Barom 12:18 - BIBLIYA NTAGATIFU OMU MASHI

¹⁸ Erhi kwankahashikana, mucîsêze okubà n’omurhûla n’abantu boshi.

Barom 12:18 ပူးပေါင်းရင်းမြစ်များ

Murhondêro 21:24

Abrahamu ashuza, erhi: «Nêci ncîgashire kwo».

2 Samweli 20:19

“Woyo walonza okusherêza omurhundu guli nka muzîre w’omu Israheli. Carhuma walonza okushâba olugo lwa Nyamubâho?”» Yowabu ashuza erhi: «Nanga, nanga, enkengêro za mwene ezôla zije kuli kwâni».

Ennanga 34:14

Ocîke olulimi lwâwe oku bubî, ocinge akanwa kâwe oku nderho z’obulyâlya.

Migani 12:20

Cigadu cizinda omu murhima gwabagerereza amaligo, oku abajà-nnâma b’omurhûla bôhe bâsigalana obusîme.

Migani 3:30

Orhagwârhiraga omuntu oku lûnu wamulôngôza, na ntà kubî akujirîre,

Mateyo 5:24

orhang’ileka oburherekêre bwâwe embere z’olutare; ogend’iyumvanya n’owinyu, na hano ogaluka, ogal’ihâna oburherekêre bwâwe.

Mateyo 5:5

Iragi lyâbo abîrhôhye, bulya bayish’irhegeka igulu.

Mateyo 5:9

Iragi lyâbo ab’omurhûla, bulya bayish’iderhwa bene Nyamuzinda.

Marko 9:50

Omunyu ciri cintu cinjà; ci kwônene omunyu gukarhengamwo obununu, cici mwankacigulungamwo? Mubêmwo omunyu, munabè n’omurhûla mwêne na mwêne».

Barom 1:15

B’obu bubidu nti mmulêrhere ninyu Emyanzi y’Akalembe, mwe bantu b’e Roma.

Barom 14:17

Kali Obwâmi bwa Nyamuzinda burhali bwâmi bwa biryo erhi bwa binyôbwa, ci bubà bushinganyanya, na murhûla, na nshagali muli Mûka Mutagatîfu.

Barom 14:19

Kuziga kukwânîne rhushimbûlire ebilêrha omurhûla n’ebyankarhabâla abirhu.

1 Bakorinti 7:15

Ci olya orhali mwemêzi erhi ankalonza okugenda, anagende; omu kwa bene okwo, olya mwene wîrhu erhi mwâli wîrhu barhali bashwêke: bulya Nnâmahanga ammuhamagîre mpu mulere n’omurhûla.

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

Bagalasiya 5:22

Ebijiro bya Mûka Mutagatîfu byôhe buli buzigire, bushagaluke, murhûla, kulemberana, lukogo, bwinjà, kurhatwa omu kanwa kîrhu,

Befezi 4:3

munacîsêze okulanga obuguma bwa Mûka Mutagatîfu omu murhûla gw’ecinyabuguma.

1 Batesalonika 5:13

Mubazigire kwâgo-kwâgo omukolo gwâbo gurhumire. Mubè n’omurhûla ekarhî kinyu.

2 Timoteyo 2:22

Okâyâka iralà ly’obusole; okalongereza obushinganyanya, obuyêmêre, obuzigire, n’omurhûla haguma n’abagashâniza Nyakasane n’omurhima gucîre.

Bahabraniya 12:14

Mulonze okubà n’omurhûla n’abantu boshi, munalonze okubà bimâna, bulya buzira bwimâna ntâye wabone Nyakasane.

1 Petro 3:11

aleke obubî, ajire aminjà, alonze omurhûla, anagukulikire.

Bacîranuzi 11:14

Yefutè ashubirhuma ezindi ntumwa emw’oyo mwâmi wa bene Amoni,