Barom 8:5 - BIBLIYA NTAGATIFU OMU MASHI

⁵ Nêci, abashimha engeso z’omubiri, bya mubiri bashwîra, n’abashimba omûka, bya mûka bashwîra.

Barom 8:5 ပူးပေါင်းရင်းမြစ်များ

Marko 8:33

Erhi acikabagana n’erhi abona abaganda bâge, akankamira Petro, anamubwîra, erhi: «Ntengaho shetani: bulya enkengêro zâwe zirhali nkengêro za Nyamuzinda, ci ziri za bantu».

Yowane 3:6

“Eciburhwa n’omubiri guli mubiri, n’eciburhwa na Mûka guli mûka”.

Barom 8:9

Mwêhe murhali bashimbi ba mubiri, ci bashimbi ba mûka, kulya kubà Omûka gwa Nyamuzinda gubà muli mwe. Orhagwêrhi Omûka gwa Kristu arhali wa Kristu.

1 Bakorinti 15:48

Oku omuny’igulu ali ayôsire, kwo n’abany’igulu bayôrha, n’oku ow’omu mpingu ali ayôsire, kwo n’ab’o­mu mpingu bayôrha.

1 Bakorinti 2:14

Omuntu ocîkubagira oku bwôge yênene, arharhimanya ebirhenga emwa Mûka gwa Nyamuzinda, bulya kuli ye liri isirhe, arhankanabimanya, bulya ebyo bimanyikana n’oburhabâle bwa Mûka.

2 Bakorinti 10:3

Omu mubiri rhubà, nêci, ci rhurhalwa kwa mubiri.

Bagalasiya 5:17

Bulyâla omubiri gurhumvanya n’omûka, n’omûka gurhumvanya n’omubiri; byombi birhabonanakwo, co cinarhuma murhajira ebimulonzize.

Befezi 5:9

Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane.

2 Petro 2:10

bwenêne balya bashimba iralà ly’omubiri omu kujira eby’enshonyi banagayaguza obukulu bwa Nyakasane. Ci ebyo bikàkà bicîbonyi birhayôboha okulogorhera ebiremwa b’irenge,