Barom 15:5 - BIBLIYA NTAGATIFU OMU MASHI

⁵ Mâshi Nyamuzinda, cisiki c’okulembera amalibuko n’ec’oburhûlirize, ammuhè okuyumvanya mwêne na nnene oku lwîganyo lwa Yezu Kristu,

Barom 15:5 ပူးပေါင်းရင်းမြစ်များ

2 Nganîro 30:12

Ci kwônene abantu b’omu Yûda, Nyamuzinda abahà murhima muguma gw’okuyumva n’okushimba irhegeko lya mwâmi. N’ery'abarhambo, nk’oku kanadesire akanwa ka Nyamubâho.

Ennanga 86:5

Na bulya Yâgirwa we mwinjà, we n’olukogo lushundwakwo; onaluzize obwonjo oku ngasi boshi bakusengera.

Lubungo 34:6

Nyakasane anacigera embere zâge, ajà ayâkûza, erhi: «Nyakasane, Nyamubâho, Nyamuzinda w’obwonjo, ntabâcihûngo, ntakunira-duba, oyunjula bwinjà n’obwîkubagirwa,

Yeremiya 32:39

“Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo”.

Ezekiyeli 11:19

Nâbahà murhima muguma, nânahira mulibwo owundi mûka muhyâhya: narhenza omu mubiri gwâbo, omurhima guli nk’ibuye, mbahe omurhima gw’omuntu,

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Barom 12:16

Mukâlolana kuguma mwêne na nnene. Murhakâg’ilonza okukulira abandi; ci musîme obwîrhôhye. Murhacîjiraga bîrhonzi omu masù ginyu mwêne.

Barom 15:13

Nyamuzinda w’okulangalirwa ammuhè amasîma n’omurhûla omu buyêmêre bwinyu, lyo muyunjula bulangâlire oku buzibu bwa Mûka Mutagatîfu.

Barom 15:3

Bulya Kristu naye arhalongerezagya ebimusimîsize yêne; ci nk’oku biyandisirwe: Ebijâci by’abakujâcira nabirage nie bicîyôhakwo.

1 Bakorinti 1:10

Mwe mukasinga mâshi, bene wîrhu, oku izîno lya Nnawîrhu Yezu Kristu, muyumvanye; mumanye mwankac’iberamwo; mubè baguma omu murhima, n’omu nkengêro.

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

2 Bakorinti 7:6

Ci Nyamuzinda orhûliriza abazamba arhurhûliriza omu kuyisha kwa Tito;

Befezi 5:2

Mukâyôrha muzigirîne nka kulya Kristu ammuzigiraga, acîhâna yêne erhi rhwe rhurhuma mpu abè ntûlo na nterekêro y’okusîmîsa Nyamuzinda.

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

Bafilipi 2:2

muhire ishwinjiro oku busîme bwâni omu kukalukira haguma: mubè na buzigire buguma, na murhima muguma, na nkengêro nguma.

Bafilipi 3:16

Ci kwônene, ngasi aha rhwankabà rhuhisire, rhushimbe njira nguma.

Bafilipi 4:2

Mpûnyire Evodiya bo na Sintiki nti bakaz’iyumvanya muli Nyakasane.

1 Petro 3:20

ezo ntumva za mîra, galya mango obwonjo bwa Nyamuzinda bwakâg’ilinda, mwa zirya nsiku Nûhu abinjaga enkugè. Mw’eyo nkugè banyi bône, bo bantu munâni, bacirîre omu mîshi.

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.

2 Petro 3:15

Nêci mumanye oku olukogo lwa Nnawîrhu lubà lwa kulonza okurhuciza, nka kulya mwene wîrhu muzigirwa Paolo naye ammuyandikiragakwo omu bushinganyanya àhâbirwe.

2 Petro 3:9

Nyakasane arhalegerîri okuyunjuza eciragâne câge, nk’oku baguma bakagerêreza mpu alegamire; lukogo olwo ammubêra, kulya kubà arhalonza hajire owahera, ci alonza boshi bacîyunjuze.