9 Naye Daudi acîderhîre, mpu: Ecîbo câbo cibabêre isî, cihinduke murhego, cibè ibuye ly’okusârhaza, lunabè lwo luhembo lwâbo!
Guli mufulike ekuzimu omugozi gumurhezire, n’omurhego gwamurhuluba guli omu njira yâge.
Obatwîre nk’oku ebijiro byâbo bikwânîne, n’oku obubî bw’ebyâha byâbo budesire, obashobôze ebiringânîne emikolo y’enfune zâbo, ebijiro byâbo bibashubirekwo.
Bulya obuhûrha bw’omuhwinja bunamuyîrhe, n’oburhashîbirira bw’ebingolo-ngolo bunabihezè.
Ahembera ngasi muntu ebi àkozire: obukunizi oku bashombanyi bâge n’obuhane oku banzi bâge; ebirhwa abirheganyize olwihôlo.
Ewe! ka nankayigula enda y’omuzîre buzira kumubusamwo omwâna? Nyakasane okudesire. N’akabà nie mburhîsa, ka nankaderha nti nkola nafunika enda? Nyamuzinda wâwe okudesire.
Yezu erhi acihindamuka, abwîra Petro, erhi: «Shetani, ntengaho! odwîrhe wanshumika kubî, bulya enkengêro zâwe zirhali nkengêro z’ebya Nnâmahanga, ci z’eby’abantu!»
“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”
Kuziga rhuleke okukâtwîrana emmanja rhwêne na nnene; rhumanye erhi kwo rhwankarhuma mwene wîrhu asârhala erhi ahirima.
Olwihôlo n’oluhembo biri byâni, amango okugulu kwâbo kwarhereza. Bulyâl’olusiku lwâbo lw’okuhanyagala luli hôfi; nehi babîkîrwe hiyishire buhena.
Bulya akabà obujà-bugo bwa bamalahika bwayunjwîre na ngasi wadesire mpu abugomera erhi mpu arhabuyumva, ahâbirwe obuhane bumukwânîne,