Barom 9:33 - BIBLIYA NTAGATIFU OMU MASHI

³³ nka kulya biyandisirwe, mpu: Ka murhabwîni oku mpizire omu Siyoni ibuye ly’okusârhaza n’ibuye ly’okuhirimya? Ci oliyêmîre arhankabonesibwa nshonyi.

Barom 9:33 ပူးပေါင်းရင်းမြစ်များ

Ennanga 118:22

Ibuye abûbasi bagayaguzagya, lyàyishiriba kaboko ka nyumpa.

Ennanga 119:116

Oleke nkuyegemere lyo ndama, wêne warhulaganyagyakwo.

Ennanga 25:20

Olange iroho lyâni onandîkûze, enshonyi zakanambumba namânakuyâkiraho.

Izaya 28:16

Co cirhumire, ntyâla kwo adesire Nyakasane Nyamuzinda: «Alà oku mpizire omu Siyoni enshangabuye, ibuye-kaboko-ka-nyumpa, lya citwîro cidârhi, ibuye-ciriba; ngasi ocîlikubagire arhankahuligana.

Izaya 45:17

Israheli ayôkolwa na Nyakasane, ayôkolwa oku nsiku n’amango. Murhakacifa mwabwîne nshonyi murhakanacifa mwaturutumbire.

Izaya 54:4

Orhayôbohaga, bulya ntâko wankabulabula; orhabâga nshonyi, bulya ntâco cankacikuhemula. Nêci, wâyibagira enshonyi zàli zikugwêrhe amango waciri musole, orhacikengere n’ezakubumbaga erhi okana.

Mateyo 21:42

Yezu anacibabwîra, erhi: «Ka murhasâg’isoma ntya omu Mandiko»: ibuye abûbasi bagayaguzagya, lyayishir’ibà kaboko ka nyumpa; Nyakasane yêne wakolaga ebyo, byanabà bisômerîne omu masù gîrhu!

Mateyo 21:44

Owâkulumbe kuli eryo ibuye, kuvunika anavunike n’oyu lyâkulumbekwo, kushanguka anashanguke.]

Barom 10:1

Bene wîrhu, eci omurhima gwâni gucîfinja n’ecinsengerera emwa Nyamuzinda: nti nabo bacunguke.

Barom 10:11

K’Amandiko garhadesiri, mpu: Ngasi yêshi omuyêmîre arhakabona nshonyi?

Barom 5:5

n’obo bulangâlire burhabonêsa nshonyi, bulya obuzigire bwa Nyamuzinda bwabulagîrwe omu mirhima yîrhu na Mûka Mutagatîfu rhwahâbagwa.

Bagalasiya 5:11

Nie oyûla, bene wîrhu, ciru akabà ncihanûla okukembûlwa, cirhuma bacija bandibuza? Kuziga okusârhazibwa n’omusalaba lêro kukola kuhwîre!

Bafilipi 1:20

Co ncîkubagîre ecôla, co nanangalire: ntâko nankabulabula; ci mmanyire bwinjà, bunôla nkagandi mango goshi, oku nkalama erhi nkafà, Kristu akuzibwa omu mubiri gwâni.

2 Timoteyo 1:12

Yo erhumire ndi muli aga malibuko; ci ntakubêra nshonyi, bulyâla mmanyire ndi nahiziremwo obulangâlire bwâni, nnanyishi bwinjinjà oku agwêrhe obuhashe bw’okulanga omuhako gwâni kuhika lulya Lusiku.

1 Yowane 2:28

Nêci, rhwâna rhwâni, buno mubêre muli ye, lyo erhi a­nkacîyêrekana, rhulangâlira, rhunalek’iyumva enshonyi z’okurhamulirâna hano ayisha.