Befezi 4:14 - BIBLIYA NTAGATIFU OMU MASHI

¹⁴ Ntyo lêro rhurhaciyôrhe nka bâna ba birhabà bayêhûlwa eyi n’eyi na ngasi mpûsi y’enyigîrizo zarhenga omu bunywesi bw’abantu n’omu bulyâlya bwâbo bw’okurhebana.

Befezi 4:14 ပူးပေါင်းရင်းမြစ်များ

Ennanga 10:9

Kwo acîfulika nka ntale omu bulumba bwâyo, alingûze mpu alonze omuhanya ayehûkana; amuyehûkane, amukululire omu murhego gwâge.

Ennanga 59:3

Ondîkûze kw’ezi nkola-maligo onandîkûze kw’ezi nkunda-mukò.

Izaya 28:9

«Ndi alonz’iyigîriza obumanye? Ndi alonz’ihugûlira obulêbi? Ka bâna baciyûs’inenêsa amonka, balya bacîrhenga oku mabêre ga bannina?

Mikeyo 7:2

Abantu ba Nnâmahanga barhaciboneka omu cihugo; ntà mushinganyanya ciru n’omuguma omu bantu. Boshi bàcîkwendesirage bayunja oku bahuma omukò, ngasi muguma adwîrhe arhega mwene wâbo akasirha.

Mateyo 11:7

Lêro erhi bacibà bamagenda, Yezu arhondêra abwîra abantu ebya Yowane, erhi: «Bici mwâli mujir’ilola omu irungu? Ka lusheke lwahuliganyibwa n’empûsi?

Mateyo 24:11

“Abalêbi b’obunywesi babè banji banarhebe bantu banji.

Mateyo 24:24

Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana.

Ebijiro 23:21

Ci wêhe, omanye wankabayêmêra; bulya balume makumi anni na kulusha ba muli bo, bamutulikîre amatumu; bàcîgashire mpu barhalye barhananywe barhanaj’imuyîrha. Na buno, mîra bacîrheganyangya; irhegeko lyâwe lyône bacidwîrhe balinda».

1 Bakorinti 12:2

Erhi muciri bapagani, ninyu mwene murhakuhabiri, mwakâg’ibona bammusunikire ebwa nshushano z’orhuduma.

1 Bakorinti 14:20

Bene wîrhu, murhabâga bâna barhò nka mwarhimanya. Oku bubî, nêci, mubè bâna barhò, ci omu kurhimanya, mubè bantu bakulu.

1 Bakorinti 3:19

bulya obushinganyanya bwa mw’eri igulu bubà isirhe omu masù ga Nyamuzinda. Kuyandisirwe, mpu: «Ye gwakiza abashinganyanya omu mirhego yâbo»;

2 Bakorinti 2:17

Bulyâla rhwêhe rhurhali aka banji, bakaz’irhimbûla oluderho lwa Nyamuzinda; ci nka bantu nkana, nka bajà-bugo ba Nyamuzinda, rhuyigîriza muli Kristu embere za Nnâmahanga.

2 Bakorinti 4:2

Ci okuhulika erhi nshonyi zirhuma, rhurhacikubâmwo. Obwenge bw’okurhebana rhurhabubâkwo, n’oluderho lwa Nyamuzinda rhurhaluhindula. Ci omu kuyêrekana okunali mwo rhucîmanyikiza oku mirhima y’abantu omu masù ga Nnâmahanga.

Bagalasiya 3:1

Yâga we, banyamerhe b’e Galasiya! Lêro ndi wammugeresire mweki we! Ka n’amasù ginyu murhabonaga nammuyigîriza Yezu Kristu wabambagwa oku musalaba?

Befezi 6:11

Muyambale emirasano ya Nyamuzinda, lyo muhash’ihima obwengehusi bwa shetani.

1 Timoteyo 3:6

Arhabaga mukristu muhyâhya, ly’arharhunda n’obucîbone, obone amahirima mwo cirya câha Shetani ahirimagamwo.

2 Timoteyo 1:15

Orhahabiri oku ab’e Aziya bohi bandikirîre, nka Fijelo na Herimojeni.

2 Timoteyo 3:13

Abantu babî bôhe n’endyâlya, kushâya bâshaye omu bubî, bârhebane banarhebwe.

2 Timoteyo 4:3

Bulya amango gayisha, n’abantu barhakacikwîra enyigîrizo nkana, ci iralà lya lyanabahabukane n’okurhwiri kwâbo kubanyunyagire, bacîhè bône abayigîriza mwandu,

Bahabraniya 13:9

Mumanye mwankarhebwa n’enyigîrizo za ngasi lubero n’ezi murhamanyiri olunda zarhenga; bulya nshôkano ya Nnâmahanga ezibuhya omurhima, ci arhali biryo birhalêrhera ababikolêsa bunguke.

Yakôbo 1:6

Ci kwônene ashenge n’obuyêmêre, buzira kurhindira ciru ehitya; bulya orhindira kwo ali nka kula omuvumba w’omu nyanja guhisibwa n’okuhêkwa eyi n’eyi n’empûsi.

Yakôbo 3:4

Kandi mulole amârho g’enkuge; ciru gankaluga, ciru gankahunyangwa n’empûsi ndârhi, kurharhuma garhahêkwa n’engasi ntyanguli emunda omwêrekeza alonzize.

2 Petro 2:18

N’ebinwa byâbo by’obucîbone birhagwêrhi nda na mugogo, banakashumika abacirhenga omu by’obunywesi, balonze okubashubiza omu iralà ly’omubiri n’omu by’enshonyi.

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.

1 Yowane 2:26

Byo nalonzagya okummuyandikira ebyo erhi abakâlonza okummurheba bàrhuma.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.

Yûda 1:12

Abo bantu bo bakâzinza amadinye ginyu g’ecinyabuguma. Nka balya, barhabà nshonyi, na ntà cindi bakengêra okurhali kuyunjuza amada gâbo. Kwo bali nka bitù birhalimwo nkuba bidwîrhe byayehûlwa n’empûsi; eri mirhi ya canda erhalikwo malehe, efîre kabiri enakundusire!

Mafulûlo 19:20

Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.