Barom 2:14 - BIBLIYA NTAGATIFU OMU MASHI

¹⁴ Ngasi mango abapagani bakulikira obwôrhere bwâbo bwinjà ciru ankaba barhagwêrhi marhegeko, bakajira ebijiro binjà, omurhima gwâbo gunabêre ahâli h’amarhegeko.

Barom 2:14 ပူးပေါင်းရင်းမြစ်များ

Ebijiro 10:35

Ci omu mashanja goshi, ngasi omurhînya n’okujira ebishingânîne, anamusîme.

Ebijiro 14:16

Omu myâka yâgeraga, alesire ngasi mashanja gashimbe amôrhere gâgo;

Ebijiro 17:30

“Lêro buno Nyamuzinda akola ayibagîre amango g’obuhwinja, anakola alâlisire abantu boshi ba ngasi hoshi mpu bacîyunjuze”;

Barom 1:32

N’o­bwo barhahabiri irhegeko lya Nnâmahanga oku abajira ebya bene ebyo bali ba kufà, kurharhuma barhabijira bône, ciru n’okuhà abandi babijira omurhima.

Barom 2:12

Ngasi bantu boshi bajizire kubî buzira irhegeko, bafè buzira irhegeko; na ngasi bajizire kubî banamanyire irhegeko, banatwîrwe olubanja nk’oku irhegeko linadesire.

Barom 2:15

Banayêrekane oku amarhegeko gali mayandike omu murhima gwâbo; entimanya zâbo zinahamîrize ntyo, n’omurhima gwâbo hali amango gubabwîra oku bajizire kubî.

Barom 2:27

N’oyo muntu oshimba amarhegeko, ciru akabà arhali mukembûle, ayish’itwa o­lwâwe, we vuna amarhegeko n’obwo wakembwîrwe.

1 Bakorinti 11:14

K’obwôrhere bw’omuntu bwône burhammuyigîriza oku ziri nshonyi oku mulume okujira emviri ndîrî-lîri,

1 Bakorinti 9:21

Omu barhajira irhegeko, nacîjira muzira-irhegeko, n’obwo ntali muzira-irhegeko lya Nyamuzinda, bulya ntegesirwe n’irhegeko lya Kristu, nti lyo ncungula abarhajira irhegeko.

Befezi 2:12

kengêri oku ago mango murhagwêrhe Kristu, mwâli bakagwa omu ishanja ly’Israheli, ntà cigabi mwagwêrhe omu ndagâno Nnâmahanga alagânaga, mwâli mbula-bulangâlire na mbula-Nyamuzinda en’igulu.

Befezi 2:3

Câbà mushâna nîrhu rhweshi rhwàli ba Lugero luguma nabo mîra omu kushimba amîru gîrhu mabî, omu kukolera iralà ly’omubiri n’enyifinjo mbî, n’oku bwôrhere bwîrhu rhwàli bâna ba bukunizi ak’abandi.

Lushika 4:7

Anagwârhi, lubaga lunji-lunji luhi lulya banyamuzinda babà baliranyire nk’okûla Nyamubâho, Nyamuzinda wîrhu abà arhuliranyire ngasi mango nka rhwamushenga?

Bafilipi 4:8

Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.