Barom 9:18 - BIBLIYA NTAGATIFU OMU MASHI

¹⁸ Ntyôla, anababalire oyu alonzize, n’oyu alonzize okudundaguza amudundaguze.

Barom 9:18 ပူးပေါင်းရင်းမြစ်များ

Lubungo 10:1

Nyakasane anacibwîra Mûsa, erhi: «Genda, ojè emwa Faraoni mwâmi w’e Mîsiri, bulya nie nazînzibazize omurhima gwâge n’ogwa bambali bâge, lyo nyukîriza ebirhangâzo byâni ekarhî kâbo,

Lubungo 10:20

Nyamuzinda àdundaguza omurhima gwa Faraoni mwâmi w’e Mîsiri, arhalekaga bene-Israheli bagenda.

Lubungo 10:27

Cikwône Nyamuzinda azinzibaza omurhima gwa Faraoni mwâmi w’e Mîsiri: arhabalîkuzagya mpu bagende.

Lubungo 11:10

Ebyo birhangâzo byoshi Mûsa na Aroni bàli bajirîre embere za Faraoni mwâmi w’e Mîsiri, ci Nyakasane àdundaguza omurhima gwa Faraoni mwâmi w’e Mîsiri, àrhazigaga mpu bene-Israheli barhenge omu cihugo câge.

Lubungo 14:17

Nâni nadundaguza omurhima gw’Abanya-Mîsiri, lyo nabo bacîrhuliramwo enyuma zâbo. Ntyo nayêreka Faraoni mwâmi w’e Mîsiri irenge lyâni, n’emirhwe yâge yoshi, engâlè zâge n’abasirika bâge bashona oku biterusi.

Lubungo 14:4

“Nadundaguza omurhima gwa Faraoni mwâmi w’e Mîsiri, abashimbûlire. Ci nayêreka Faraoni mwâmi w’e Mîsiri n’emirhwe yâge, irenge lyâni, lyo Abanya-Mîsiri bamanya oku nie Nyakasane.”» Banacijira ntyo.

Lubungo 4:21

Nyakasane abwîra Mûsa, erhi: «Obu washubira e Mîsiri, obuhashe bwa birya bisômerîne byoshi nakuhâga, obujirire embere za Faraoni mwâmi w’e Mîsiri, nâni namudundaguza omurhima, arhalike olubaga mpu lugende.

Lubungo 7:13

Ci omurhima gwa Faraoni mwâmi w’e Mîsiri gwadundagula; arhayumvagya Mûsa na Aroni, nk’oku Nyakasane anaderhaga. Obuhanya burhanzi:

Lubungo 7:3

“Ci kwône nadundaguza omurhima gwa Faraoni mwâmi w’e Mîsiri. Naluza ebimanyîso n’ebirhangâzo omu cihugo c’e Mîsiri”.

Lubungo 9:12

Ci Nyakasane àdundaguza omurhima gwa Faraoni mwâmi w’e Mîsiri, arhayumvagya Mûsa na Aroni nk’oku Nyakasane anali abwîzire Mûsa.

Lubungo 9:7

Faraoni mwâmi w’e Mîsiri arhuma abajidôsa: «Ntà cintu ciru n’eciguma cafire omu masô ga bene-Israheli.» Ci kurharhumaga omurhima gwa Faraoni mwâmi w’e Mîsiri gurhadundagula; arhalekaga olubaga mpu lugende.

Izaya 63:17

Cici cirhumirage, Yâgirwa Nyakasane, oleka rhwahabukira kulî, rhwarhenga omu njira zâwe, n’okudundaguza emirhima yîrhu ebule kukurhînya? Galuka erhi buzigire bw’abarhumisi bâwe burhuma n’obw’amashanja gw’omwîmo gwâwe.

Yowane 12:40

«Amasù gâbo agahunyize n’emirhima yâbo ayiziba, mpu lyo amasù gâbo galek’ibona n’emirhima yâbo erek’iyumva, lyo barhahinduka binjà, lyo ntanabafumya».

Barom 11:25

Nanga, bene wîrhu, ntalonza muhabe eri ihwe, nti lyo murhang’icîkubagira obushinganyanya bwinyu: baguma muli bene-Israheli bayôrha bali bagoma kuhika abapagani bayishe ntuliri.

Befezi 1:6

oku bukuze bw’irenge ly’engalo yâge arhushobôzagya muli Omugala Muzigirwa.

Lushika 2:30

Ci kwône mwâmi Sihoni w’e Hesboni alahira mpu arhakarhuleka rhugere emwâge. Nyamubâho, Nyamuzinda wâwe ali amamuhûsa obukengêre anammudundaguza omurhima mpu ly’amuhàye bunya-mpira nk’okûla biri ene.

Yozwe 11:20

Bulya Nyakasane ali azidohize omurhima gwâbo mpu balwîse Israheli, lyo Israheli abaherêrekeza, buzira kubabalira ndi, na ntyo mpu lyo Israheli abamalîra nk’oku Nyakasane anarhegekaga Mûsa.