Barom 1:4 - BIBLIYA NTAGATIFU OMU MASHI

⁴ erhi afûka omu bafîre ayêrekana oku anali Mugala wa Nyamuzinda ogwêrhe obuhashe bunene bwa kuli Mûka Mutagatîfu, ye Nnawîrhu Yezu Kristu,

Barom 1:4 ပူးပေါင်းရင်းမြစ်များ

Mateyo 4:3

Owal’imushumika amushegerera, amubwîra, erhi: «Akabà oli Mwene-Nyamuzinda, oderhage aga mabuye gahinduke migati».

Ebijiro 17:31

“bulya atwîre olusiku ayishitwîramwo igulu lyoshi olubanja n’obushinganyanya; ayish’ilutwa n’omuntu acîshozire, amuhà abantu mpu abè ye balangâlira boshi, erhi amufûla omu bafù”».

Ebijiro 2:24

Ci Nnâmahanga amuzûsa, amurhenza omu nkoba z’olufù, bulya kurhankahashikîne lumuhime.

Ebijiro 2:32

“Oyo Yezu, Nnâmahanga amufûsize; na rhweshi rhuli bahamîrizi b’okwo”.

Ebijiro 3:15

n’Omuluzi w’akalamo mwamuyîrha. Ci Nyamuzinda amufûla omu bafù, nîrhu rhwe bahamîrizi bâge.

Barom 1:3

eyêrekîre Mugala wâge w’omu bûko bw’omu­lala gwa Daudi oku maburhwa g’omubiri;

2 Bakorinti 13:4

Abambiragwa oku musalaba erhi kugonyâla kurhuma, ci azîne oku buhashe bwa Nyamuzinda. Na nîrhu, rhuli ngonyi muli ye, nêci, ci rhwayish’iyôrha rhuzîne haguma naye oku buhashe bwa Nyamuzinda muli mwe.

Bahabraniya 9:14

kanga kulusha, omukò gwa Kristu wacîhânaga yêne nterekêro erhalikwo izâbyo emwa Nyamuzinda oku buzibu bwa Mûka gw’ensiku n’amango gurhàcêsa omurhima gwîrhu, guzâzemwo ebijiro by’olufù, lyo rhubona oku rhwakolera Nyamuzinda ozîne?

1 Petro 1:11

bacîhangâna okumanya mango gahi na bimanyîso­ bici Omûka gwa Kristu gwabalimwo gwakâg’ibalangûla, erhi gukâbabwîriza, embere bibè, amalumwa ga Kristu n’irenge lyânagakulikire.

2 Petro 1:21

bulya ntà mango obulêbi busâg’ilêbwa oku bulonza bw’omuntu, ci abantu bàrhumirwe na Nyamuzinda mpu baderhe, kuderhesibwa bakâg’iderhesibwa na Mûka Mutagatîfu.

Mafulûlo 1:18

‘nie na Nn’obuzîne’. ‘Nal’infîre, ‘lêro niono nkola nzîne kuhika emyâka n’emyâka’; ‘n’enyigulo z’olufù n’ez’ekuzimu nie nzigwêrhe».

Mafulûlo 19:10

Nanacicîkwêba aha magulu gâge obwo, nti muharâmye; ci ambwîra, erhi: «Omanye wankajira ntyo! Nâni ndi mushizi akâwe n’aka bene winyu bagwêrhe obuhamîrizi bwa Yezu. Oharâmye Nyamuzinda erhi ye. Bulya obuhamîrizi bwa Yezu buli mûka gwa bulêbi».