Befezi 4:32 - BIBLIYA NTAGATIFU OMU MASHI

³² Muciyêrekane binjà erhikwo na ba lukogo baguma oku bandi, omu kubabalirana mwêne na nnene nka kulya Nnâmahanga ammubabaliraga muli Kristu.

Befezi 4:32 ပူးပေါင်းရင်းမြစ်များ

2 Samweli 7:21

Akanwa kâwe n’obwinjà bw’omurhima gwâwe, byo birhumire ojira agâla minjà goshi, byo birhumire onagamanyîsa mwambali wâwe yâgirwa.

Ennanga 112:9

Arhahimwa kuhâna n’okushîbirira abakenyi, obushinganyanya bwâge burhakahwa kuderhwa, irenge lyâge kugandâza lyanagandâza.

Ennanga 145:9

Nyamubâho abà mwinjà kuli boshi, nn’olukogo lwâge luyerekera emikolo yâge.

Migani 12:10

Entagengwa ebà egendêrîre ebintu byâyo, omurhima gw’enkola-maligo gôhe gubâ mumînya.

Migani 19:11

Oburhimanya bw’omulume bumanyirwa oku kurhûza kwâge, n’irenge lyâge lirhalibirhira ebigalu-galu.

Migani 19:22

Murhima mwinjà omuntu asîmirwa, n’omukenyi ye mukulu aha munywesi.

Izaya 57:1

Omushinganyanya amâherêrekera, na ntâye ciru n’omuguma omushibirîre; abantu bajira aminjà badwîrhe bahirigirha, n’okwôla kurhama­nyikini! Nêci, bubî budwîrhe bwarhuma omushinganyanya ahirigirha!

Yeremiya 38:12

Ebed-Meleki, mukûshi, ayâkûza Yeremiyahu, erhi: «ebi bisharhangukiza by’obwikunjè, obiheke omu kwaha n’okundi, ogwâsêkwo emigozi». Yeremiyahu akujira.

Mateyo 6:12

Orhukûlire emyenda yîrhu, nk’oku nîrhu rhuyikûlira abarhulireyo.

Marko 11:25

Na nka muyimanzire, mudwîrhe mwashenga, akabà hali oyu mubikîre akarhinda emurhima, mûmu­babalire, lyo Sho w’empingu naye ammubabalira amabî ginyu». [

Luka 1:78

omu lukogo lw’omurhima gwa Nyamuzinda wîrhu lwarhulerhera Izûba lyarhenga enyanya,

Luka 11:4

“Orhubabalire ebyâha bîrhu”, “bulya nîrhu rhubabalira ngasi yêshi orhuli omu mwenda”; “orhanarhuhiraga omu mashumi”».

Luka 17:4

«Ciru ankakubîhira kali nda omu lusiku luguma na kali nda akuyishire, erhi: “Ncîgayire”, “onamubabalire”».

Luka 6:35

“Mwêhe muzigire abashombanyi binyu, mujire aminjà, munahoze buzira okulangâlira okuholôlwa, lyo oluhembo lwinyu luyish’ibà lunene, munayish’ibà bâna b’Oli-enyanya; bulya yêhe abà mwinjà oku bantu babî n’abarhakûla bwâsi”».

Luka 6:37

Murhakâg’itwa oluli omu mwa bene, irhondo bankatwa oluli omu mwinyu; murhakâg’iyagîriza, ninyu murhakayagîrizibwa; mukababalira, ninyu mwâbabalirwe.

Ebijiro 28:2

Abantu bakwo barhuyankirira n’obuzigire bw’okunali. Banacitwâna omuliro, barhubwîra rhweshi mpu rhukalûke, bulya erhi enkuba yaciyus’irhoga, n’e­mboho yali nkali.

Barom 12:10

Muzigirane nk’abalondana; ngasi muguma akakenga abâbo nk’abamukulîre.

1 Bakorinti 13:4

Obuzigire burhûla; obuzigire burhabâlana; obuzigire burhayâgalwa; obuzigire burhahalanjika; burhanacikunga;

2 Bakorinti 2:10

Ci kwônene oyu mubabalîre - akabà hali kantu namubabalirekwo- mwe mwarhumire namubabalira omu masù ga Kristu.

2 Bakorinti 2:7

Mumubabalirage erhikwo munamuhire omurhima omu nda, oyo muhanya alek’irhogera omu burhè bulushire olugero.

2 Bakorinti 6:6

omu bucêse bw’omurhima, omu bumanye, omu kulembera amalibuko, omu butûdu, muli Mûka Mutagatîfu, n’omu buzigire bw’okunali;

Befezi 5:1

Nêci, mucîsêze okushusha Nnâmahanga nka bâna bâge bazigirwa.

Yakôbo 5:11

Nêci, kuderha rhubaderha bany’iragi. Balya bacîkanyakanyize. Mwayumvîrhe bakûnga oku Ayubu acîhangânaga, mwâna­bona oluhembo Nyakasane àmuhîre. Bulya Nyakasane abà wa lukogo na wa bwonjo bunji.

2 Petro 1:7

ecinyabuguma oku bukombêdu, n’obuzigire oku cinyabuguma.

1 Yowane 1:9

Erhi rhwankayêmêra ebyâha bîrhu, yêne arhatwa omu kanwa kâge, anali mushinganyanya, anarhurhengeza ebyâha bîrhu, arhuyêze, ashuke obubî bwîrhu bwoshi.

1 Yowane 2:12

Rhwâna rhwâni, mmuyandikîre, bulya mwababalîrwe ebyâha binyu oku buhashe bw’izîno lyâge.

RUTI 2:20

Noemi anacibwîra omwâlikazi, erhi: «Agishwe na Nyamubâho ye orhahusa okubà mwinjà oku bazîne n’abafîre!» Noemi anacimubwîra erhi: «Oyo mulume ali mwene wîrhu, ali muguma w’omu bagwêrhe obuhashe kuli rhwe bw’okurhucungula.»