Barom 5:10 - BIBLIYA NTAGATIFU OMU MASHI

¹⁰ Bulya, akabà rhwazigîrwe na Nnâmahanga erhi lufù lw’Omugala lurhuma, n’obwo rhwaciri bashombanyi, lêro na buno rhukola rhuyinjibîne naye!, rhwâcizibwa n’obuzîne bwâge.

Barom 5:10 ပူးပေါင်းရင်းမြစ်များ

2 Nganîro 29:24

Abadâhwa babibaga, na omukò gwâbyo bajiramwo enterekêro y’empyûlo oku luhêrero kuli bene Israheli boshi; bulya mwâmi ali arhegesire mpu bajire ezôla nterekêro z’ensirîra kuli bene Israheli boshi n’oku nterekêro y’ebyâha.

Ezekiyeli 45:20

Wânajira kwa bene okwôla oku lusiku lwa kali nda oku muntu wamâjira ecâha buzira kumanya nîsi erhi ebwa kuhabuka, ntyo wanayôbôla enyumpa.

Daniyeli 9:24

Migobe makumi galinda yarhegesirwe oku biyêrekîre olubaga lwâwe n’oku biyêrekîre olugo lwâwe Lutagatîfu, omu kuhwa kw’obugoma omu kubabalirwa ebyâha, omu kukûlwa kwo obubî, n’omu kulêrha obushinganyanya, omu kusêza okwôla kubonekerwa n’obwôla bulêbi n’omu kushîga amavurha Omutagatîfu w’abatagatîfu.

Yowane 14:19

Kandi kasanzi kasungunu igulu lirhacimbone. Ci mwêhe mwâmbona, bulya nzîne ninyu mwâbà n’obuzîne.

Yowane 5:26

“Nk’oku Îshe ye nn’obuzîne, kwo anahîre Omugala mpu abè nn’obuzîne”,

Yowane 6:40

Nêci, kwo Larha alonza mpu ngasi obona Omugala anamuyêmêre abè n’obuzîne bw’ensiku n’amango, nâni mmufûle olusiku luzinda».

Yowane 6:57

Nk’oku Larha wantumaga azîne, nâni nzîne muli Larha, ondya naye alama nie ntumire.

Barom 11:28

Nêci, rhukalola Emyanzi y’Akalembe, bali bashombanyi erhi mwe mu­rhuma; ci rhukalola okubacîshogagwa, bali barhonyi erhi bashakulûza bâbo bàrhuma.

Barom 5:11

Arhanali kwône okwo; ci rhudwîrhe rhwacîsima muli Nnâmahanga erhi Nnawîrhu Yezu orhuma, ye warhushobôzagya okuyinjibana na Nyamuzinda.

Barom 5:6

Nêci, amango rhwaciri bazamba, erhi ensiku zihika Yezu arhufîra n’obwo rhwàli byâbi.

Barom 8:32

Arhababaliraga Omugala, ci amuhâna nterekêro kuli rhwe rhweshi; bici ankacibula bwarhuha haguma naye?

Barom 8:34

Ndigi wankacibayagiriza? Ka Yezu Kristu wafâga anafûka? Ka Yezu Kristu otamîre ekulyo kwa Nyamuzinda, odwîrhe arhulagira?

Barom 8:7

Co cirhuma enyifinjo z’omubiri zishomba Nnâmahanga, bulya zirhashimba irhegeko lya Nnâmahanga; ciru zirhankanahasha okulishimba.

2 Bakorinti 5:20

Ntyo rhuli bajà-bugo ba kîrhu. Oku izîno lya Kristu, rhummuhûnyire, mwe mukasinga; shubiri omu bwîra bwa Nnâmahanga!

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Befezi 2:16

na bombi abajire mubiri muguma, anabagalule omu bwîra bwa Nnâmahanga omu kuyîrha obushombanyi bwâbo muli ye oku musalaba.

Befezi 2:3

Câbà mushâna nîrhu rhweshi rhwàli ba Lugero luguma nabo mîra omu kushimba amîru gîrhu mabî, omu kukolera iralà ly’omubiri n’enyifinjo mbî, n’oku bwôrhere bwîrhu rhwàli bâna ba bukunizi ak’abandi.

Bahabraniya 2:17

Okwo kwarhuma acîshushanya n’abalumuna muli byoshi, mpu lyo abà mudâhwa mukulu w’olukogo n’ow’okucîkubagirwa omu biyêrekiîre Nyamuzinda, lyo alyûla ebyâha by’olubaga.

Bahabraniya 7:25

Co cinarhumire anahash’iciza lwoshi abayegera Nyamuzinda oku burhabâle bwâge, bulya abà azîne ensiku n’amango mpu abalagire.

1 Yowane 2:1

Rhwâna rhwâni, ebi mmuyandikirebyo, nti lyo murhajiraga ebyâha. Ci erhi hankajira owahirima omu câha, rhugwêrhe omulagizi emwa Nyamuzinda Îshe, ye mushinganyanya Yezu Kristu.

1 Yowane 4:10

Obuzigire bwâge bw’obu: arhali rhwe rhwazigîre Nyamuzinda, ci ye warhuzigîre, arhuma Omu­gala mpu abè mpyûlo y’ebyâha bîrhu.

Mafulûlo 1:18

‘nie na Nn’obuzîne’. ‘Nal’infîre, ‘lêro niono nkola nzîne kuhika emyâka n’emyâka’; ‘n’enyigulo z’olufù n’ez’ekuzimu nie nzigwêrhe».