Barom 10:20 - BIBLIYA NTAGATIFU OMU MASHI

²⁰ Ciru Izaya arhayôbohaga okuderha, erhi: Abarhakâg’innonza bo bambwîne, abarhakâg’indôsa bo naciyêresire.

Barom 10:20 ပူးပေါင်းရင်းမြစ်များ

Migani 28:1

Omumînya anayâke na ntâye omulibisirekwo; omushinganyanya yêhe kwo abâ adekerîre nka mwâna wa ntale.

Izaya 49:6

Aderha, erhi: «Kuli kunyi okukujira murhumisi wâni, nti ogend’iyimanza amashanja ga Yakôbo, onagend’igalula abàfumire olufù, muli bene-Israheli. Nkujizire kamole k’amashanja, lyo olumîza obucunguzi bwâni kuhika ebuzinda bw’igulu!.»

Izaya 52:15

ntyôla kwo âyôbohya amashanja manji, abâmi bâhûmbarhala embere zâge, ebwa kubà bamâbona ebi barhasâg’ibwîrwa bamânayumva ebi barhasâg’iyumva baderha.

Izaya 58:1

Oyâkûze n’izù linene burhahusa, oshekêreze nka mushekera, obwîre olubaga lwâni ebyâha byâlwo, n’enyumpa ya Yakôbo amabî gâyo.

Mateyo 20:16

Ntyo kwo abazinda bayish’ibà barhanzi, n’abarhanzi babè bazinda.

Luka 14:23

“Nnawâbo olya mushi amubwîra, erhi”: “Ogonye engo n’enjira, osêze abantu bayishe, kuhika enyumpa yâni eyunjule”.

Barom 10:3

Bulyâla barhamanyiriraga obushinganyanya bwa Nnâmahanga, ci balonza obwâbo bushinganyanya, na ntyo balahira okushimba obushinganyanya bwa Nnâmahanga.

Barom 9:30

Kurhi rhwaderhaga? Rhuderhe oku abapagani barhashimbaga bushinganyanya bashikîrîre obushinganyanya, bwo bushinganyanya burhenga omu buyêmêre;

Barom 9:31

Ci bene-Israheli bôhe bakâg’ishimba irhegeko ly’obushinganyanya, ery’irhegeko barhalihikakagakwo.

1 Yowane 4:19

Rhwêhe rhuzigirane, kulya kubà ye warhangag’i­rhuzigira.