Bakolosi 4:6 - BIBLIYA NTAGATIFU OMU MASHI

⁶ Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.

Bakolosi 4:6 ပူးပေါင်းရင်းမြစ်များ

1 Nganîro 16:24

Irenge lyâge muliganîre omu karhî k’ab’emahanga, ebi àjizire by’okurhangâza mubimanyîse omu mashanja goshi.

Ennanga 105:2

Mumuyimbire, mumuzihire ennanga, muyigâne ebinja àjizire by’okurhangâza.

Ennanga 119:13

Ebinwa by’akanwa kâwe, ndwîrhe nahigeramwo n’akâni kanwa.

Ennanga 119:46

Amarhegeko gâwe nkazicîtakîrago omu masù g’abâmi, ntanakubêre nshonyi.

Ennanga 45:2

Omurhima gwâni gukola gwarhengamwo ebinwa bilengehe, nkola nayimbira mwâmi ehimbo hyâni; olulimi lumba ekanwa mugera gwa muntu oyîsh’iyandika duba.

Ennanga 66:16

Mwe mukenga Nyamuzinda mweshi mukanye muyumve, mukanye mmurhondêreze ebi àjirîre iroho lyâni!

Migani 10:21

Akanwa k’entagengwa kanashalûle rubannda, ci abakenyi omu bukenyi banafira. Entagengwa n’omumînya

Migani 15:4

Olulimi lurhûliriza abandi: murhi gwa kalamo ci akalimi kabî kubabaza kababaza omurhima

Migani 15:7

Bumanye akanwa k’omurhimanya kamira, ci omurhima gw’omubwinjà, nanga.

Muhanûzi 10:12

Akanwa k’abarhimanya binjà kaderha, akanwa k’omusirhe yêhe ko kanamuheza.

Ezekiyeli 43:24

Wânazihêka embere za Nyamubâho, kandi abadâhwa banazikwebakwo omunyu, banabulizirhererekêra nka nterekêro ya nsirîrà embere za Nyamubâho.

Ben Levi 2:13

Okaz’ilunga ngasi ntûlo warherekêra Nyamuzinda orhanalekaga okuhira omunyu gw’eciragâne câwe na Nyamuzinda wâwe kw’ebi wamurhûla. Okaz’ihira omunyu muli ngasi nterekêro yâwe yoshi emwa Nyamuzinda.

Mateyo 5:13

Mwe, muli munyu gw’igulu. Ci kwône, omunyu gukarhengamwo obununu, cici gwankacilungwamwo? Ntâco gwankacikwânana okurhali kukabulirwa embuga n’okulabarhwa n’abantu.

Marko 9:50

Omunyu ciri cintu cinjà; ci kwônene omunyu gukarhengamwo obununu, cici mwankacigulungamwo? Mubêmwo omunyu, munabè n’omurhûla mwêne na mwêne».

Luka 4:22

Boshi bali bamubêrîre càli-ho, banacirhangâla n’enderho nyinjà zarhengaga omu kanwa kâge, mpu: «K’arhali mwene-Yozefu oyu?»

Befezi 4:29

Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo.

Lushika 11:19

Mubiyigîrize bagala binyu, munakazibakengezabyo, obè otamîre omu mwâwe erhi odwîrhe walambagira omu njira, obè ogwîshîre erhi obè oyîmanzire.

Bakolosi 3:16

Oluderho Lwa Kristu lusêre bwenêne omu mirhima yinyu. Mukaz’ilubwirizanya, munakaz’ihanûlana n’obushinganyanya. N’omurhima gwinyu gwoshi mukâyimbira Nnâmahanga ennanga, ebîtakîro n’enyimbo z’obunya-mûka, munakamuvuga omunkwa.

1 Petro 3:15

ci muharâmye Nyakasane Kristu omu mirhima yinyu. Muyôrhe mucîrheganyize ensiku zoshi okushuza ngasi yêshi wammudôsa igwârhiro ly’obulangâlire bwinyu,