Barom 6:18 - BIBLIYA NTAGATIFU OMU MASHI

¹⁸ n’erhi mubà mwamâlîkûzibwa oku câha, mwahinduka barhumisi b’obushinganyanya.

Barom 6:18 ပူးပေါင်းရင်းမြစ်များ

Ennanga 119:32

Nkola nakombêra enjira y’amarhegeko gâwe, obûla washagalusize omurhima gwâni.

Ennanga 119:45

Nkazigera omu njira ngali, bulyâla amarhegeko gâwe kulongereza ngalongereza.

Izaya 26:13

Yâgirwa Nyakasane, Nyamuzinda wîrhu, abandi barhegesi barhali we barhurhambwîre; ci izîno lyâwe dolodolo rhukola rhugashâniza.

Izaya 54:17

Ngasi murasano gwâtulwe mpu bakurhêremwo, kufananda gwakaz’i­fananda, na ngasi kalimi kânakujîse lubanja, kuyâga wânakayâze. Ogwôla gwo mulagi gw’abarhumisi ba Nyakasane, ecôla co cigabi mbashobôzize, kwo adesire Nyakasane.

Luka 4:18

Omûka gwa Nyakasane kuli nie, bulya anshîzire amavurha, antuma mpu ngend’iyigîriza abakenyi emyanzi y’akalembe, mbale omwanzi gw’o­buyôkozi, emw’abâli omu mpamikwa, n’emwa emihûrha ogw’okushub’ikabona, ngalulire abarhindibuzibwe omurhûla,

Yowane 8:32

mwamanya okuli, n’okuli kwammurhenza omu bujà».

Yowane 8:36

Erhi Omugala akammucungula, mwanarhenga omu bujà lwoshi.

Barom 6:14

Bulya ntà buhashe ecâha cicigwêrhe kuli mwe, kulya kubà murhashwêsirwi na marhegeko, ci n’engalo ya Nnâmahanga.

Barom 6:22

Ci buno mwalikûzîbwe oku câha, mukola bambali ba Nnâmahanga, obutagatîfu lwo luhembo lwinyu, n’obuzinda bwinyu buli buzîne bw’ensiku n’amango.

Barom 6:7

bulya owafîre erhi afumire ecâha.

Barom 8:2

Bulya irhegeko ly’Omûka guhâna obuzîne muli Yezu Kristu lyakulîkûzize oku irhegeko ly’ecâha n’ery’olufù.

Bagalasiya 5:1

Kristu arhurhenzize omu bujà mpu lyo rhubà bantagengwa. Muzibuhage, mumanye mwankacicîshubiza omu muzigo gw’bujà.

1 Petro 2:16

Olugendo lwinyu lubè lwa bantagengwa, ci arhali bantagengwa balonza obulyo bw’okufulika obubî bwâbo, ci nka barhumisi ba Nyamuzinda.