Bakolosi 3:24 - BIBLIYA NTAGATIFU OMU MASHI

²⁴ Mumanye oku Nyakasane ayish’immuhemba, ammujire mîmo yâge. Kaz’imurhumikire Nyakasane Kristu!

Bakolosi 3:24 ပူးပေါင်းရင်းမြစ်များ

Murhondêro 15:1

Enyuma ly’ebyo, akanwa ka Nyamubâho kanacirhindakwo Abramu omu cilôrho, kaderha ntya, erhi: «Orhayôbohaga Abramu, nie mpenzi yâwe, oluhembo lwâwe lwâbà lunene».

Migani 11:18

Enkola-maligo enabone oluhembo lwayirheba, omuntu omîra obushinganyanya yêhe, oluhembo lwâge ho luli.

Mateyo 10:41

Owayigulire omulêbi, erhi izîno lyâge ly’omulêbi lirhuma, ayish’ihâbwa oluhembo lw’omulêbi; n’owayigulire omushinganyanya, erhi bushinganyanya bwâge burhuma, ayish’ihâbwa oluhembo lw’omushinganyanya.

Mateyo 5:12

Musîme munacîshinge, bulya oluhembo lwinyu lwâyish’ibà lunene omu mpingu. Nabo abalêbi bali bammushokolîre, ntyo kwo balibusire.

Mateyo 5:46

Mâshi! mukazigiraga abamuzigira bônene, luhembo luci mwayish’ihâbwa? Ka ebishungu byôki birhajira ntyo?

Mateyo 6:16

Nka mwacîshalisa, murhabâga burhè nka ndyâlya, ezicîjira eminyuga ebusù, mpu lyo abantu babona oku bacîshalisize. Okuli mmubwîre, mîra bahâbagwa oluhembo lwâbo.

Mateyo 6:5

Nka mwashenga, murhabâga nka ndyâlya zisîma okushenga bwimanga omu sinagogi n’omu mashanganizo g’enjira, mpu lyo zibonwa n’abantu. Okuli, mmubwîre, bahâbirwe mîra oluhembo lwâbo.

Luka 14:14

Obwo wanayish’ibona iragi, kulya kubà barhagwêrhi eci­ bakugalulira! Bulya wayish’igalulirwa aha bufûke bw’abimâna».

Luka 6:35

“Mwêhe muzigire abashombanyi binyu, mujire aminjà, munahoze buzira okulangâlira okuholôlwa, lyo oluhembo lwinyu luyish’ibà lunene, munayish’ibà bâna b’Oli-enyanya; bulya yêhe abà mwinjà oku bantu babî n’abarhakûla bwâsi”».

Yowane 12:26

Olonza okunshiga, anshimbe; n’aha ndi, ho n’omwambali wâni ayish’ibà. Omuntu o­nshizire, Larha ayish’imukuza.

Ebijiro 20:32

“Bunôla, mmubîsize Nnâmahanga n’oluderho lw’enshôkano yâge, yêne ye wankahash’iyûbaka n’okumushobôza akashambala haguma n’abatagatîfu boshi”.

Barom 1:1

Paolo, mwambali wa Yezu Kristu, wahamagalagwa mpu abè ntumwa, aberûlwa mpu amanyîse Emyanzi y’Akalembe ka Nnâmahanga,

Barom 14:18

Okolera Kristu ntyôla, asîmîsa Nnâmahanga, n’abantu banamusîme.

1 Bakorinti 11:23

Nêci, nâni ebi nabwîragwa na Nyakasane byo nammuyigirizize: Obudufu Nyakasane Yezu agwarhagwamwo, ayanka omugati,

1 Bakorinti 3:8

Ohinga n’odômera bo baguma, ci ngasi muntu ayish’ihembwa nk’oku anakozire.

1 Bakorinti 7:22

Bulya owali mujà erhi ahamagalwa muli Nyakasane, Nyakasane amukûzire omu bujà. Kwo na kwo, orhali mujà erhi ahamagalwa, akola mujà wa Kristu.

Bagalasiya 1:10

Omu kuderha ntyo, ka kusîmwa na bantu erhi kusîmwa na Nyamuzinda nnonzize? Ka bantu nnonza okusîmîsa? Acibâga bantu ncilonza okusîmîsa, singa ntabà mwambali wa Kristu.

Befezi 6:6

Murhakâg’ikakolera isù nk’abalonz’isimîsa abantu, ci nka barhumisi ba Kristu bajira obulonza bwa Nnâmahanga n’omurhima gwoshi.

Befezi 6:8

Murhahabiri oku ngasi muntu, akabà mushizi, akabà ntagengwa, ayishihâbwa na Nyakasane oluhembo lw’aminjà ajizire.

Bakolosi 2:18

Ntâye ommurhebage mpu ammunyaga entanda yinyu omu kucîkungira obwîrhôhye bwâge bw’okugashâniza bamalahika. Ebyo byoshi biri bilôrho bya balya obucîbone bwâbo burhagwêrhi nsimiko n’obukengêre bw’ecinyamubiri burhunza.

Bahabraniya 10:35

Mumanyage mwankarhêra obwo bulangâlire bwinyu; bulya bubikîrwe ntanda nnene,

Bahabraniya 11:6

Bulya owalonz’iyegêra Nnâmahanga, arhegesirwe ayêmêre oku ho àbà n’oku ahemba abamulonza.

Bahabraniya 9:15

Eco co cirhumire àbà mulagizi w’endagâno mpyâhya, ànafîre mpu azâze ebyâha byàkolagwa amango g’endagâno ntanzi, lyo abarhôle bayîma omu bwâmi bw’ensiku n’amango bàlaganyibagwa.

1 Petro 1:4

mpu lyo rhuyish’iyîma omu bwâmi burhaheka, burhalimwo izâbyo, burhankanayûrha, bulya bwâmi mubîkîrwe omu mpingu,

2 Petro 1:1

Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma.

Yûda 1:1

Yûda, mwambali wa Yezu Kristu, mwene wâbo Yakôbo, oku nshâgi ntonyi muli Nyamuzinda Îshe zalangagwa erhi Yezu orhuma.

RUTI 2:12

“Nyakasane akuhêmbe oku minjà goshi wajizire, n’oluhembo lwâwe lubè lwîmâna embere za Nyakasane, Nyamuzinda w’Israheli, oyu oyishir’icîfulik’omu byûbi byâge”».