Barom 12:16 - BIBLIYA NTAGATIFU OMU MASHI

¹⁶ Mukâlolana kuguma mwêne na nnene. Murhakâg’ilonza okukulira abandi; ci musîme obwîrhôhye. Murhacîjiraga bîrhonzi omu masù ginyu mwêne.

Barom 12:16 ပူးပေါင်းရင်းမြစ်များ

2 Nganîro 30:12

Ci kwônene abantu b’omu Yûda, Nyamuzinda abahà murhima muguma gw’okuyumva n’okushimba irhegeko lya mwâmi. N’ery'abarhambo, nk’oku kanadesire akanwa ka Nyamubâho.

Ayubu 36:5

Nyamuzinda arhakabulira omuntu ogwêrhe omurhima gucîre!

Migani 17:5

Oshekera omukenyi erhi Omulemi wâge agayisize, n’oshekera ohanyagîre, arhabula kuhanwa.

Migani 19:17

Obabalira omukenyi erhi Nyakasane abîsize, yêne ye wâjuhe.

Migani 19:22

Murhima mwinjà omuntu asîmirwa, n’omukenyi ye mukulu aha munywesi.

Migani 19:7

Erhi bene wâbo omuntu wamâkena bamushomba boshi, kurhi abîra bâge boki bankabulaga bwamuyâka.

Migani 26:12

K’okola oshanzire omuntu ôcibwîne burhimanya? Omusirhe ye mukulu hali ye.

Migani 26:5

Omusirhe omushuze nk’oku isirhc lyâge linali, akâmanya mpu ali murhimanya.

Migani 3:7

Orhacîkebagwa mpu okola oli murhimanya: okazirhînya Nyakasane onayâke amabî;

Izaya 5:21

Buhanya bwâbo abacîbona mpu bali barhimanya n’okucîkunga banya-bukengêre!

Yeremiya 32:39

“Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo”.

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Mateyo 11:5

Emihûrha edwîrhe yabona, abahozire amagulu badwîrhe bagenda, abashomyo badwîrhe bafuma, n’ebihuli bidwîrhe byayumva, abafîre badwîrhe bafûka n’abakenyi badwîrhe babwîrwa Emyanzi y’Akalembe.

Mateyo 26:11

Abakenyi, ensiku zoshi muli haguma nabo, ci niehe arhali ensiku zoshi mwambona.

Luka 14:13

Ci nka wajira idinie, onahamagale abakenyi, ebirema, abakunagizi n’emihûrha.

Luka 6:20

Okubundi anacilikira abaganda bâge mw’amasù, aderha, erhi: «Iragi linyu mwe bakenyi, bulya obwâmi bwa Nyamuzinda buli bwinyu.

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Barom 11:20

Ntyo kwo biri! Gatwîrwe erhi kubula obuyêmêre kurhuma, nâwe buyêmêre bwarhumire wahabêra. Omanye wankacibona; ci oyôbohe erhikwo.

Barom 11:25

Nanga, bene wîrhu, ntalonza muhabe eri ihwe, nti lyo murhang’icîkubagira obushinganyanya bwinyu: baguma muli bene-Israheli bayôrha bali bagoma kuhika abapagani bayishe ntuliri.

Barom 12:3

Enshôkano nahîrwe erhumire, mbwîzire ngasi muguma muli mwe nti murhakâg’icîgenza okulushire olugero, ci mucîlole okunakwânîne, nk’oku Nnâmahanga anagabîre ngasi muguma erhi amushobôza obuyêmêre.

Barom 15:5

Mâshi Nyamuzinda, cisiki c’okulembera amalibuko n’ec’oburhûlirize, ammuhè okuyumvanya mwêne na nnene oku lwîganyo lwa Yezu Kristu,

Barom 6:2

Ntanzi! Rhwe rhwafîre oku câha, kurhi rhwankashub’icibêramwo?

1 Bakorinti 1:10

Mwe mukasinga mâshi, bene wîrhu, oku izîno lya Nnawîrhu Yezu Kristu, muyumvanye; mumanye mwankac’iberamwo; mubè baguma omu murhima, n’omu nkengêro.

1 Bakorinti 3:18

Ntâye ocîrhebage yêne! Muli mwe erhi hankajira owacîkebwa mpu ali mushinganyanya omu masù g’eri igulu, acîjire musirhe ly’abà mushinganyanya;

1 Bakorinti 4:10

Rhwono rhuli basirhe erhi Kristu orhuma, ninyu muli bîrhonzi muli Kristu; rhwono rhuli ngonyi, ninyu muli ba-misî; mwoyo muli bakengwa, nîrhu bagaye.

1 Bakorinti 6:5

Nkudesire nti lêro enshonyi zimmugwârhe! Kuziga murhalimwo mugula wa­nkafunga bene wâbo!

1 Bakorinti 8:2

Omuntu wacîkebwa mpu amanyire akantu, erhi arhacimanya nk’oku bikwânîne.

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

Bafilipi 3:16

Ci kwônene, ngasi aha rhwankabà rhuhisire, rhushimbe njira nguma.

Bafilipi 4:2

Mpûnyire Evodiya bo na Sintiki nti bakaz’iyumvanya muli Nyakasane.

Bahabraniya 13:5

Muyâke obujinisi omu lugendo lwinyu; musîmîswe n’ebimugwêrhe, bulya Nnâmahanga yêne adesire, erhi: Ntakakuleka, ntakanakulikirira.

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.

1 Petro 5:3

Murhazidoheraga abamwahîrwe mpu mubarhegeke, ci mubè lwîganyo lw’obusò.

3 Yowane 1:9

Nayandikîre Ekleziya, ci Diyotrefi olonza okubâmwo wa burhanzi arharhuyankirira.