Barom 10:17 - BIBLIYA NTAGATIFU OMU MASHI

¹⁷ Ntyo obuyêmêre omu kuhanûla burhenga, n’o­kuhanûla kujirwa n’akanwa ka Kristu.

Barom 10:17 ပူးပေါင်းရင်းမြစ်များ

Ayubu 42:5

Niono ntakuyishigi kundi okurhali kw’emihwalenge y’abantu omu nshambâlo zâbo, Ci lêro nâni, buno amasù gâni gamâkulolakwo.

Marko 4:24

Akababwîra, erhi: «Murhege amarhwîri oku ngasi byoshi mwayumwe. Omulengo mwalengeremwo abandi, gwo ninyu mwâlengerwemwo; ciru mwayish’iyûshûlirwa.

Luka 11:28

Ci yêhe amushuza, erhi: «Iragi lyâbo erhi bo abayumva ecinwa ca Nnâmahanga n’okucilanga!»

Luka 8:11

«Ogwo mugani gw’ogu: “Emburho lwo Luderho lwa Nyamuzinda”.

Luka 8:21

Naye anacibashuza, erhi: «Nyâmà na bene wîrhu bo ngasi bayumva ecinwa ca Nyamuzinda n’okucîjira».

Yowane 1:37

Balya baganda babiri erhi bayumva ntyo, bashimba Yezu.

Barom 1:16

Emyanzi y’Akalembe ntayibêra nshonyi; bulya eri misî ya Nnâmahanga ociza ngasi mwemêzi, burhanzi Omuyahudi, kandi Omugereki.

Barom 10:14

Ci kwône kurhi bankamushenga barhanamuyêmîri? Na kurhi ba­nkayêmêra oyu barhasâg’iyumva? Na kurhi bankayumva akabà ntâye wâbabwîriza?

2 Bakorinti 2:17

Bulyâla rhwêhe rhurhali aka banji, bakaz’irhimbûla oluderho lwa Nyamuzinda; ci nka bantu nkana, nka bajà-bugo ba Nyamuzinda, rhuyigîriza muli Kristu embere za Nnâmahanga.

Bagalasiya 3:2

Kanwa kaguma nalonza okummudôsa: ka bijiro bya marhegeko erhi kushimba obuyêmêre kwarhumaga muhâbwa Mûka Mutagatîfu?

Bagalasiya 3:5

Olya ommushobôza Mûka n’okujira ebisômerîne ekarhî kinyu, ka bijiro bya marhegeko birhuma akujira, nîsi erhi bulya mushimba obuyêmêre?

Bakolosi 3:16

Oluderho Lwa Kristu lusêre bwenêne omu mirhima yinyu. Mukaz’ilubwirizanya, munakaz’ihanûlana n’obushinganyanya. N’omurhima gwinyu gwoshi mukâyimbira Nnâmahanga ennanga, ebîtakîro n’enyimbo z’obunya-mûka, munakamuvuga omunkwa.

1 Batesalonika 2:13

Co c’irhumire oku bwîrhu rhwêhe, rhurhahusa okuvuga Nyamuzinda omunkwa, bulya erhi mubà mwamayumva Oluderho lwâge rhwammumanyîsagya, murhaluyankiriraga nka kanwa ka muntu, ci, nk’oku lunali, mwaluyankirira nka Luderho lwa Nnâmahanga. Olwo Luderho kukola muli mwe, mwe bemêzi.

Bahabraniya 4:2

Bulya nîrhu rhwabwîzirwe o­mwanzi mwinjà akâbo. Ci oluderho bàyumvagya, lurhabakwânanaga, kulya kubà bàrhalunganaga omu buyêmêre n’abàli baluyêmîre.

1 Petro 1:23

bulya mwabusirwe buhyâhya, arhali n’emburho esherêra, ci n’emburho erhankahash’isherêra, lwo Luderho lwa Nyamuzinda luzîne lw’ensiku n’amango.

Mafulûlo 1:9

Nie ono Yowane, mwene winyu, oshangîra ninyu amalibuko n’obwâmi, n’obuzibu muli Yezu, nabîre ndi oku cirhwa mpu co Patimosi erhi luderho lwa Nyamuzinda n’obuhamîrize bwa Yezu birhuma,