Barom 3:25 - BIBLIYA NTAGATIFU OMU MASHI

²⁵ ye Nyamuzinda acîshozire mpu abè nterekêro y’okulyûla ebyâha n’omukò gwâge erhi buyêmêre burhuma. Na ntyo ayêrekana obwimâna bwâge omu kurhahana ebyâha bya mîra,

Barom 3:25 ပူးပေါင်းရင်းမြစ်များ

Ennanga 119:142

Obushinganyanya bwâwe bubà bw’ensiku n’amango, n’irhegeko lyâwe libà lizibuzibu, lirhahuligana.

Ennanga 22:31

Iburha lyâni ye lyâkolera; Amashanja gânacibwîrwe obwonjo bwa Nyakasane.

Ennanga 40:10

Obushinganyanya bwâwe nabumanyîsa aha balume akanwa kâni ntakashubakwo nâwe wêne orhahabiri Muciza.

Ennanga 50:6

Amalunga gamanyîsa oku olubanja bwinjà lutûbirwe: bulyâla Nyamuzinda yêne olutwire.

Ennanga 97:6

Amalunga gadwîrhe gaganîra obushinganyanya bwâge, n’amashanja goshi gabwîne irenge lyâge.

Ennanga 98:2

Nyakasane amanyîsize oku kuciza aciza, omu masù g’ab’emahanga, afulûla obushinganyanya bwâge.

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Ben Levi 16:10

N’ecihebe cagwâsirwe n’ecigole c’omuzimu Azazeli anaciyimanza cizîne embere za Nyakasane, lyo acinywesa empyûlo oku byâha bagal’icihabulira omu irungu emw’omuzimu Azazeli.

Ben Levi 16:15

Anabâga ecihebe c’entererekêro y’okushukûla ebyâha by’olubaga, agal’ihêka omwamba gwâco omu ndalâlà ly’enshabiriro, hano abà amakolêsa gulya mukò, nk’oku akolesagya ogw’empanzi, anakangûla nagwo entebe y’amonjo n’embere zâyo.

Yowane 6:47

«Okuli, okuli, mmubwîzire, oyêmîre agwêrhe obuzîne bw’ensiku n’amango.

Ebijiro 14:16

Omu myâka yâgeraga, alesire ngasi mashanja gashimbe amôrhere gâgo;

Ebijiro 15:18

“anayôrha abimanyire kurhenga ensiku n’amango”.

Ebijiro 17:30

“Lêro buno Nyamuzinda akola ayibagîre amango g’obuhwinja, anakola alâlisire abantu boshi ba ngasi hoshi mpu bacîyunjuze”;

Ebijiro 2:23

oyo muntu abantu babî balenganyagya nka kulya Nnâmahanga ali arhegesire omu bulonza n’omu bumanye bwâge, y’oyo muzind’iyîrha, mwamubamba oku musalaba.

Ebijiro 3:18

Ntyo Nnâmahanga ayunjuzize ebi àli erhi aderhîre omu kanwa k’abalêbi boshi oku Masiha wâge ânababale.

Ebijiro 4:28

Bayunjuza ntyo ebi okuboko kwâwe n’ihano lyâwe byàli erhi byarheganyize.

Barom 2:4

Nkabaga kugayaguza ogayaguzize obuhirhi bw’obwinjà n’olukogo n’obutûdu bwâge? K’orhîshi oku obwo bwonjo bwa Nyamuzinda bukulalisire mpu ocîyunjuze?

Barom 3:26

amango Nyamuzinda ali atûzire; alonza okuyêrekana obwimâna bwâge mwo gano mango, mpu lyo abà muciza, anacize ngasi oyêmîre Yezu.

Barom 5:1

Ntyo, bulya obuyêmêre bwarhujizire bêru-kwêru, rhukola rhugwêrhe omurhûla na Nyamuzinda muli Nnawîrhu Yezu Kristu,

Barom 5:11

Arhanali kwône okwo; ci rhudwîrhe rhwacîsima muli Nnâmahanga erhi Nnawîrhu Yezu orhuma, ye warhushobôzagya okuyinjibana na Nyamuzinda.

Barom 5:18

Ntyo, nk’oku bahaniragwa obubî bwa muntu muguma, kw’abantu boshi bàhindusire bêru-kwêru, banashobôla obuzîne cijiro ca bwimâna bwa muguma cirhumire.

Barom 5:9

Buno lyôhe obuzigire bwâge bukola burhalusire, bulya rhukola rhuli bêru-kwêru erhi mukò gwâge gurhuma, rhwafuma obukunizi bwa Nyamuzinda erhi ye rhuma.

1 Bakorinti 5:7

Mucîsêze, mucîrhenzekwo engeso nkulûkulù, muhiduke mugati muhyâhya, bulya muli mugati gurhalimwo lwango. Bulya Kristu, ye Mwâna-buzi wa Basâka, abazirwe.

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Befezi 1:7

Muli ye rhubona obuyôkoke, mukò gwâge gurhumire, obwonjo oku byâha, nk’oku obuhirhi bw’engalo yâge bunali,

Befezi 2:13

Lêro buno, muli Kristu, mwe mwâli kulî mîra, omukò gwa Kristu gwammushegezize hôfi.

1 Timoteyo 1:15

Aka kanwa kali k’okuli kanakwânîne okuyêmêrwa lwoshi: Kristu Yezu ayishire en’igulu mpu acize abanya-byâha, nie na wa burhanzi muli bo.

Bahabraniya 10:4

Bulya ntâkwo omukò gw’ebimasha n’ebihebe gwankarhenza e­byâha.

Bahabraniya 11:14

Abo bashambâla ntyo, bayêrekana n’obwâlagale oku badwîrhe balonza okuhika emw’îshe.

Bahabraniya 11:17

Buyêmêre bwarhumaga Abrahamu, erhi Nnâmahanga àmurhangula, abâna Izaki, nterekêro, n’obwo àli mugala cûsha oyo àhânaga nterekêro, ye wanali mubîsi w’eciragâne;

Bahabraniya 11:7

Buyêmêre bwarhumaga Nûhu; erhi àbà amamanyîsibwa ebirhaj’ibonekana, àyumva obwôba bw’obukenge kuli Nnâmahanga, ànabinja enkuge mpu lyo afumya omulala gwâge. N’obuyêmêre bwâge àyigîriza igulu, ànahinduka mwîmo gw’obushinganya bulêrhwa n’obuyêmêre.

Bahabraniya 9:28

ntyo Kristu naye àcîhânyire nterekêro liguma lyône, mpu azâze ebyâha bya bantu banji; âyaciboneke lindi liguma buzira câha, mpu alêrhere abamulinda obucire.

Bahabraniya 9:5

N’oku nyanya kwagwo kwàli Bakerubi b’irenge bàkâg’ijira entebe y’obwonjo empehema. Ci arhali buno lyo rhwankazâbanula ebyo byoshi.

1 Yowane 1:10

Erhi rhwankaderha nti ntà câha rhwajizire, erhi rhwamamujira munywesi, n’oluderho lwâge erhi lurhali muli rhwe.

1 Yowane 2:2

Ye mpyûlo y’ebyâha bîrhu, a­rhanali ya bîrhu byônene, ci n’eby’igulu lyoshi.

1 Yowane 4:10

Obuzigire bwâge bw’obu: arhali rhwe rhwazigîre Nyamuzinda, ci ye warhuzigîre, arhuma Omu­gala mpu abè mpyûlo y’ebyâha bîrhu.

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

Mafulûlo 13:8

Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.

Mafulûlo 5:9

Erhi banadwîrhe bayimba olwimbo luhyâhya, mpu: «Nêci, okwânîne oyanke eci citabu onahamûle orhuhamikizo rhwâco, bulya wanizirwe, warhucungwîre n’omukò gwâwe, warhuhà Nyamuzinda, rhwe b’omu ngasi mulala, n’omu ngasi lulimi luderhwa, n’omu ngasi ishanja, n’omu ngasi cihugo,