Barom 9:1 - BIBLIYA NTAGATIFU OMU MASHI

¹ Ndesire okuli muli Kristu, ntabesha, n’omurhima gwâni ye muhamîrizi wâni muli Mûka Mutagatîfu:

Barom 9:1 ပူးပေါင်းရင်းမြစ်များ

Barom 1:9

Nêci, omuhamîrizi wâni ali Nnâmahanga yênene, oyu nkolera n’omurhima gwâni gwoshi nka naderha Emyanzi y’Akalembe y’Omugala,

Barom 2:15

Banayêrekane oku amarhegeko gali mayandike omu murhima gwâbo; entimanya zâbo zinahamîrize ntyo, n’omurhima gwâbo hali amango gubabwîra oku bajizire kubî.

Barom 8:16

Mûka Mutagatîfu yênênè anajè omu murhima gwîrhu oku kuhamîriza oku rhuli bâna ba Nnâmahanga.

Barom 9:2

ngwêrhe burhè bunji n’amababale garhahusa omu murhima.

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

2 Bakorinti 1:23

Niehe Nyamuzinda ye ndahîre oku buzîne bwâni, oku kummufà lukogo kwarhumaga ntaciyishe e Korinti.

2 Bakorinti 11:10

Okuli kwa Kristu kundimwo kwo ndahîre: ako kalimbiriro kâni ntâye wankakankulamwo omu cihugo c’Akaya!

2 Bakorinti 11:31

Nyamuzinda n’Îshe wa Nnawîrhu Yezu -olya okayagirwa ensiku n’amango! - arhahabiri oku ntanywerha.

2 Bakorinti 12:19

Kurhenga mîra mucîkêbwa mpu kusamba rhusamba embere zinyu! E­mbêre za Nnâmahanga rhuderhera muli Kristu. Ebyo byoshi, bene wîrhu, kuderha nti mujè embere.

Bagalasiya 1:20

Ebi mmuyandikîre, Nyamuzinda yêne amanyire oku burhali bunywesi!

Bafilipi 1:8

Nyamuzinda ye muhamîrizi wâni: mmuzigira mweshi n’omurhima gwa Kristu.

1 Batesalonika 2:5

Na ntà mango rhusâg’iderha ebinwa by’okulimîriza, ninyu mwêne murhakuhabiri, erhi okujira akantu kankafulika amagene g’eby’en’igulu; Nyamuzinda ye muhamîrizi wâni muli okwo.

1 Timoteyo 1:5

Omu kurhegeka ntyo, kulonza nnonzize okulêrha obuzigire burhenga omu murhima gucîre, n’omu nkengêro nkana, n’omu buyêmêre burhalimwo bulyâlya.

1 Timoteyo 2:7

bwo nanarholeragwa mpu mbè mujà-bugo na ntumwa yâbo, -ndesire okuli, ntanywêrha-, mpu nyigîrize abapagani obuyêmêre n’okuli.

1 Timoteyo 5:21

Nkulahirîze embere za Nnâmahanga, n’embere za Kristu Yezu, n’ez’e­ntôle zâge bamalahika: oshimbe ebi binwa buzira kabôlo na buzira kanânà.