Barom 13:8 - BIBLIYA NTAGATIFU OMU MASHI

⁸ Murhabêraga omu mwenda gw’omuntu aha nyuma ly’omwenda gw’obuzigire; bulya ozigîre abâbo erhi ayunjuzize amarhegeko goshi.

Barom 13:8 ပူးပေါင်းရင်းမြစ်များ

Mateyo 7:12

Ntyo, ngasi hyoshi mulonza abantu bammujirire, ninyu mubajirirehyo: lyo Irhegeko eryo n’Abalêbi.

Yowane 13:34

«Mmuhîre irhegeko lihyâhya: muzigirane; nk’oku na­mmuzigîre, kwo ninyu mukâg’izigirana.

Barom 13:10

Ahâli obuzigire harhankaboneka bubî oku bandi. Kuziga obuzigire lyo ishwinjiro ly’amarhegeko.

Barom 13:7

Mukâhà ngasi muguma ebi anakwânîne: omuvurhîsa, mumuvurhire; omuhôza, mumuhè ihôro; ow’okurhînywa, mumurhînye; n’okwânîne okukuzibwa, mumukuze.

Bagalasiya 5:14

Kali amarhegeko goshi mw’eri liguma gabà: Ozigire owinyu nk’oku ocîzigira wêne.

Bakolosi 3:14

Ci kulusha okwo kwoshi, muzigirane, bulya obuzigire ly’ishwinjiro ly’obwimâna.

1 Timoteyo 1:5

Omu kurhegeka ntyo, kulonza nnonzize okulêrha obuzigire burhenga omu murhima gucîre, n’omu nkengêro nkana, n’omu buyêmêre burhalimwo bulyâlya.

Yakôbo 2:8

Mukâshimba lirya irhegeko ly’oku bwâmi liri omu Mandiko lidesire, mpu: Okâzigira owinyu nk’oku ocîzigira wêne, erhi mujizire bwinjà

1 Yowane 3:10

Eci abâna ba Nyamuzinda n’abâna ba shetani bamanyirwakwo c’eci: ngasi yêshi orhajira obushinganyanya arhabà wa Nyamuzinda, n’orhazigira mwene wâbo kwo na kuguma.