Barom 12:10 - BIBLIYA NTAGATIFU OMU MASHI

¹⁰ Muzigirane nk’abalondana; ngasi muguma akakenga abâbo nk’abamukulîre.

Barom 12:10 ပူးပေါင်းရင်းမြစ်များ

Murhondêro 13:9

K’ecihugo cirhali cigali embere zâwe. Ontengekwo. Okajà e kulembe najà ekulyo, okajà ekulyo, najà ekulembe».

Ayubu 1:4

Abagala, bàkomereraga okugend’ijirira olusiku lukulu emwa ngasi muguma mulibwo, barhumize na bâli bâbo oku bali basharhu, mpu bayishe balire bananywêre baguma boshi.

Ennanga 133:1

Lwimbo lwa kusôka. Lwa Daudi. Alà nka kwayinjiha, alà nka kwanuna, okubêra haguma cinyabuguma kw’abalondana.

Yeremiya 38:12

Ebed-Meleki, mukûshi, ayâkûza Yeremiyahu, erhi: «ebi bisharhangukiza by’obwikunjè, obiheke omu kwaha n’okundi, ogwâsêkwo emigozi». Yeremiyahu akujira.

Mateyo 20:26

Ci arhali kwo byâbà ntyo muli mwe; owalonz’ibà mukulu muli mwe, acîjire murhumisi winyu;

Luka 14:10

“Ci irhondo okalâlikwa, onagend’icîtamalira oku ntebe nzinda, lyo owakulâlikaga, hano ayisha, akubwîra, erhi”: “Mwîra wâni, yegera embere!” “Obwo wanakengwa na balya muli balâlike mwe nabo”.

Yowane 15:17

“Mmurhegesire nti muzigirane mwene na nnene”».

Yowane 17:21

Boshi babè muguma. Nk’oku we, Larha, oli muli nie nâni nkulimwo, nabo babè muguma muli rhwe, lyo igulu liyêmêra oku we wa­ntumaga.

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Barom 13:7

Mukâhà ngasi muguma ebi anakwânîne: omuvurhîsa, mumuvurhire; omuhôza, mumuhè ihôro; ow’okurhînywa, mumurhînye; n’okwânîne okukuzibwa, mumukuze.

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

Bagalasiya 5:22

Ebijiro bya Mûka Mutagatîfu byôhe buli buzigire, bushagaluke, murhûla, kulemberana, lukogo, bwinjà, kurhatwa omu kanwa kîrhu,

Bagalasiya 5:6

Kali, muli Kristu, arhali kukembûlwa kujira akamalo, ci obuyêmêre buciyêrekana omu buzigire.

Bafilipi 2:3

Ntâco mujirage n’omurhima gw’okucîberûlamwo mirhwe ibiri erhi gw’okucîyêrekana oku murhali; ci ngasi muguma akagerêreza n’obwîrhôhye oku abâbo bamulushire.

Bakolosi 1:4

bulya rhwayumvîrhe obuyêmêre bwinyu muli Kristu Yezu n’obuzigire bwinyu oku batagatîfu boshi,

1 Batesalonika 4:9

Oku biyêrekîre okuzigirana, ntà bulagîrire mugwêrhe bw’okuyandikirwa, kulya kubà Nyamuzinda yêne wammuyigîrizagya okuzigirana mwêne na nnene,

2 Tesalonika 1:3

Rhukwânîne okukâvuga Nnâmahanga omunkwa ngasi mango mwe murhumire, bene wîrhu; okwo kushingânîne, bulya obuyêmêre bwinyu budwîrhe bwayûshûka bwenêne, n’obuzigire bwa ngasi muguma muli mwe oku bâbo buli bunene;

Bahabraniya 13:1

Musêre omu buzigire bw’ecinyabuguma.

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,

1 Petro 2:17

Mukâkenga ngasi muntu; muzigire bene winyu; murhînye Nnâmahanga; mukenge mwâmi.

1 Petro 5:5

Ninyu mwe misole, mukâyumva abagula. Mweshi muhwinje omwambalo gw’obwîrhôhye omu kuyôrha n’abinyu; bulya abacîbonyi Nyamuzinda kucîka abacîka ci abîrhôhye bo ashobôza engalo yâge.

2 Petro 1:7

ecinyabuguma oku bukombêdu, n’obuzigire oku cinyabuguma.

1 Yowane 4:11

Bazigirwa bâni, obûla Nyamuzinda a­rhuzigîre ntyo, kukwânîne nîrhu rhuzigirane.

1 Yowane 4:20

Owaderha erhi: «Nzigira Nyamuzinda» n’obwo ashomba muci wâge, oyo erhi kanywesi: bulya orhazigira mwene wâbo adwîrhe abona, ntâko ankazigira Nyamuzinda arhabona.