Barom 5:18 - BIBLIYA NTAGATIFU OMU MASHI

¹⁸ Ntyo, nk’oku bahaniragwa obubî bwa muntu muguma, kw’abantu boshi bàhindusire bêru-kwêru, banashobôla obuzîne cijiro ca bwimâna bwa muguma cirhumire.

Barom 5:18 ပူးပေါင်းရင်းမြစ်များ

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Yowane 1:7

Ayisha nka muhamîrizi, mpu abè muhamîrizi w’obulangashane, lyo abantu boshi bayêmêra.

Yowane 12:32

Nâni bano nyînamulwa kurhenga igulu, nânakululira abantu boshi emunda ndi».

Yowane 3:26

Bajà emwa Yowane, bamubwîra, mpu: «Rabi, olya wali naye ishiriza lya Yordani, olya wahamîririzagya, naye akola adwîrhe abatiza, n’abantu boshi badwîrhe bamushimba!»

Ebijiro 13:39

ngasi yêshi oyêmîre, anacêsibwa kuli byo ye rhumire.

Barom 3:25

ye Nyamuzinda acîshozire mpu abè nterekêro y’okulyûla ebyâha n’omukò gwâge erhi buyêmêre burhuma. Na ntyo ayêrekana obwimâna bwâge omu kurhahana ebyâha bya mîra,

Barom 4:25

oyo Yezu wahânagwa byâha bîrhu birhuma, anafûka mpu lyo muyêra.

Barom 5:12

Ntyo kwo biri! Ecâha cadwîrhwe en’igulu na muntu muguma, naco ecâha càburha olufù, n’olufù lwayahukira abantu boshi, bulya boshi bàkozire ecâha.

Barom 5:15

Ci kwône engalo erhali nk’e­câha. Bulya akabà ecâha ca muguma calumîzize olufù omu lubaga, kanga kulusha engalo ya Nyamuzinda n’enshôkano y’amakwânane ga muntu muguma, Yezu Kristu, byalumîre omu bantu banji!

Barom 5:19

Bulyâla, nk’oku olubaga lwoshi lwayahukiragwa n’ecâha erhi bucîbone bwa muntu muguma burhuma, kwo lwanayish’iyêra bumvi bwa muguma burhumire.

Barom 6:14

Bulya ntà buhashe ecâha cicigwêrhe kuli mwe, kulya kubà murhashwêsirwi na marhegeko, ci n’engalo ya Nnâmahanga.

1 Bakorinti 15:22

Nêci, nka kulya boshi bafà muli Adamu, kwo na boshi bayish’ishubira­mwo omûka muli Kristu.

Bahabraniya 2:9

Ci olya warhangag’ijirwa munyi kuli bamalahika, Yezu, y’oyo okolaga ayambîrhe ishungwè ly’irenge n’obukuze, bulyâla ababîre anafà. Kwanali kukwânîne arhang’ifà, lukogo lwa Nyamuzinda na bunguke bwa ngasi muntu birhumire.

2 Petro 1:1

Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma.

1 Yowane 2:20

Mwêhe mwashîzirwe amavurha n’Omwimâna, na ntyo mweshi mugwêrhe obumanye.