Barom 8:15 - BIBLIYA NTAGATIFU OMU MASHI

¹⁵ Murhahâbagwa murhima gwa bajà mpu mwayôboha; mwahîrwe omurhima gw’abâna balere, gwo gunarhuma rhwayâkûza, nti: «Abba, Larha!»

Barom 8:15 ပူးပေါင်းရင်းမြစ်များ

Lubungo 20:19

Bàbwîra Mûsa, mpu: «Orhubwîre wêne rhwayumwa; ci Nyamuzinda arharhubwîraga, rhwankanafà!»

Izaya 56:5

“nazihêra omu nyumpa yâni n’omu byôgo byâni irenge n’izîno bilushire abânarhabana n’abâna-nyere; naziha izîno ly’ensiku n’amango lirhakazâzika”.

Yeremiya 3:19

Niehe kwo nakazagiderha omu murhima: nti owabonaga nkuhisa omu bâna bâni, nkamuhà ecihugo c’amasîma kashambala kakungwa omu mashanja. Namanya nti wakazimbwîra mpu «larha» nti orhakacintengaho.

Mibalè 17:12

Aroni arhôla ecitumbûkizo, nk’oku Mûsa anaderhaga, alibirhira omu karhî k’olubaga. Ecibande càli camarhondera ekarhî k’olubaga. Ahira enshangi omu citumbûkizo, ajira enterekêro y’empyûlo oku lubaga.

Mateyo 25:25

Erhi nciyôboha, nagend’ihumbira ifundo ly’amagerha gâwe omu mwîna; ly’eri, liri cirugu câwe».

Marko 14:36

Aderha, erhi: «Abà, Larha, byoshi bihashikana emwâwe: onkûlekwo aka kahè; ci arhali nka oku nalonza, ci nka oku walonza wênene!»

Luka 11:2

Anacibabwîra, erhi: «Nka mwashenga, “mukaderha ntya”: “Larha, Izîno lyâwe likuzibwe”; “Obwâmi bwâwe buyishe”;

Luka 22:42

«Mâshi Larha, okalonza onyegûlekwo aka kabehe! Kwône arhali oku nalonza, ci oku walonza we kwo kubage!»

Luka 8:28

Erhi abona Yezu, ayâma, acîrhimba aha magulu gâge, aderha n’izù linene, erhi: «Bici rhufânwa nâwe, Yezu Mwene-Nyamuzinda w’Enyanya? Orhandibuzagya, mâshi we okonkwa!»

Luka 8:37

Okubundi olubaga lwoshi lw’ecihugo c’Abajerazeni lwayinginga Yezu mpu abarhenger’eka, bulya bâli bayôbohire bwenêne. Naye anacishonera omu bwârho, acîgalukira.

Yowane 16:8

“N’irhondo ayisha, ayagîriza igulu oku câha, oku bushinganyanya n’oku lubà­njà”.

Yowane 20:17

Yezu amubwîra, erhi: «Orhampumagakwo, bulya ntaj’irheremera emwa Larha. Ci ojage emunda bene wîrhu bali, obabwîre oku nteremîre emwa Larha na Sho, emwa Nyamuzinda wâni na Nyamuzinda winyu».

Ebijiro 16:29

Nyamulanzi anacihûna akamole, anacikanya, aj’ageramwo omusisi, aci­kwêba aha magulu ga Paolo na Sila.

Ebijiro 2:37

Ako kanwa kabahika oku murhima; banacibwîra Petro n’ezindi Ntumwa, mpu: «Bene wîrhu, kurhi rhwâjiraga?»

Barom 8:16

Mûka Mutagatîfu yênênè anajè omu murhima gwîrhu oku kuhamîriza oku rhuli bâna ba Nnâmahanga.

Barom 8:23

Arhanali byône; ciru nîrhu, rhwe rhugwêrhe ecikinja ca Mûka, omurhima gwîrhu gwîrhu omu mulenge guli, rhudwîrhe rhwalinda okuhinduka bâna balere n’obucunguzi bw’emibiri yîrhu.

Barom 8:26

Kwo na kwo Mûka Mutagatîfu anarhabâle obuzamba bwîrhu; bulya rhurhish’ishenga okushingânîne; ci Mûka Mutagatîfu yêne orhusengerera omu njamu zirhagwêrhi oku zankaderhwa.

Barom 9:4

bo bene-Israheli: bo Nyamuzinda acîshozire mpu babè bâna bâge anayêrakane irenge lyâge muli bo; bo bahîrwe endagâno n’amarhegeko n’emigenzo y’okukolera Nyamuzinda n’eciragâne câge.

1 Bakorinti 2:12

Ci rhwono, arhali mûka gw’en’igulu rhwahâbirwe, ci Mûka gwa Nyamuzinda, lyo rhumanya enshôkano Nyamuzinda arhugabîre.

2 Bakorinti 11:4

Bulyâla erhi hankajira owayish’immuyigîriza owundi Kristu okuleka olya rhwammuyigîrizagya, erhi kwa­nkaba kuhâbwa owundi Mûka okuleka olya mwahâbagwa, nîsi erhi yindi Myanzi y’Akalernbe okuleka erya mwayankiriraga, murhankabula bwayêmêra!

Bagalasiya 2:4

n’obwo hàli hayishire bene wîrhu b’obwîhambe bacîdwîrhe bône, barhujamwo bufu­nda mpu bayish’ihengûza kurhi rhubà ntagengwa muli Kristu banashub’irhugalula omu bujà.

Bagalasiya 5:1

Kristu arhurhenzize omu bujà mpu lyo rhubà bantagengwa. Muzibuhage, mumanye mwankacicîshubiza omu muzigo gw’bujà.

Befezi 1:5

oku bulonza gwâge yêne arhulondôla mpu rhuyish’ibà bâna bâge balere erhi Yezu Kristu orhuma,

2 Timoteyo 1:7

Bulya arhali murhima gwa bwôba rhwahâbirwe na Nyamuzinda, ci gwa misî, n’obuzigire, n’olugero omu kukolêsa eby’en’igulu.

Bahabraniya 2:15

mpu lyo analîkûza balya boshi bâli omu bujà bwaca bwayira erhi kuyôboha olufù kurhuma.

Yakôbo 2:19

Oyêmîre oku Nyamuzinda ali muguma yêne. Kuli kwinjà! Abashetani nabo banakuyêmêre, na musisi bageramwo.

1 Yowane 4:18

Ntà bwôba bubà omu buzigire; ci obuzigire bwimâna kulibirha bulibirha oku bwôba, bulya ntà bwôba nka ntà buhane, n’oyôbohire erhi obuzigire bwâge burhasâg’ibà bwimâna.