Barom 14:14 - BIBLIYA NTAGATIFU OMU MASHI

¹⁴ Mmanyire, nna­nyêmîre muli Nyakasane oku ntà kantu kahumânya omu bwôrhere bwâko; ci obwîne oku kantu kalebe kali kabî, oyo kanamuhumânya.

Barom 14:14 ပူးပေါင်းရင်းမြစ်များ

Marko 7:2

N’erhi babona baguma omu baganda bâge ba­dwîrhe balya n’enfune zizinzire, kwo kuderha ezirhali nkalabe, babagaya.

Ebijiro 10:28

Okuhandi ababwîra erhi: «Murhahabiri oku Omuyahudi ahanzîbwe okushangîra n’omunya-mahanga erhi okujà omu mwâge. Ci niehe Nyamuzinda ambwîzire mpu irhondo ntacihîra nkaderha nti omuntu ali munjoga nîsi erhi ahumânyire.

Barom 14:2

Hali omanya mpu ankalya ngasi biryo; omuzamba yêhe arhalya ezirhali nshogo-lubala zône.

Barom 14:20

Mâshi omanye wa­nkanashâba omukolo gwa Nnâmahanga erhi biryo birhuma. Nêci, ntahabiri oku ebiryo byoshi biri binjà; ci bihinduka bibî oku muntu obirya omu kusârhaza abandi.

Barom 14:23

Ci ngasi yêshi ojakw’alya anadwîrhe arhindira, erhi mîra ayâgaga, bulya arhashimbiri izù ly’obuyêmêre bwâge; na ngasi kantu karharhenga omu izù ly’obuyêmêre erhi câha.

1 Bakorinti 10:25

Mulye ngasi byoshi baguza omu cibuye, buzira kudôsa erhi kuyôboha omurhima gwayish’immulya kurhuma.

1 Bakorinti 8:10

Bulyâla, erhi omuntu ankakubona, we ogwêrhe obwenge, oli oku cîbo omu ngombe y’abazimu, k’okwo kurhali kuhà oyo muzamba omurhima gw’okulya oku nyama zarherekîrwe abazimu?

1 Bakorinti 8:7

Cikwône obwenge burhali bwa boshi. Baguma, kulya kubà bakomerîre e­nshushano z’abazimu kuhika buno, banalye enyama z’enterekêro nka nterekêre, na ntyo omurhima gwâbo, bulya guli muzamba, banayumva gwa mazinga.

1 Timoteyo 4:4

Bulya ngasi kantu Nyamuzinda alemire kali kinjà, na ntâco cankahanzibwa nka cikolêsibwe omu kuvuga omunkwa;

Tito 1:15

Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire.