Barom 12:20 - BIBLIYA NTAGATIFU OMU MASHI

²⁰ Ci omushombanyi wâwe erhi ankashalika, onamushalûle; akabà agwêrhwe n’enyôrha, onamuhè eci anywa. Okumujirira ntyo kuli kulunda amakala g’omuliro oku irhwe lyâge.

Barom 12:20 ပူးပေါင်းရင်းမြစ်များ

Murhondêro 42:25

Yozefu arhegeka mpu babumbe enshoho zâbo ngano, mpu banahîre enfaranga za ngasi muguma, omu nshoho yâge, banabashanire olwîko lw’enjira. Babajirira ntyo.

2 Bâm 6:22

Anacishuza erhi: «Orhabayîrhaga». Nêci abà wagwârhaga mpira n’engôrho nîsi erhi n’omuherho gwâwe abôla wanabayîrha; ci abâla obahè omugati n’amîshi, balye bananywe bagalishubira emunda nawâbo ali. Anacibajirira ebiryo by’olusiku lukulu.

Ennanga 120:4

Kàli bisonga byoji omu nfune z’entwâli, makala g’omurhi gwa Yenista.

Ennanga 140:10

Abandi eburhambi balengezize irhwe, mâshi mâshi obubî bw’ebinwa byâbo burhankarhang’ibafundêza mâshi.

Mateyo 5:44

Ci niehe mmubwîzire nti muzigire abammu­shomba, musengerere abammulibuza;

Luka 6:27

«Ci mwe mudwîrhe mwayumvirhiza mmubwîzire: “Muzigire abashombanyi, abammushomba mubajirire aminjà”;

Barom 12:21

Omanye wankahimwa n’obubî, ci ohime obubî omu kujira aminjà.

1 Samweli 26:21

Saulu ashuza, erhi: «Najizire ecâha, ci ogalukage mwâna wâni Daudi bulya ntacikujire kurhi, bulya wayêrekîne oku wakenzire obuzîne bwâni.»