Barom 12:19 - BIBLIYA NTAGATIFU OMU MASHI

¹⁹ Murhakâg’icihôla mwenene, bîra bâni, ci muleke obukunizi bwa Nyamuzinda bwône buyish’icihôla, bulya kuyandisirwe, mpu: Okucîhôla kuli kwâni! Niene nayîsh’ilyûla ngasi muntu nk’oku akwânîne. Nyakasane okudesire.

Barom 12:19 ပူးပေါင်းရင်းမြစ်များ

Migani 20:22

Orhaderhaga, erhi: «nacîhôla», ocîkubagire Nyakasane yêne âkulîkûza.

Migani 24:29

Orhaderhaga, erhi: «nâmukolera ebi ànkolire! erhi nahà ngasi muguma nk’oku ànakozire»

Yeremiya 51:36

Ntya kwo Nyakasane aderhîre Yeruzalemu, erhi: «Niene nkolaga nakulwakwo, nacikwihôlera, nkola naganya olwîshi lwâge, nfuke n’enshôko zâge.

Ezekiyeli 25:12

Ntya kwo adesire Nyakasane Nyamubâho. Ebwa kubà Edomu àjizire olwihôlo, oku mulala gwa Yûda, àcîjira mubî okulushire erhi agendicîhôla ntyôla.

Ben Levi 19:18

Orhahîra okucîhôla nîsi erhi okabîkira abantu b’omu lubaga lwinyu akarhi­nda. Okâzigira omulungu wâwe nka oku ocîzigira wênene. Nie Nyakasane okudesire.

Mateyo 5:39

Niehe mmubwîzire nti murhakâg’igalulira omuntu amabî gâge; ci omuntu akakushurhira omu irhama liryo, omurhege n’ery’ekulembe.

Barom 12:14

Mukâgisha abammulibuza; mukâhâna obwangà, murhanahîra mu­kahehêrera ndi.

Barom 12:17

Mumanye mwankagalulira omuntu obubî oku bundi. Mukâlonza okujira aminjà embere z’abantu boshi.

Barom 13:4

bulya abo barhegesi Nnâmahanga wabarhumaga mpu bakujirire aminjà. Ci erhi wankakola amabî, oyôbohe; bulyâla arhali busha bahêkera engôrho. Bali ntumwa za Nyamuzinda na baganda b’obukunizi bwâge balyûza abakola amabî.

Befezi 4:27

Mumanye mwankahà hishetani engwârhiro.

Lushika 32:35

Olwihôlo n’oluhembo biri byâni, amango okugulu kwâbo kwarhereza. Bulyâl’olusiku lwâbo lw’okuhanyagala luli hôfi; nehi babîkîrwe hiyishire buhena.

Lushika 32:43

Mwe malunga, muciyigîrize haguma naye, na bene Nyamuzinda bamuharamye! Mwe mashanja, mucîyigîrize haguma n’olubaga lwâge, n’entumwa za Nyamuzinda ziderhe obuzibu bwâge. Bulyâla ayishihôla omukò gw’abambali, anagalulire abashombanyi bâge amakwânane gâbo. Abamushomba abagalulira ebyâbo, anakangûle ecihugo c’olubaga lwâge.

1 Batesalonika 4:6

Muli okwo harhajiraga owasârhaza mwene wâbo erhi okumujira buligo; bulya Nyakasane anacîhôle kw’ebyo byoshi, nka kulya rhwammubwiragakwo rhwanakuhamîriza

2 Timoteyo 4:14

Aleksandro, mutuzi w’ebyûma, anjirîre bubî bunji; Nyakasane anamulyûle nk’oku ebijiro byâge binashingânîne.

Bahabraniya 10:30

Nêci, rhurhahabiri olya waderhaga, erhi: Okucîhôla kuli kwâni n’okuhâna oluhembo kuli kwâni! na kandi, erhi: Nyakasane àyish’itwîra olubaga lwâge olubanja.

1 Samweli 25:26

“Ci yâgirwa muhanyi, oku irenge lya Nyamubâho, oku irenge ly’iroho lyâwe, Nyamubâho anakuhanzize okubulaga omukò, na ntyôla mpu ebi olagîrîrekwo ocihebyo wênene n’okubûko kwâwe. Na bunôla abanzi bâwe na ngasi boshi bakulongeza amabî yâgirwa, bakabà aka Nabala mâshi!”

1 Samweli 25:33

“Obu bukengêre bwâwe bukonkwa na nâwe wêne kwokwo bulya wamancîka okubulaga omukò ene omu kulonza okucîhà akantu n’okuboko kwâni!”

1 Samweli 26:10

Daudi aderha, erhi: «Alame Nyamubâho! Nyamubâho yêne wanamuyîrhe; kwanabe amango olusiku lwâge lwamahika, ahôla anafà, nîsi erhi aderhe mpu ayandagalira oku matabâro lêro anabè yo afîra.

1 Samweli 26:11

“Ci Nyamubâho annange oku kuhuma oku mwâmi wâge w’ishungwè. Orhôlage bunôla eryo itumu liri oku mushego gwâge, kuguma n’eyo ntendere y’amîshi rhunacîgendere”».