Barom 1:20 - BIBLIYA NTAGATIFU OMU MASHI

²⁰ Kurhenga okulemwa kw’igulu, ebirhabonwa bikola bimanyîkana oku biremwa alemire, nk’obuhashe bwâge bw’ensiku n’amango erhi obunyamuzinda bwâge. Co cirhumire barhankabêrwa bwonjo,

Barom 1:20 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

Murhondêro 21:33

Abrahamu agwîka omurhi gw’etamarisi ahôla Bersheba anashengeraho izîno lya Nyamubâho, Nyamuzinda w’ensiku n’amango.

Ayubu 12:7

Odôse enkafu zanakubwîra, enyunyi z’emalunga zanakuyigîriza.

Ennanga 104:31

Irenge lya Nyakasane liyimbwe ensiku n’amango: nêci Nyakasane acîtakir’emikolo yâge.

Ennanga 104:5

Wayanka igulu walidêkereza oku bikondo byâlyo: lirhankafà lyâhuliganyire.

Ennanga 119:90

Oburhabêsha bwâwe bwa kurhenga amâburhwa, walemire igulu, ho linacibà kuhika buno.

Ennanga 139:13

We waburungusagya ensiko zâni, We wambumbaga omu nda ya nyâmà.

Ennanga 8:3

Akanwa k’abâna b’ebirhaba n’abaciyonka, karhubwiriza irenge lyâwe kanahulisa abashombanyi bâwe; lyo abanzi n’abagoma bahirigirha.

Ennanga 90:2

Embere entondo zifûnuke n’embere igulu liburhwe, kurhenga ensiku n’amango erhi ho wêhe onabà ensiku n’amango Nnâmahanga.

Izaya 26:4

Mukâcîkubagira Nyakasane ensiku zoshi, bulya Nyakasane abâ lwâla lw’ensiku n’amango.

Izaya 40:26

Yinamuliri amasù enyanya mucîbonere: ndi wâjiraga ebyo biremwa? K’arhali olya okeresa omurhwe gwâbyo n’okuhamagala ngasi ciguma omu izîno lyâco? Embere z’obuhashe bwâge bunene n’oburhwâli bwâge, ntâco cankabula bwabâho.

Izaya 9:6

Oburhegesi bwâge bwagandâza n’omurhûla gurhakaciyûrha oku ntebe y’obwâmi bwa Daudi n’omu bwâmi bwâge. Obwâmi bwâge bwayîmangira bunasimikire oku bushinganyanya n’obwimâna kurhenga bunôla kuhika ensiku n’amango. Buzigire bwa Nyakasane Nyamuzinda w’Emirhwe bwâkola ebyôla.

Yeremiya 5:21

mpu yumvi n’okûla olu lubaga lw’entumva n’embula-murhima bali mpu bagwêrhe amasù barhanabona mpu bagwêrhe amarhwîri barhanayumva!

Yeremiya 51:15

Alemire obudaka oku buhashe bwâge, abumba igulu oku bumanye bwâge, n’oku bukengêre bwâge àjira amalunga.

Mateyo 5:45

lyo mubà bâna ba Sho w’empingu, obashîsa izûba lyâge oku binjà n’ababî, onaniêsa enkuba oku bashinganyanya n’endyâlya.

Marko 10:6

Ci erhi Nyamuzinda arhondêra okulema, ajizire omulume n’omukazi.

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 15:22

“Ncibulaga buyisha na ncibâga ntabayigîrizagya, rhinga ntà câha bagwêrhe; ci lêro buno ntà bulyo bacigwêrhe oku câha câbo”.

Ebijiro 17:29

“Akabà rhuli b’omu bûko bwa Nyamuzinda, kurhakwânîni rhugerêreze mpu Nyamuzinda ali nka masholo erhi cûma nîsi ibuye byajiragwa n’obulenga erhi n’obukengêre bw’omuntu”.

Ebijiro 22:1

«Bene wîrhu na ba larha, lekag’inywe akasheba embere zinyu».

Barom 1:19

bulya ebyankamanyibwa bya Nnâmahanga, babimanyire: Nnâmahanga yênene abayêresirebyo.

Barom 16:26

Ci lêro buno likola limanyîkîne, n’oku bulonza bwa Nnâmahanga oyôrha abâho emyâka n’emyâka, oku burhabâle bw’amandiko g’abalêbi, lyahisire omu mashanja goshi mpu balimanye, lyo bashimba enjira y’obuyêmêre.

Barom 2:1

Co cirhumire nâwe, ciru wankabà we ndi, orhankayêra ciru n’ehitya, we okâtwa olwa bene, bulyâla omu kutwa olwa bene, kuciyâza ociyâza; kulya kubà, wâni nyamutwa-olwa-bene, oku ajira kwo nâwe ojira.

Barom 2:15

Banayêrekane oku amarhegeko gali mayandike omu murhima gwâbo; entimanya zâbo zinahamîrize ntyo, n’omurhima gwâbo hali amango gubabwîra oku bajizire kubî.

1 Bakorinti 1:20

Omushinganyanya ngahi aligi? Ngahi aligi omuntu wasomire binji? Omurhimanya wa hano nshi ngahi abà wâni? Obushinganyanya bw’igulu ka Nyamuzinda arhabuhindulaga isirhe?

Lushika 33:27

Ayôrha abà lwâkiro, Nyamuzinda, omu nsiku za mîra, na hano shishi, anacikazikushumbiriza amaboko gâge g’ensiku n’amango; akugishe embere zâwe omushombanyi amubwîre erhi: «Okayurha»!

Lushika 4:19

Irhondo okalengeza amasù ogalamira emalunga, okabona izûba, omwêzi, enyenyêzi n’engabo z’emalunga yoshi, orhazigaga bakukulukuza mpu obiharamye erhi kubikolera. Nyamubâho, Nyamuzinda wâwe abigabire amashanja goshi gali idako ly’amalunga.

Bakolosi 1:15

Ye nshusho ya Nyamuzinda orhaboneka, ye Nfula omu biremwa byoshi.

Bakolosi 2:9

Bulya muli ye mwo obwimâna bwoshi bw’obunyamuzinda bubà omu mubiri, ninyu mushangîre obwo bwimâna muli ye,

1 Timoteyo 1:17

Kuli Mwâmi w’ensiku n’amango, Mwâmi orhankafà, orhanabonekana, Nyamuzinda muguma dolodolo, obukuze n’irenge emyâka n’emyâka! Nêci ntyo!

1 Timoteyo 6:16

yêne dolodolo ye jira akalamo karhayûrha, ye ba omu bumoleke burhankahikwakwo, ye rhasâg’ibonwa na muntu, na ntà muntu wankahash’imubona. Kuli ye obukuze n’obuhashe ensiku n’amango! Amen.

Bahabraniya 11:27

Buyêmêre bwamurhenzagya e Mîsiri buzira kuyôboha obukunizi bwa mwâmi: àzibuha, abà nk’obwîne Orhaboneka.

Bahabraniya 9:14

kanga kulusha, omukò gwa Kristu wacîhânaga yêne nterekêro erhalikwo izâbyo emwa Nyamuzinda oku buzibu bwa Mûka gw’ensiku n’amango gurhàcêsa omurhima gwîrhu, guzâzemwo ebijiro by’olufù, lyo rhubona oku rhwakolera Nyamuzinda ozîne?