Barom 7:7 - BIBLIYA NTAGATIFU OMU MASHI

⁷ Kuli kuderha kurhi? Ka mpu irhegeko liri câha? Ntanzi! Ci kwônene ntamanyaga ecâha elirhali irhegeko lirhumire, Bulya ntankamanyire amagene irhegeko lirhâciderhaga, mpu: Orhakazâg’ibà magene.

Barom 7:7 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

2 Samweli 11:2

Erhi kubà bijingo Daudi azûka, ajà ageragera omu lusò lw’enyumpa yâge; oku ajà acîgezageza ntyo, alangira omukazi adwîrhe acîshuka; n’oyo mukazi ali w’iranga.

Ennanga 119:96

Nabwîne oku ngasi kantu kajira aha kahekîre, irhegeko lyâwe lyôhe ye nyamugali.

Lubungo 20:17

Orhahîraga okacifìnja mukà mulungu wâwe, nîsi erhi mwambali wâge kandi erhi mwambalikazi wâge, erhi nkâfu yâge, erhi cihêsi câge, ngasi kalugu ka mulungu wâwe koshi orhacîfînjagako.

Mikeyo 2:2

Bacîfinje amashwa banaganyâge, banyâge enyumpa zicîbêre zâbo. Banarhambule omuntu n’enyumpa yâge, ciru n’omuntu n’akashambala kâge àyîmagamwo.

Mateyo 5:28

Ci niehe mmubwîzire oku ngasi yêshi wabone omukazi n’okumwifinja, oyu muntu emurhima erhi amuhushirekwo.

Luka 12:15

Okubundi anacibabwîra, erhi: «Mumanye murhabâga ba kajiji, bulya omuntu obuzîne bwâge burhaba omu bunji bw’ebirugu byâge».

Luka 20:16

“Ayish’iyisha, aherêrekeze balya barhindisi b’olukoma, na lulya lukoma lwâge aluhè abandi”». Erhi bayumva ntyo, bamubwîra, mpu: «Okwo kurhabâga la!»

Ebijiro 20:33

“Ntabonaga nacifinja olusaranga erhi masholo erhi mwambalo gwa muntu”.

Barom 13:9

Kwo binali; aga marhegeko: Orhahîra okahusha; orhahîra okaniga; orhahîra okazimba; orhahîra okayêmêra enyifinjo mbî, n’agandi marhegeko, goshi gali muli eci cinwa: Ozigire abinyu nk’oku ocîzigira wêne.

Barom 3:20

Bulya embere zâge ntà muntu ciru n’omuguma wâyêre mpu okwenge ashimbire amarhegeko; kulya kubà ntà cindi amarhegeko gajira okurhali kumanyîsa ebyâha.

Barom 3:5

Ci akabà obubî bwîrhu buyêrekana obushinganyanya bwa Nyamuzinda, kurhi rhwaderhaga? Ka Nyamuzinda arhali mubî erhi arhukunirira? (Namâderha nka kula abantu baderha).

Barom 4:1

Kurhi rhwaderhaga kuli Abrahamu, shakulûza wîrhu w’omubiri?

Barom 4:15

bulyâla Irhegeko lilêrha obukunizi; ci aha irhegeko lirhali, ntà kulivuna.

Barom 5:20

Nêci, kwo binali, irhegeko lyàyishire mpu lyo obubî buluga; ci kwône aha ecâha càli cishurhamire, engalo ya Nyamuzinda yahalambiza;

Barom 6:15

Ewe! ka rhukâg’ijira ebyâha bulya rhurhashwêsirwi na marhegeko, ci n’engalo ya Nnâmahanga? Ntà mango!

Barom 7:11

Bulya erhi ecâha cibona amarhegeko, cantiza, cananniga erhi gwo garhuma.

Barom 7:13

K’akantu kinjà kàbirage lufù kuli nie? Ntà mango! Câha eco candwîrhîre olufù omu kukolêsa akantu kinjà, mpu lyo ciyêrekana oku ciri câha, na ntyo mpu lyo cibà cibî kulusha erhi marhegeko garhuma.

Barom 7:5

Erhi rhuciri omu mubiri, amîru g’e­byâha, galêrhwa n’amarhegeko, gakâg’ijira omukolo gwâgwo omu birumbu bîrhu, mpu lyo rhukafulukiza olufù.

Barom 7:8

Erhi ecâha cibona ntyo, canshulira amîru ga ngasi lubero erhi irhegeko lirhuma. Bulya buzira irhegeko, ecâha guli mufù.

1 Bakorinti 15:56

Olufù ecâha ko kababo kâlwo, n’ecâha Irhegeko bwo buzibu bwâco.

Befezi 5:3

Obugonyi bôhe na ngasi bindi by’enshonyi n’amagene g’eby’en’igulu, ciru amazîno gâbyo garhakag’iderhwa ekarhî kinyu: ntyo kwo kushingânîne abatagatîfu.

Lushika 5:21

«Orhahîra okacifinja mukà mulungu wâwe. Orhahîra okacîfinja enyumpa ya mulungu wâwe, nîsi erhi ishwa lyâge, erhi mwambali wâge erhi omwambalikazi, nîsi erhi nkâfu yâge, erhi ndogomi yâge erhi kandi kantu ka mulungu wâwe».

Bakolosi 3:5

Kuziga mubabaze ebirumbu by’omubiri gwinyu gw’en’igulu: obugonyi, eby’enshonyi, amasîma mabî, enyifinjo mbî, n’amagene g’eby’en’igulu, kwo kuli nka kufukamira ebiremwa;

1 Batesalonika 4:5

arhacicîrîkiriraga omu kuhêkwa n’amîru mabî ak’abapagani barhishi Nyamuzinda.

Bahabraniya 7:19

Ntà kantu irhegeko lyàjizire kimâna; ci lyàli nshokole­zi y’obulangâlire bulushire, oburhuhà okuyêmêra Nnâmahanga.

Yozwe 7:21

“Nabwîne omu minyago, ecishûli cinjà ca Shineari, sikêli magana abiri ga marhale. Na cizingè ciguma ca masholo ca buzirho bwa sikêli makumi arhanu: nanaciyâgalwa n’ebyo bintu, lêro nabirhôla; lolà oku biri bibishe omw’idaho omu nyumpa yâni, n’amarhale go gali idako”».