Barom 5:12 - BIBLIYA NTAGATIFU OMU MASHI

¹² Ntyo kwo biri! Ecâha cadwîrhwe en’igulu na muntu muguma, naco ecâha càburha olufù, n’olufù lwayahukira abantu boshi, bulya boshi bàkozire ecâha.

Barom 5:12 ပူးပေါင်းရင်းမြစ်များ

Murhondêro 2:17

ci omurhi gw’okumanya aminjà n’amabî orhahîraga okagulyâkwo, bulya amango wacîshomya wagulyakwo erhi onafire».

Murhondêro 3:19

Kurhûbanukirwa emalanga okola wakâbonamwo omugati (biryo): kuhika oshubire omu budaka bulya mwo warhengaga. Oli katulo n’omu katulo wânashubire!».

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

Ennanga 51:5

Bulyâla ntababiri obubî bwâni, ngasi mango ecâha câni cindi omu masù.

Ezekiyeli 18:4

Lolagi: Obuzîne boshi buli bwâni, ôli obuzîne bw’îshe w’omwânarhabana, oli obuzîne bw’omwâna­rhabana boshi buli bwâni. Owajizire ecâha ye wâkanafa.

Barom 3:23

Boshi bajizire ebyâha, baheza irenge lya Nyamuzinda,

Barom 5:18

Ntyo, nk’oku bahaniragwa obubî bwa muntu muguma, kw’abantu boshi bàhindusire bêru-kwêru, banashobôla obuzîne cijiro ca bwimâna bwa muguma cirhumire.

Barom 5:19

Bulyâla, nk’oku olubaga lwoshi lwayahukiragwa n’ecâha erhi bucîbone bwa muntu muguma burhuma, kwo lwanayish’iyêra bumvi bwa muguma burhumire.

Barom 5:21

mpu lyo, nk’oku ecâha càli cigandâzize omu lufù, engalo ya Nyamuzinda egandâza n’obushinganyanya omu buzîne bw’ensiku n’amango, Nnawîrhu Yezu Kristu orhumire.

Barom 6:21

Bunguke buci mwabwînage obwo? Buno enshonyi zimmubambisire, bulya obuzinda bw’ebyo byoshi lubà lufù.

Barom 6:23

Bulya oluhembo lw’ecâha lubà lufù, ci engalo ya Nyamuzinda bubà buzîne bw’ensiku n’amango muli Nnâhamwîrhu Yezu Kristu.

1 Bakorinti 15:56

Olufù ecâha ko kababo kâlwo, n’ecâha Irhegeko bwo buzibu bwâco.

Befezi 2:3

Câbà mushâna nîrhu rhweshi rhwàli ba Lugero luguma nabo mîra omu kushimba amîru gîrhu mabî, omu kukolera iralà ly’omubiri n’enyifinjo mbî, n’oku bwôrhere bwîrhu rhwàli bâna ba bukunizi ak’abandi.

Yakôbo 1:15

N’erhi omuntu abà amâyêmêra ago mîru mabî, lyo gaburha ecâha, naco ecâha nka camayûs’ijirwa, canaburha olufù.

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.