirhwe ârheganyiza amashanja goshi ishêga ly’enyama zashushagira, ishêga ly’amamvu manunu, n’enyama zajà zajembuka omongo, n’amamvu gashongwîre.

Izaya 5:22

Buhanya bwâbo entwâli omu kunywa n’abalenga omu kukanda amamvu makali!

Izaya 55:1

Mweshi mwe mugwêrhwe n’enyôrha, muyishe ebwa mîshi; ciru na ninyu mwe murhagwêrhi nsaranga, muyishe! Mugule munanywe amamvu n’amarhà buzira nsaranga na buzira kulyûla bici!

Ben Levi 10:9

«Orhakazâg’inywa idivayi nîsi erhi cindi cinyôbwa cilalusa, we n’abâna bâwe boshi nka mwaja omu kagombe k’endêko, lyo murhag’ifà. Liri irhegeko oku bûko bwinyu boshi emyâka n’emyâka.

Mateyo 23:25

Muli bahanya, mwe bashamuka b’ihano ninyu Bafarizeyi, ezi ndyâlya zishuka emugongo gw’akahe n’akazinzi, n’obwo omu nda muyunjwîre bushambo n’obudambi!

Mateyo 24:49

Arhangire ashûrha abâbo Bashi, analye ananywe haguma n’abalalwe,

Luka 1:15

Bulya ayish’ibà mukulu embere za Nyakasane; arhakanywa mamvu na ngasi cinyôbwa cijakwo engezo: ayunjula Mûka Mutagatîfu kurhenga omu nda ya nnina;

Luka 11:13

Mwe babî, akabà muyish’ihà abâna binyu ebinja, Sho w’empingu yêhe k’arhalushe okuhà abamuhûnyire Mûka Mutagatîfu!»

Luka 12:45

“Kwônene, oyo murhumisi erhi ankaderha emurhima, erhi”: “Nnawîrhu alegamir’igaluka”, “okubundi arhondêre ashûrha abambali n’abà­ mbali-kazi, agwîre okulya, okunywa n’okukalûka”,

Luka 21:34

«Mumanye emirhima erhazidoheragwa n’amasîma g’omubiri, endalwè n’okucirhanya oku by’en’igulu, ly’olwo lusiku lurhammuyishira cifudukwè.

Yowane 2:10

amubwîra, erhi: «Kali abandi idivayi linjà barhang’ihâna, n’erhi abantu bakolabalimwo orukara, lyo barhanza elirhali linjà. Ci wêhe wal’irhanzir’ibîka idivayi linjà kuhika buno!»

Ebijiro 11:24

bulya ali muntu mwinjà, oyunjwîre Mûka Mutagatîfu n’obuyêmêre. Na ntyo bantu banji bashiga Nyakasane.

Barom 13:13

Rhucîkenge omu lugendo lwîrhu nk’oku kukwânîne okujira izûba lyabasha. Rhuleke obudambî n’e­ndalwè; ntà kuhusha na ntà kujira eby’obumaguza; ntà nnongwè na ntà bumvu;

1 Bakorinti 11:21

Bulya erhi muhika oku cîbo, ntà kucilinda abandi, ci ngasi muguma ajekwo alya e­byâge yêne; na ntyo oku baguma bafà n’ishali, abandi erhi balalusire.

1 Bakorinti 5:11

Nammuyandikîre nti mumanye mwa­nkakômera ngasi yêshi oderhwa mwene wîrhu akabà ali mumaguza, nîsi erhi akabà azigira ebirugu by’en’igulu, erhi aharâmya ebiremwa, akabà asîma okujâcirana, nîsi erhi akabà abà mulalwè erhi cishungu; omuntu wa bene oyo, ciru mumanye mwankalira haguma naye.

1 Bakorinti 6:10

oli ebishambo, oli abasîma eby’en’igulu, oli abalalwe, oli abakajâcira abâbo n’ebishungu, abo boshi barhalimwo owayîme omu Bwâmi bwa Nyamuzinda.

Lushika 21:20

Banabwîra abagula ba lulya lugo, erhi: «Oyu mwâna wîrhu mwabona aha cikola cibà câbi, arhayumva arhanabwîrwa, àlalahire ciru anabà mulalwè».

1 Batesalonika 5:7

Abajà îrò, budufu balijà, n’abalaluka, budufu balaluka.

Tito 1:6

owalonza okubà mudâhwa akwânîne abè muntu mwêru-kwêru, owajire omu buhya liguma lyône, abâna bâge babè bemêzi, abarhankashobekwa îralà nîsi erhi obugoma.