Barom 13:1 - BIBLIYA NTAGATIFU OMU MASHI

¹ Ngasi muntu akayumva abarhegesi bamukulîre; bulya ntà bukulu burharhenga emwa Nnâmahanga, n’amarhegesi ganahabà goshi Nyamuzinda yêne wagajiraga.

Barom 13:1 ပူးပေါင်းရင်းမြစ်များ

Ennanga 62:11

Murhahiraga mukalimbira emisî, murhahiraga mukacîkubagira eby’obuhagwe, ebirugu, ciru byankaluga, murhahiraga mukabihirakw’omurhima.

Migani 24:21

Mwâna wâni, orhînye Nyakasane, orhînye na mwâmi, orhahîraga okajira oyu wagomera muli abwo bombi;

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Daniyeli 4:17

“Ogwôla murhi wabonaga gwakula guna­ba murhi muzibu n’irhwêrhwè lyâgwo lihikira omu nkuba karhî, kandi gwaka­zibonekana omu igulu lyoshi”;

Daniyeli 4:32

Kuli ye abantu b’omu igulu lyoshi bali busha embere zâge; anajîre oku anasîmire haguma n’omurhwe gwâge gw’empingu, haguma n’abantu ba hanôla igulu, ntâye wankarhanga okuboko kwâge nîsi okumubwîra, erhi: «Kurhi oku wajira?»

Mateyo 6:13

Orhanarhuhiraga omu mashumi, ci orhulîkûze oku Mubî.

Yowane 19:11

Yezu amushuza, erhi: «Ntà buhashe wankambwînekwo, acibâga orhabuhâbagwa kurhenga enyanya. Co cirhumire ecâha c’owampânaga omu maboko gâwe cilushire ecâwe».

Ebijiro 2:41

Abayankirire akanwa kâge banacibatizibwa. N’olwo lusiku bantu bihumbi nka bisharhu bajà omu bashimbûlizi ba Kristu.

Barom 12:21

Omanye wankahimwa n’obubî, ci ohime obubî omu kujira aminjà.

Barom 13:2

Ntyôla, ngasi ogomera omurhegesi, erhi irhegeko lya Nnâmahanga agomîre, n’abagoma bône bacîlêrhere obuhane.

Befezi 5:21

Mukaz’ikengana mwêne na nnene erhi kurhînya Kristu kurhuma.

Lushika 17:12

Erhi hankajira owahanjalika, arhayumva omudâhwa oyîmanzire oku kukolera Nyamubâho, Nyamuzinda wâwe, arhayumva n’omutwî w’emmanja, oyo muntu ali wa kufà kwo kurhenza obubî omu Israheli okwo.

1 Timoteyo 2:2

abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

Tito 3:1

Okengêze boshi oku bakwânîne bakâkenga abarhambo n’abarhegesi; babè bumvi, babè bo barhanzi omu ngasi bijiro;

Yûda 1:8

Abo bantu nabo kwo na kuguma: omu isirhe lyâbo, banakâsherêza emibiri yâbo, bagayaguze obukulu bwa Nyakasane, banalogorhere ebiremwa by’irenge.

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».

Mafulûlo 19:16

Ecirondo câge n’olurhungu lwâge biyandisirwekwo er’izîno, mpu: «Mwâmi w’abâmi na Nyakasane wa Ba­nyakasane.»

1 Samweli 2:8

Ye kûla omugalugalu omu katulo, n’omukenyi amukûle omu camvu, amudahaze omu ndêko y’abaluzi n’okumuhà entebe y’irenge; bulya ebikondo by’igulu binali bya Nyakasane, enyanya yabyo yo ayûbasire igulu.