Barom 15:33 - BIBLIYA NTAGATIFU OMU MASHI

³³ Nyamuzinda w’omurhûla abè ninyu mweshi! Nêci, Ntyo!

Barom 15:33 ပူးပေါင်းရင်းမြစ်များ

Mateyo 1:23

Alà omubikira ayish’ibà nda, aburha omwâna: bayish’imuhà izîno lya Emanuweli, kwo kuderha: Nyamuzinda - haguma - nîrhu.

Mateyo 28:20

Mubayigîrize okushimba ngasi hyoshi nammurhegesire. Nâni ndi haguma ninyu ensiku zoshi kuhika aha kuyûrha kw’igulu».

Barom 16:20

Nyamuzinda w’omurhûla arhayimang’ivungunyula Shetani aha magulu ginyu. Enshôkano ya Nnawîrhu Yezu Kristu ebè ninyu!

Barom 16:23

Gâyo ompandîsa, nie n’Ekleziya yoshi, mpu asingi. Erasto, ye mubîsi w’ebirugu by’ecishagala, bona mwene wîrhu Kwarto, mpu mmulamuse. [

1 Bakorinti 14:33

bulya Nyamuzinda arhali Nyamuzinda wa kavulindi, ci wa buholo. Nk’omu zindi Ekleziya zoshi z’abimâna,

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

Befezi 6:23

Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre.

Bafilipi 4:9

Ebi mwayigîrizibwe, ebi mwayankirîre, ebi mwayumvîrhe nammubwîra n’ebi mwabwîne najira, ebyôla byo mukâg’ikajira. Na ntyo Nyamuzinda w’obuholo anabà ninyu.

1 Batesalonika 5:23

Nyamuzinda w’omurhûla yêne ammujire batagatîfu lwoshi Lwoshi, alange emyûka n’emirhima n’emibiri yinyu buzira izâbyo kuhika olusiku Nnawîrhu Yezu Kristu ayisha.

2 Tesalonika 3:16

Nyamuzinda w’omurhûla yêne ammuhè omurhûla ngasi mango na muli byoshi! Nyakasane abè ninyu mweshi!

2 Timoteyo 4:22

Nyakasane abè omu murhima gwâwe! E­nshôkano ya Nyamuzinda ebè haguma ninyu!

Bahabraniya 13:20

Nyamuzinda w’omurhûla, wafûlaga omu bafù Nnawîrhu Yezu, ye Lungere mukulu w’ebibuzi, erhi nterekêro y’omukò gwâge gw’endagâno y’ensiku n’amango erhuma,

RUTI 2:4

N’oku Bwozi acishubûka, arhenga e Elimeleki, abwîra abasârûzi, erhi: «Nyakasane abè haguma ninyu!» Nabo bashuza, mpu: «Nyamubâho akugishe!»