Barom 8:29 - BIBLIYA NTAGATIFU OMU MASHI

²⁹ Bulya halya yêne acîshogaga kurhenga mîra, abarheganyize mpu babè nshusho y’Omugala, lyo abà nfula omu balumuna banji;

Barom 8:29 ပူးပေါင်းရင်းမြစ်များ

Ennanga 1:6

Bulya Nyamuzinda ayishi enjira y’abimâna, ci enjira y’endyâlya kuhabula ehabula.

Ennanga 89:27

Hano akola anyâkûza, erhi: «We Larha, we Nyamuzinda wâni, we kabuye kanciza.»

Lubungo 33:12

Mûsa abwîra Nyakasane, erhi: «Alaga oku wamambwîra, erhi: Yinamulaga olubaga, ci orhammanyisizi ndi orhumire wagenda rhwe naye, n’obwo wênene waderhaga, erhi: “Nkumanyîre oku izîno lyâwe”, na kandi, erhi: “Ôbà murhonyi omu masù gâni”.

Lubungo 33:17

Nyakasane abwîra Mûsa, erhi: «Okwo odesire buno nakujira nako, bulya oli murhonyi omu masù gâni, nnambà nkumanyîre oku izîno lyâwe.»

Yeremiya 1:5

Embere nkuleme omu nda ya nyoko, erhi nkuyîshi, embere orhenge omu nda erhi namakwîshoga, nakujira nti obè mulêbi w’amashanja.

Mateyo 12:50

Bulya ngasi yêshi ojira oku Larha oli omu mpingu alonza, ye mwene wîrhu, ye na mwâli wîrhu, ye na nyâmà».

Mateyo 25:40

Mwâmi naye ayish’ibashuza, ababwîre, erhi: «Okuli, mmubwîre, ngasi kantu mwajirîre muguma muli abà balumuna bâni barhôrhô, niene mwakajirîre».

Mateyo 28:10

Yezu anacibabwîra, erhi: «Murhayôbohaga, mugend’ibwîra balumuna bâni baj’e Galileya, yo bambonera».

Mateyo 7:23

“Nâni nyish’ibabwîra obwo oku ntà lusiku nabamanyire, nti: ntengiho mwe banyankola-maligo”.

Yowane 17:16

Barhali b’igulu, nk’oku nâni ntali w’igulu.

Yowane 17:19

Ncihânyire nterekêro bo barhumire, lyo nabo bahinduka nterekêro omu okuli.

Yowane 17:26

Nabamanyîsize izîno lyâwe, nanacibamanyîsalyo, lyo obuzigire wa­nzigîre bubà muli bo, lyo nâni mbà muli bo».

Yowane 20:17

Yezu amubwîra, erhi: «Orhampumagakwo, bulya ntaj’irheremera emwa Larha. Ci ojage emunda bene wîrhu bali, obabwîre oku nteremîre emwa Larha na Sho, emwa Nyamuzinda wâni na Nyamuzinda winyu».

Barom 11:2

Nnâmahanga arhakabuliraga olubaga lwâge acîshogaga kurhenga mîra. Nkabaga kuhaba muhabire kurhi Amandiko gadesire kuli Eliya erhi acîduduma emwa Nnâmahanga mpu alega Israheli?

Barom 13:14

mucihundikire Nyakasane Yezu Kristu, murhanacikâg’irhogoza omu­biri omu kushimba enyifinjo zâgwo.

Barom 9:23

akabà alonzize okuyêrekana obuhirhi bw’obukuze bwâge oku biremwa by’olukogo yêne ali ayôsire arheganyîze obukuze.

1 Bakorinti 15:49

Na kulyâla rhwalikwo enshusho y’omuny’igulu, kwo rhukwânîne rhujekwo n’enshusho y’ow’omu mpingu.

1 Bakorinti 2:7

Ci obushinganyanya rhuderha, bunali bushinganya bwa Nyamuzinda, bumanye bw’ihwe bwayôrhaga bubà bufulike, bulya Nyamuzinda ali arhubîkirebwo kurhenga embere ly’amagana g’emyâka, mpu buyish’ibà irenge lîrhu.

1 Bakorinti 8:3

Ci erhi omuntu ankasîma Nyamuzinda, anamanyibwa na Nyamuzinda.

2 Bakorinti 3:18

Ci rhwêhe kuno rhunali, obusù burhali bubwîke, rhudwîrhe rhwabonekamwo irenge lya Nyakasane nk’omu ndolero, rhudwîrhe rhwahindulwa mpu rhushushe n’eyo nshusho, rhulangale kulusha rhunalangashane, nk’oku Nyakasane alonzize, bulya abà Mûka.

Befezi 1:11

Muli ye kandi rhwacishozirwe mpu rhubè mîmo, rhwagoshôlwa kurhenga mîra oku bulonza bw’Olya ojira byoshi nk’oku alonzize yêne,

Befezi 4:24

munacîhundikire omuntu muhyâhya, olya Nyamuzinda alemaga oku nshusho yâge omu bushinganyanya n’omu butagatîfu bw’okunali.

Bafilipi 3:21

ayish’ihindula omubiri gwîrhu gw’obuzamba, agushushanye n’omubiri gwâge gw’irenge, bu­lya agwêrhe obuhashe oku bintu byoshi.

Bakolosi 3:10

mwacîhundikira omuhyâhya, olya ocîsêza okuhinduka nshusho y’Omulemi wâge, mpu lyo ahika oku bumanye bw’okunali.

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

2 Timoteyo 2:19

Ci kwônene eciriba cikomîre Nyamuzinda abandaga ho ciciri, cirikwo eci cimanyîso: Nyakasane ayishi abâge, na: Ngasi yêshi oderha izîno lya nyakasane, ayâke obubî.

1 Petro 1:2

Mwe Nyamuzinda Îshe acîshogaga omu bumanye bwâge, anammucêsa na Mûka Mutagatîfu, mpu lyo muyumva Yezu Kristu munashahizibwe n’omukò gwâge: kuli mwe enshôkano n’omurhûla munji!

1 Petro 1:20

Nêci, oyo mwâna-buzi ali mwîshogwa erhi ciru igulu lirhasâg’igera amango lyâlemwe, ci mw’ezi nsiku nzinda mwo acîyêrekîne erhi mwe murhuma.

1 Yowane 3:2

Bîra bâni, buno rhuli bâna ba Nyamuzinda, ci oku rhwâyish’iyôrha kurhac’ibonekana. Kwône rhumanyire oku amango kwâbonekana, rhwâyish’imushusha, bulyâla rhwânamubone nk’oku anali.

Mafulûlo 13:8

Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa.